இனி லட்சுமி மில் சிக்னலில் நிக்காம போய்க்கிட்டே இருக்கலாம்..!
published 1 year ago
கோவை : கோவை - அவிநாசி ரோட்டில், மேம்பாலம் கட்டும் பணிக்காக, லட்சுமி மில்ஸ் சந்திப்பு பகுதியில், 'யூ டேர்ன்' வசதி செய்யப்பட்டுள்ளது. இதனால், சிக்னலில் காத்திருக்க வேண்டிய அவசியம் ஏற்படாததால், போக்குவரத்து நெருக்கடி ஏற்படாமல், வாகனங்கள் சீராகச் செல்கின்றன.
கோவை - அவிநாசி ரோட்டில், உப்பிலிபாளையம் முதல் கோல்டுவின்ஸ் வரை, 10.1 கி.மீ., துாரத்துக்கு மேம்பாலம் கட்டும் பணி நடந்து வருகிறது. மொத்தம், 305 துாண்கள் அமைக்க வேண்டும். இதில், 292 இடங்களில் துளையிடப்பட்டு, துாண்கள் அமைக்கப்பட்டு விட்டன. லட்சுமி மில்ஸ் சந்திப்பில், 3 துாண்கள் அமைப்பதற்கான பணிகள் துவக்கப்பட்டுள்ளன. இதற்காக, லட்சுமி மில்ஸ் சந்திப்பில் போக்குவரத்து சிக்னல் அகற்றப்பட்டு, இரு வழித்தடத்திலும், 'யூ டேர்ன்' வசதி செய்யப்பட்டுள்ளது. அண்ணாதுரை சிலை, குப்புசாமி நாயுடு மருத்துவமனை பகுதியில் இருந்து வாகனங்களில் வருவோர், லட்சுமி மில்ஸ் சந்திப்பில் காத்திருக்காமல், ஹோப் காலேஜ் பகுதிக்கு நேராகச் செல்ல வேண்டும். புலியகுளம் செல்ல, திண்டுக்கல் வேணு பிரியாணி கடைக்கு எதிரே அமைத்துள்ள, 'யூ டேர்ன்' பகுதியில் திரும்பிச் செல்ல வேண்டும். சுங்கம் செல்ல, அரசு விருந்தினர் மாளிகைக்குச் செல்வதற்கான, 'யூ டேர்ன்' பகுதியில், திருப்பிச் செல்ல வேண்டும். ஹோப் காலேஜ் பகுதியிலிருந்து வருவோர், அண்ணாதுரை சிலை பகுதிக்கு லட்சுமி மில்ஸ் சந்திப்பில் நிற்காமல் நேராகச் செல்லலாம். |புலியகுளம் செல்வோர் இடதுபுறம் திரும்ப வேண்டும். காந்திபுரம் செல்ல விரும்புவோர், ஜோன் ஓட்டல் முன்புறமுள்ள 'யூ டேர்ன்' பகுதியில் திரும்பி, லட்சுமி மில்ஸ் சந்திப்புக்கு வந்து, இடதுபுறம் செல்ல வேண்டும். வழக்கமாக, லட்சுமி மில்ஸ் சிக்னலில், 3 நிமிடம் 'ரெட்' சிக்னல் போடப்படும்; நூற்றுக்கணக்கான வாகனங்கள் காத்திருக்கும். 'கிரீன்' சிக்னல் கிடைத்ததும் வாகன ஓட்டிகள் போட்டிப் போட்டுக் கிளம்புவதால், நெருக்கடி ஏற்பட்டது. தற்போது சிக்னலில் காத்திருக்க வேண்டிய அவசியம் ஏற்படாததால், போக்குவரத்து நெருக்கடி ஏற்படாமல், வாகனங்கள் சீராகச் செல்கின்றன. இதை, போக்குவரத்து போலீசாரும், மாநில நெடுஞ்சாலைத்துறை சாலை பாதுகாப்பு குழுவினரும் கண்காணித்து வருகின்றனர். 
புல்லுக்காடு குப்பை மேட்டில் தீ- காய்ந்த செடிகளுக்கும் பரவியதால் பதற்றம்…
published 2 days ago
திருக்குறளுக்கு அலகிட்டு வாய்பாடு- உலக சாதனை படைத்த கோவை மாணவி...
published 3 days ago
ராகுல்காந்திக்கு வாழ்த்து தெரித்த எச்.ராஜா...
published 1 week ago
கோவை தமிழ்நாடு வேளாண்மைப் பல்கலைக்கழகத்தில் 7-வது மலர் கண்காட்சி துவங்கியது…
published 1 week ago
ஈஷா மண் காப்போம்: ஒருங்கிணைந்த பண்ணையமும் வருமானமும்
published 2 weeks ago
ஆட்டோ டிரைவருக்கு சரமாரி கத்திக்குத்து; காந்திபுரம் பஸ் ஸ்டாண்டில் கொடூரம்!
published 2 weeks ago
கோவையில் நிகழும் யானை மனித மோதல்கள்- பாமக ஆட்சியரிடம் முன்வைக்கும் கோரிக்கை...
published 2 weeks ago
கோவை வந்த ரயிலில் மூதாட்டியிடம் கைவரிசை; ஒடிசா வாலிபர் கைது!
published 4 weeks ago
மேட்டுப்பாளையம் ஆணவக் கொலை வழக்கு- தீர்ப்பு தேதி அறிவிப்பு…
published 4 weeks ago
மசானிக் மருத்துவமனையில் குழந்தை உயிரிழப்பு; பெற்றோர் குற்றச்சாட்டு!
published 1 day ago
அர்ஜுன் சம்பத் மீது கோவையில் வழக்குப்பதிவு- காரணம் என்ன?
published 1 day ago
கோவையில் ஆம்னி பேருந்து நிலையத்தை திறந்து வைத்த அமைச்சர் கே.என்.நேரு…
published 2 days ago
கோவை மாவட்டத்தில் இன்ஸ்பெக்டர்கள் 8 பேர் பணியிட மாற்றம்..
published 2 days ago
ஈஷாவில் பிப்.27-மார்ச் 9 வரை தமிழ்த் தெம்பு!
published 19 hours ago
தற்போது பிற மொழி ஆதிக்கங்கள் அதிகமாகவிட்டது- கோவையில் அமைச்சர் சாமிநாதன் தெரிவிப்பு...
published 22 hours ago
தமிழ் வாழ்க என ஹிந்தி மொழியை அடித்து கோவையில் ஒட்டப்பட்டுள்ள போஸ்டர்...
published 1 day ago