கோவையில் பாதாள சாக்கடை திட்ட பணி விறுவிறு
published 1 year ago
கோவை: கோவை மாநகராட்சி சார்பில் குறிச்சி, குனியமுத்தூர் பகுதியில் ரூ.442 கோடி மதிப்பில் 435 கிலோ மீட்டர் அளவில் பாதாள சாக்கடை திட்டப்பணி விறுவிறுப்பாக மேற்கொள்ளப்பட்டு வருகிறது.
கோவை மாநகராட்சியில் 100 வார்டுகளும், ஐந்து மண்டலங்களும் உள்ளன. சுமார் 6,500க்கும் மேற்பட்ட தெருக்கள் உள்ளன. கடந்த 2011ம் ஆண்டு முன்னர் கோவை மாநகராட்சியில் 72 வார்டுகள் மட்டுமே இருந்தன. கோவை மாநகராட்சியில் கடந்த 2011ம் ஆண்டு 3 நகராட்சிகள், 7 பேரூராட்சிகள், ஒரு ஊராட்சி இணைக்கப்பட்டன.அப்போது, முன்பு இருந்த 72 வார்டுகள் 60 வார்டுகளாகவும், புதிதாக இணைக்கப்பட்ட பகுதிகள் 40 வார்டுகளாகவும் ஒருங்கிணைக்கப்பட்டு 100 வார்டுகளாக உயர்த்தப்பட்டது. அதன்பின், மாநகராட்சியில் முன்பே இருந்த 60 வார்டுகளில் மாநகராட்சி நிர்வாகத்தின் சார்பில் ஒன்றிய அரசின் ஜவஹர்லால் நேரு தேசிய நகர்ப்வு புனரமைப்பு திட்டத்தின் கீழ் கடந்த 2009-ம் ஆண்டு பாதாள சாக்கடை திட்டப்பணி துவங்கப்பட்டு 99 சதவீதம் முடிக்கப்பட்டுள்ளது. இந்நிலையில், மாநகராட்சியில் புதிதாக இணைக்கப்பட்ட இணைப்புப் பகுதிகளில் கழிவுநீர் சீரான முறையில் வெளியேற்றிட பாதாள சாக்கடை திட்டப்பணி நிறைவேற்றிட முடிவு செய்யப்பட்டது. அதன்படி இணைப்பு பகுதி 7 பிரிவுகளாக பிரிக்கப்பட்டன. கோவை மாநகராட்சி நிர்வாகத்தின் சார்பில் தமிழ்நாடு குடிநீர் வடிகால் வாரியத்தின் மூலம் பாதாள சாக்கடை திட்டப்பணியை மேற்கொள்ள முடிவு செய்யப்பட்டது. அதன்படி கோவை மாநகராட்சியின் குறிச்சி, குனியமுத்தூர் பகுதியில் 87 முதல் 100 வார்டுகள் பகுதியில் ரூ.442 கோடி மதிப்பில் பாதாள சாக்கடை திட்டப்பணிகள் மேற்கொள்ளப்பட்டு வருகிறது. இப்பகுதியில் 435 கிலோ மீட்டர் தூரத்துக்கு பாதாள சாக்கடை திட்டப்பணி மேற்கொள்ளப்பட்டு வருகிறது.இத்திட்டத்துக்காக 30 இடங்களில் கழிவுநீர் உந்தேற்று நிலையங்கள் அமைக்க திட்டமிடப்பட்டு பணிகள் முழு வீச்சில் நடைபெற்று வருகிறது. மேலும் வெள்ளலூர் குப்பைக்கிடங்கு வளாகத்தின் ஒரு பகுதியில் ரூ.50 கோடி மதிப்பில் தினமும் 30 எம்எல்டி அளவுக்கு நீரை சுத்திகரிப்பு செய்யும் கழிவுநீர் சுத்திகரிப்பு நிலையம் கட்டும் பணியும் மேற்கொள்ளப்பட்டு வருகிறது. இது குறித்து மாநகராட்சி உயர் அதிகாரி ஒருவர் கூறியதாவது: குறிச்சி, குனியமுத்தூர் பகுதியில் பாதாள சாக்கடை திட்டத்தில் 69,658 வீடுகளுக்கு இணைப்பு கொடுக்க திட்டமிடப்பட்டது. இதில் தற்போது வரை 31 ஆயிரத்திற்கும் மேற்பட்ட வீடுகளுக்கு இணைப்பு கொடுக்கப்பட்டுள்ளது. குறிச்சி குனியமுத்தூர் பாதாள சாக்கடை திட்டத்தை விரைந்து முடிக்க திட்டமிட்டுள்ளோம். தற்போது பணிகள் விறுவிறுப்பாக நடந்து வருகிறது. இவ்வாறு அவர் கூறினார். 
கோவை மாவட்டத்தில் இன்ஸ்பெக்டர்கள் 8 பேர் பணியிட மாற்றம்..
published 2 days ago
எம்ஜிஆர் ஆத்மா சாந்தியடையவில்லை- கோவையில் ஒட்டப்பட்டுள்ள போஸ்டர்...
published 4 days ago
நடிகர் அஜித்தின் விடாமுயற்சி திரைப்படம் வெளியானது- கோவையில் ரசிகர்கள் கொண்டாட்டம்....
published 2 weeks ago
விஜய் நடத்திய ஆலோசனை கூட்டம்- களத்தில் இறங்கிய கோவை தவெக கட்சியினர்...
published 3 weeks ago
கோவையில் நாளை பல்வேறு பகுதிகளில் மின்தடை அறிவிப்பு!
published 3 weeks ago
கோவையில் நடைபெற்ற பைக் ரேஸ்- சீறிபாய்ந்த வீரர்கள்- வீடியோ காட்சிகள் உள்ளே...
published 3 weeks ago
குடியரசு தினத்தை முன்னிட்டு கோவையில் தீவிர சோதனை...
published 4 weeks ago
கோவையில் சாதி மறுப்பு திருமணம் செய்த தம்பதி ஆணவக்கொலை... வழக்கில் தீர்ப்பு...!
published 4 weeks ago
மசானிக் மருத்துவமனையில் குழந்தை உயிரிழப்பு; பெற்றோர் குற்றச்சாட்டு!
published 1 day ago
அர்ஜுன் சம்பத் மீது கோவையில் வழக்குப்பதிவு- காரணம் என்ன?
published 1 day ago
கோவையில் ஆம்னி பேருந்து நிலையத்தை திறந்து வைத்த அமைச்சர் கே.என்.நேரு…
published 2 days ago
புல்லுக்காடு குப்பை மேட்டில் தீ- காய்ந்த செடிகளுக்கும் பரவியதால் பதற்றம்…
published 2 days ago
ஈஷாவில் பிப்.27-மார்ச் 9 வரை தமிழ்த் தெம்பு!
published 19 hours ago
தற்போது பிற மொழி ஆதிக்கங்கள் அதிகமாகவிட்டது- கோவையில் அமைச்சர் சாமிநாதன் தெரிவிப்பு...
published 22 hours ago
தமிழ் வாழ்க என ஹிந்தி மொழியை அடித்து கோவையில் ஒட்டப்பட்டுள்ள போஸ்டர்...
published 1 day ago