கோவையில் சாலை பாதுகாப்பு தொடர்பாக ஆட்சியர் தலைமையில் ஆய்வுக்கூட்டம்...

கோவையில் சாலை பாதுகாப்பு தொடர்பாக ஆட்சியர் தலைமையில் ஆய்வுக்கூட்டம்...

published 8 months ago

கோவையில் சாலை பாதுகாப்பு தொடர்பாக ஆட்சியர் தலைமையில் ஆய்வுக்கூட்டம்...

கோவை: கோவை

மாவட்ட ஆட்சியர் அலுவலகத்தில் சாலை பாதுகாப்பு தொடர்பான மாதாந்திர ஆய்வுக் கூட்டம் மாவட்ட ஆட்சித்தலைவர் கிராந்தி குமார் பாடி தலைமையில் நடைபெற்றது. இக்கூட்டத்தில் மாநகராட்சி ஆணையாளர் சிவகுரு பிரபாகரன், துணை ஆணையர் (போக்குவரத்து) ரோகித்நாதன் ராஜகோபால், மாவட்ட வருவாய் அலுவலர் ஷர்மிளா, பொள்ளாச்சி சார் ஆட்சியர் கேத்ரின் சரண்யா வருவாய் கோட்டாட்சியர்கள் வட்டார போக்குவரத்து அலுவலர்கள் உள்ளிட்ட பல்வேறு அலுவலர்கள் கலந்து கொண்டனர்.

இக்கூட்டத்தில் மாவட்ட ஆட்சித்தலைவர் அவர்கள் தெரிவித்ததாவது:

ஒவ்வொரு மாதமும், சாலை பாதுகாப்பு குறித்த மாதாந்திர ஆய்வுக்கூட்டம் நடைபெற்று வருகின்றது. அதன்படி மாவட்டத்தில் நடைபெற்ற சாலை விபத்துகள் குறித்தும், அவற்றை தவிர்க்க தொடர்பாக சம்மந்தப்பட்ட துறை மேற்கொள்ளப்பட்டது. மேற்கொள்ளவேண்டிய நடவடிக்கைகள் அலுவலர்களுடன் ஆலோசனை
சாலை விபத்துக்கள் ஏற்படாமல் தடுக்க இருசக்கர வாகனம் ஓட்டும் போது
தலைக்கவசமும், நான்கு சக்கர வாகனம் ஓட்டும்போது சீட்பெல்ட்டும் கட்டாயம்
அணிய வேண்டும்.

வாகன ஓட்டுநர்கள் கைபேசி பயன்படுத்தாமல்
இருப்பது. சாலை விதிமுறைகளை முழுமையாக கடைபிடிப்பது போன்றவற்றின்
மூலம் விபத்துகளில் இருந்து நம்மை பாதுகாக்கலாம். சாலை பாதுகாப்பு நடவடிக்கைகள் குறித்து பொதுமக்களிடையே துண்டுபிரசுரங்கள், ஒலிபெருக்கி
வாயிலாக தொடர்ந்து விழிப்புணர்வு ஏற்படுத்தப்பட வேண்டும் என்றார்.

மேலும் சாலைகளில் தேவையான இடங்களில்
வேகத்தடையும், சாலையின் நடுவில் இருக்கும் தடுப்புச் சுவர்களை பாதசாரிகள்
கடந்த செல்லாதவாறும் அமைக்கவேண்டும். தேவையான இடங்களில்
சாலையின் இருபுறமும் போதுமான அளவு மின்விளக்குகள் அமைத்தல்,
ஒளிரும்பட்டைகள், எச்சரிக்கை பலகை, ரவுண்டனா தானியங்கி சிக்னல்கள், உயர் கோபுர மின்விளக்குகள், சாலையின் நடுவில் வெள்ளை நிறக்கோடுகளை
இடுதல் பயணிகள் நிழற்குடை அமைத்தல் பழுதடைந்த சாலைகளை விரைவாக சீரமைத்தல் உள்ளிட்ட பணிகளை
சம்மந்தப்பட்ட துறைகள்
மேற்கொள்ளவேண்டும் என தெரிவித்தார்.