போக்கு காட்டும் தங்கம்: ஏற்ற இறக்கத்தை நம்பாதீர்! இன்றைய நிலவரம்!

போக்கு காட்டும் தங்கம்: ஏற்ற இறக்கத்தை நம்பாதீர்! இன்றைய நிலவரம்!

published 7 months ago

போக்கு காட்டும் தங்கம்: ஏற்ற இறக்கத்தை நம்பாதீர்! இன்றைய நிலவரம்!

கோவை:

தங்கம் மற்றும் வெள்ளி விலை நிலவரத்தை இந்த செய்தித் தொகுப்பில் காணலாம்.

ஜனவரி மாதம் 1ம் தேதி ரூ.5910க்கு விற்பனையான ஒரு கிராம் ஆபரணத் தங்கம் இன்று ஒரு கிராம் ரூ. 6700க்கு விற்பனை செய்யப்படுகிறது.

நடப்பு ஆண்டில் கிராமுக்கு ரூ.790 அதிகரித்திருக்கிறது. இது அதிரடியான விலையேற்றம் தான். ஏனென்றால் பவுன் ரூ.47,280க்கு விற்பனை செய்யப்பட்ட 22 காரட் ஆபரணத் தங்கம் தற்போது ரூ.53,600க்கு விற்பனையாகிறது.

அதாவது, பவுனுக்கு ரூ.6,320 விலை அதிகரித்துள்ளது. இடைப்பட்ட காலத்தில் தங்கம் விலை ஏற்ற இறக்கத்தைச் சந்தித்தாலும் கிராம் ரூ.6,500ஐ குறைந்து செல்லவில்லை. தங்கம் விலை தாறுமாறாக உயர்ந்த பின்னர், மீண்டும் ஒரு முறை மட்டும் அதிரடி விலை வீழ்ச்சியை சந்திக்கிறது.

இது அதிரடி விலை குறைப்பாக பார்க்கப்படுகிறதே தவிர, நிதர்சனம் அதுவல்ல. தங்கம் விலை மெல்ல மெல்ல உயர்ந்து வருகிறது.

தங்கம் விலை நேற்று அதிரடியாக பவுனுக்கு ரூ.680 குறைந்தது. நேற்றே நமது செய்தியில் குறிப்பிட்டது போல், இன்று மீண்டும் தங்கம் விலை அதிகரித்துள்ளது.

தமிழகத்தில் 22 காரட் ஆபரணத் தங்கத்தின் விலை பவுனுக்கு ரூ.40 விலை அதிகரித்துள்ளது. ஒரு கிராம் ரூ.6,700க்கும் ஒரு பவுன் ரூ.53,600க்கும் விற்பனை செய்யப்படுகிறது.

18 காரட் ஆபரணத் தங்கம் கிராமுக்கு ரூ.16 விலை அதிகரித்துள்ளது. ஒரு கிராம் ரூ.5488க்கும், பவுன் ரூ.43,904க்கும் விற்பனையாகிறது.

ஒரு கிராம் வெள்ளி 30 பைசா விலை குறைந்துள்ளது. கிராம் ரூ.96.20க்கும், ஒரு கிலோ வெள்ளி ரூ.96,200க்கும் விற்பனை செய்யப்படுகிறது.

தங்கம் நுகர்வு குறைந்தாலோ அதற்கான தேவை குறைந்தாலோ தவிர அதன் விலை குறைய வாய்ப்பில்லை. தற்போது ஏழை மக்களின் கனவாக மாறியிருக்கும் தங்கம், அடுத்த சில ஆண்டுகளில் மிடில் கிளாஸ் மக்களின் கனவாக மாறினாலும் ஆச்சரியப்படுவதற்கு இல்லை: NewsClouds Team.