ஆசைவார்த்தை கூறி கேரளாவிற்குக் கடத்தல்: சிறுமியைத் திருமணம் செய்த வாலிபர் போக்சோவில் கைது

published 2 years ago

ஆசைவார்த்தை கூறி கேரளாவிற்குக் கடத்தல்: சிறுமியைத் திருமணம் செய்த வாலிபர் போக்சோவில் கைது

 

கோவை: கோவை மாவட்டம் நெகமம் கொண்டேகவுண்டன்பாளையம் பகுதியைச் சேர்ந்தவர் 16 வயது சிறுமி. இவர் சம்பவத்தன்று தனது பெற்றோரிடம் அருகிலுள்ள கடைக்குச் சென்று வருவதாகக் கூறி சென்றார். அதன்பின்னர் அவர் வீடு திரும்பவில்லை. இதனால் அதிர்ச்சி அடைந்த பெற்றோர் அவரை அக்கம் பக்கம் மற்றும் உறவினர்கள் வீடுகளில் தேடிப் பார்த்தனர். ஆனால் அவர் கிடைக்கவில்லை.

இதையடுத்து சிறுமியின் தந்தை நெகமம் காவல் நிலையத்தில் புகார் தெரிவித்தார். புகாரின் பேரில் காவல்துறையினர் சிறுமி மாயம் என வழக்குப்பதிவு செய்து விசாரணை நடத்தி வந்தனர். விசாரணையில் அந்த சிறுமியின் செல்போன் சிக்னல் கேரள மாநிலம் மலப்புரத்தைக் காட்டியது. காவல்துறையினர் உடனே அங்கு விரைந்தனர்.

பின்னர் அங்கு ஒரு வீட்டிலிருந்த சிறுமியை மீட்டனர். அப்போது சிறுமியை வாலிபர் ஒருவர் திருமணம் செய்திருந்தது தெரியவந்தது. மேலும் விசாரணையில் அந்த சிறுமிக்கும், அந்த சிறுமியைத் திருமணம் செய்த வாலிபர் பரமசிவம் (21) என்பவருக்கும் 'ஷேர் சேட்' மூலம் பழக்கம் ஏற்பட்டு இருவரும் காதலித்துள்ளனர்.  அந்த சமயத்தில் பரமசிவம் ஆசைவார்த்தை கூறி அச்சிறுமியைக் கேரளாவிற்குக் கடத்தியுள்ளார். அங்குள்ள ஒரு கோவிலில் வைத்து திருமணம் செய்துள்ளார். பின்னர் அவரது வீட்டிற்கு அழைத்துச் சென்று பல முறை பாலியல் பலாத்காரம் செய்ததும் தெரிவயந்தது.

இதையடுத்து காவல்துறையினர் 2 பேரையும் நெகமம் அழைத்து வந்தனர். சிறுமி மாயமான வழக்கை போக்சோ வழக்காக மாற்றி பரமசிவத்தைக் கைது செய்து சிறையில் அடைத்தனர்.

Youtube

சார்புகளற்ற எங்களது ஊடகத்தை ஆதரிக்க, எங்களது YouTube சேனலை Subscribe செய்யுங்கள். எங்கள் YouTube பயணம் தொடர, உங்கள் ஆதரவை வழங்குங்கள்!

Subscribe
Whatsapp

சார்புகளற்ற எங்கள் செய்திகளை உடனுக்குடன் பெற, எங்களது வாட்ஸ்-அப் குழுவில் இணையுங்கள். குழுவில் இணைய லிங்க்-ஐ க்ளிக் செய்யவும்!

Subscribe