மிரட்டலாக வெளியான ரஜினியின் ‘கூலி’ பட டைட்டில் டீசர்!

தலைவர் -171 படம் தங்க கடத்தல் பின்னணி கதையை கொண்டு உருவாக உள்ளதாகவும் இந்தப் படத்தில் ரஜினி 'மாபியா' வேடத்தில் நடிக்கிறார் எனவும் கூறப்படுகிறது.  

படத்தில் ரன்வீர் சிங் மற்றும் நாகார்ஜூனா முக்கிய கதாப்பாத்திரத்தில் நடிக்க உள்ளனர். ஸ்ருதி ஹாசன் ரஜினிக்கு மகளாக நடிக்கவுள்ளார் என்ற தகவல் வெளியாகியது.  படத்தின் சூட்டிங் வரும் ஜூன் மாதம் தொடங்க உள்ளது. படத்தின் பர்ஸ்ட் லுக் போஸ்டர் கடந்த சில வாரங்களுக்கு முன் வெளியாகி ரசிகர்களை கவர்ந்தது.

தற்பொழுது படத்தின் ப்ரோமோ வீடியோ வெளியாகியுள்ளது. 3.16 நிமிடங்கள் இந்த வீடியோ  ஓடுகிறது. படத்தின் தலைப்பு டிஸ்கோவாக இருக்குமோ என ரசிகர்களிடம் கேள்வி எழுந்த நிலையில்,  படத்தின் பெயர் 'கூலி' என வைக்கப்பட்டுள்ளது.  இப்படம் அடுத்த ஆண்டு திரைக்கு வர உள்ளது குறிப்பிடத்தக்கது. 

 

ரஜினியின் ‘கூலி’ பட டைட்டில் டீசர் - வீடியோவை பார்க்க லிங்கை கிளிக் செய்யவும்!