கோவையில் விதிகளை மீறினால் நொடிகளில் அபராதம்...!

கோவையில் விதிகளை மீறினால் நொடிகளில் அபராதம்...!

published 1 year ago

கோவையில் விதிகளை மீறினால் நொடிகளில் அபராதம்...!

கோவை: கோவை

மாநகரில் போக்குவரத்து விதிமுறை மீறும் வாகனங்கள் மீது உடனடியாக நடவடிக்கை எடுக்கும் வகையில் அதிநவீன கேமராக்களை கொண்ட சிறப்பு காவல் அறையை மாநகர காவல் ஆணையர் பாலகிருஷ்ணன் பயன்பாட்டுக்கு திறந்து வைத்தார்.

கோவையில் சாலை விபத்துகளை தடுக்கவும், சாலை விதிகளை முறையாக பின்பற்றவும் மாநகர காவல் துறை பல்வேறு முயற்சிகளை மேற்கொண்டு வருகிறது.

அதன் அடிப்படையில் பல்வேறு பகுதிகளில் சிசிடிவி கேமராக்களை பொருத்தி போக்குவரத்து விதிகளை பின்பற்றாதவர்கள் குறித்தும், குற்ற சம்பவங்கள் குறித்தும் கண்காணித்து வருகின்றனர்.

மேலும் வேகமாக செல்லும் வாகனங்களை கண்காணித்து உடனடியாக அபராதம் விதிக்கும் தொழில்நுட்பமும் கோவை மாநகரில் கொண்டுவரப்பட்டுள்ள நிலையில் மீண்டும் புதியதாக மற்றொரு தொழில்நுட்பத்தின் மூலம் வாகனங்கள் கண்காணிக்கப்படுகின்றன. கோவை சுங்கம் பகுதியில் புதிய காவல் அறை ஒன்றை கோவை மாநகர காவல் ஆணையர் பாலகிருஷ்ணன் இன்று திறந்து வைத்தார்.

அதில் குளிர்சாதன பெட்டி, மின்விசிறி, விளக்குகள், ஒலிபெருக்கி மற்றும் மைக், நான்கு அதிநவீன சிசிடிவி கேமராக்கள், கண்காணிக்கும் திரை உள்ளிட்டவை பொருத்தப்பட்டு திறக்கப்பட்டுள்ளது..

இந்த காவல் அறையில் பொருத்தப்பட்டுள்ள அதிநவீன சிசிடிவி கேமராக்களில், அந்த வழியாக செல்லும் வாகனங்களின் பதிவு எண்கள் அனைத்தும் பதிவேற்றம் செய்யப்படுகின்றன. தானியங்கி செயல்பாட்டின் மூலம் ஒவ்வொரு வாகன எண்ணும் பதிவேற்றம் செய்யப்படுவதோடு மட்டுமல்லாமல் சாலை விதிகளை மீறும் வாகன ஓட்டிகளுக்கு உடனடியாக தானியங்கி முறையில் வழக்கு பதிவு செய்து அபராதம் விதிக்கப்பட்டு குறுஞ்செய்தி அனுப்பப்படுகிறது.

அதேபோன்று சாலையைக் கடப்பவர்கள் எளிதாக கடந்து செல்வதற்கான சிறப்பு சிக்னலையும் கோவை மாநகர காவல் ஆணையர் திறந்து வைத்தார்.

இந்த சிக்னலை பொதுமக்களை உபயோகப்படுத்தி சாலையை எளிதாக கடக்கலாம் எனவும் மாநகர காவல் துறை தெரிவித்துள்ளது. கோவை மாநகர காவல் துறையின் இந்த நடவடிக்கை மாநகரில் போக்குவரத்து விதிமீறல்கள் கட்டுப்படுத்தப்படும் என்ற நம்பிக்கை அளிப்பதாக பொதுமக்கள் தெரிவிக்கின்றனர்.