கோடநாடு கொலை கொள்ளைகொள்ளை வழக்கு- திருச்சி விரைந்த தேசிய தடயவியல் குழு...

கோடநாடு கொலை கொள்ளைகொள்ளை வழக்கு- திருச்சி விரைந்த தேசிய தடயவியல் குழு...

published 1 year ago

கோடநாடு கொலை கொள்ளைகொள்ளை வழக்கு- திருச்சி விரைந்த தேசிய தடயவியல் குழு...

கோவை: கோடநாடு

கொலை, கொள்ளை விவகாரத்தில் செல்போன் தகவல்களை சேகரிக்க குஜராத் தேசிய தடயவியல் குழுவினர் திருச்சி விரைந்துள்ளனர்.

நீலகிரி மாவட்டம் கோத்தகிரியை அடுத்த கோடநாடு எஸ்டேட்டில் முன்னாள் முதல்-அமைச்சர் ஜெயலலிதா மற்றும் சசிகலாவுக்கு சொந்தமான பங்களா உள்ளது. இந்த பங்களாவில் கடந்த 2017-ம் ஆண்டு கொலை, கொள்ளை சம்பவம் நடைபெற்றது. இதையடுத்து போலீசார் இதில் தொடர்புடையதாக சயான், வாளையார் மனோஜ் உள்பட கேரளாவை சேர்ந்த 10 பேரை கைது செய்தனர். இது தொடர்பான வழக்கு ஊட்டி கோர்ட்டில் நடந்து வருகிறது. இந்த வழக்கு தொடர்பாக தற்போது சி.பி.சி.ஐ.டி. போலீசார் மறுவிசாரணை மேற்கொண்டு வருகிறார்கள். இதற்காக 300-க்கும் மேற்பட்டவர்களிடம் விசாரணை நடத்தப்பட்டு உள்ளது.

இந்நிலையில், குற்றச்சாட்டப்பட்ட முதல் நபரான கேரள மாநிலத்தை சேர்ந்த சயானை கடந்த மாதம் 11ம் தேதி கோவை சிபிசிஐடி அலுவலகத்தில் ஆஜராக சம்மன் அனுப்பியிருந்தனர். ஆனால் அவர் அன்றைய தினம் ஆஜராகவில்லை. நேற்று கோவை சிபிசிஐடி அலுவலகத்தில் ஆஜரானார். சுமார் 8 மணி நேரம் நடந்த விசாரணையில் பல்வேறு தகவல்களை அதிகாரிகள் சேகரித்தனர்.

இந்நிலையில், சம்பவம் நடந்த 2017ம் ஆண்டு 60 செல்போன் எண்கள், 19 செல்போன் டவர் இடங்கள் தொடர்பாக திருச்சி பி.எஸ்.என்.எல். அலுவலகத்தில் கைப்பற்றப்பட்ட கேசட்டில் உள்ள தகவல்களை எடுத்து தரும்படி குஜராத்தில் உள்ள தேசிய தடயவியல் ஆய்வக பல்கலைக்கழத்திற்கு கடந்தாண்டு பிப்ரவரி மாதம் கடிதம் அனுப்பப்பட்டது. இந்நிலையில், அந்த தகவலை அந்த தகவல் சேகரமாகிய இடத்திலேயே எடுக்க முடியும் என்ற முடிவின் அடிப்படையில் குஜராத் தடயவியல் குழு திருச்சிக்கு வர முடிவு செய்தது. அதனடிப்படையில், குஜராத்திலிருந்து 2 தடயவியல் நிபுணர்கள் இன்று திருச்சி விரைந்துள்ளனர். அவர்கள் திருச்சியில் உள்ள பி.எஸ்.என்.எல் அலுவலகத்தில், நேரில் சென்று, கொடநாடு கொலை, கொள்ளை சம்பவம் நடந்த தினத்தன்று பதிவாகி இருந்த செல்போன் மற்றும் தொலைபேசி டவர்களின் தகவல்களை சேகரிக்க உள்ளனர்.