கோவையில் சீர்மரபினர் முகாம் நடைபெறும் தேதி அறிவிப்பு- என்னென்ன பயன்கள் கிடைக்கும்?- விவரங்கள் இதோ...

கோவையில் சீர்மரபினர் முகாம் நடைபெறும் தேதி அறிவிப்பு- என்னென்ன பயன்கள் கிடைக்கும்?- விவரங்கள் இதோ...

published 1 day ago

கோவையில் சீர்மரபினர் முகாம் நடைபெறும் தேதி அறிவிப்பு- என்னென்ன பயன்கள் கிடைக்கும்?- விவரங்கள் இதோ...

கோவை: பிற்படுத்தப்பட்டோர் நலத்துறை அமைச்சரை தலைவராகவும், இராசா அருண்மொழியை துணைத்தலைவராக கொண்டு தமிழ்நாடு சீர்மரபினர் நல வாரியம் சீரிய முறையில் செயல்பட்டு வருகிறது. இவ்வாரியத்தில் பதிவு பெற்ற உறுப்பினர்களுக்கு கடந்த 2008 ஆம் ஆண்டு முதல் வழங்கப்பட்டு வருகிறது.

அதன்படி, விபத்து ஈட்டுறுதி திட்டத்தின் கீழ் உதவித்தொகை, இயற்கை மரணத்திற்கான உதவித்தொகை, ஈமச்சடங்கு செலவிற்கான உதவித்தொகை, கல்வி உதவித்தொகை, திருமண உதவித்தொகை, மகப்பேறு உதவித்தொகை, மூக்குக் கண்ணாடி செலவுத்தொகை ஈடு செய்தல், முதியோர் ஓய்வூதியம் ஆகியவை வழங்கப்படுகிறது.

இந்த நலதிட்ட உதவிகளை பெறுவதற்கு சீர்மரபினர் இனத்தைச் சார்ந்தவர்கள் 18 வயது முதல் 60 வயதுக்கு மிகாமல் உள்ளவர்களாக இருத்தல் வேண்டும், அமைப்பு சாரா தொழில், நிலமற்ற விவசாய கூலி, உடலுழைப்பு தொழிலில் ஈடுபட்டுள்ள இவ்வாரியத்தில் உறுப்பினராக பதிவு செய்து நலத்திட்ட உதவிகள் பெற விண்ணப்பங்கள் வரவேற்கப்படுகின்றன.

ஏற்கனவே உறுப்பினராக பதிவு செய்யாதோர்கள் தங்கள் உறுப்பினர் பதிவினை விரைவில் புதுப்பித்துக்கொள்ள மாவட்ட ஆட்சியர் அலுவலகத்தில் உள்ள மாவட்ட பிற்படுத்தப்பட்டோர் நல அலுவலரை தொடர்பு கொள்ள கேட்டுக்கொள்ளப்படுகிறது. மேலும், அனைத்து வட்டங்களிலும் உள்ள கிராம நிர்வாக அலுவலகத்தில் உறுப்பினர் சேர்க்கைக்கான முகாம் வரும் ஜனவரி 31 வெள்ளிக்கிழமை நடைபெறவுள்ளது.

எனவே, முகாமில் சீர்மரபினர் வகுப்பினை சேர்ந்த தகுதி வாய்ந்த நபர்களின் சேர்க்கை விண்ணப்பங்களை அமைப்பு சாரா தொழில் புரிவதற்கான சான்று. தகுதியுடைய உறுப்பினர்கள் சாதிச்சான்று (சீர்மரபினர் DNC) வருமானச் சான்று மற்றும் ஆதார்
நகல் உடன் விண்ணப்பிக்குமாறு மாவட்ட ஆட்சித்தலைவர் கிராந்திகுமார் பாடி தெரிவித்துள்ளார்.