வெறிச்சோடி காணப்பட்ட கோவை தொழில் நிறுவனங்கள் : 5 லட்சம் பேர் சொந்த ஊர்களுக்கு பயணம்
published 2 years ago
கோவை: தென் இந்தியாவின் மான்செஸ்டர் என அழைக்கப்படும் கோவை மாவட்டத்தில் சுமார் 1 லட்சத்து 50 ஆயிரத்திற்கும் அதிகமான சிறு குறு, நடுத்தர மற்றும் பெரும் தொழில் நிறுவனங்கள் செயல்பட்டு வருகின்றன.
பவுண்டரி, டெக்ஸ்டைல்ஸ், பவர்லூம், வெட் கிரைண்டர்ஸ், பம்புகள், பிளாஸ்டிக் தொழிற்சாலைகள் என சுமார் 60 சதவீதம் தொழிற்சாலைகள் கிராமப்புறங்களிலும், 40 சதவீதம் தொழிற்சாலைகள் நகர்புறங்களிலும் செயல்படுகின்றன.
இதில் கிராமப்புறங்களை சுற்றி சுமார் 325 பெரிய தொழில்நிறுவனங்களும், மாநகராட்சி பகுதிகளை சுற்றி சுமார் 100 பெரிய தொழில் நிறுவனங்களும் உள்ளன. கோவையில் உள்ள இத்தொழில் நிறுவனங்களில் சுமார் 5 லட்சம் தொழிலாளர்கள் பணிபுரிந்து வருகின்றனர்.
கோவையில் சிறு குறுந்தொழில் முனைவோர்கள் மட்டும் 15 ஆயிரம் முதல் 20 ஆயிரம் பேர் வரை உள்ளனர். அவர்களது தொழில்நிறுவனங்களில் 1 லட்சத்திற்கும் அதிகமான தொழிலாளர்கள் பணிபுரிந்து வருகின்றனர். குறுந்தொழில்கள் முக்கியமாக ஜாப் ஆர்டர்களை நம்பியே உள்ளனர். ஆட்டோ மொபைல் தொழில் சார்ந்த உதிரிபாகங்கள் தயாரிப்பு, பம்புசெட் உதிரிபாகங்கள் தயாரிக்க தேவைப்படும் பொருட்கள் தயாரிப்பது, ஜவுளி தொழில்துறையில் உள்ள இயந்திரங்களுக்கு தேவையான பொருட்களை தயாரிப்பது உள்ளிட்டவை ஜாப் ஆர்டர்களாக பெற்று தயாரிப்பார்கள்.
அதேபோல் கோவை ராஜா வீதி, பெரியகடை வீதி, இடையர் வீதி, வைசியாள் வீதி, கெம்பட்டி காலனி, செட்டி வீதி, அசோக் நகர், அய்யப்பா நகர், செல்வபுரம், சலீவன் வீதி, காந்திபார்க், சாய்பாபா காலனி, கிராஸ்கட் காலனி உள்ளிட்ட பகுதிகளில் 25 ஆயிரத்திற்கும் மேற்பட்ட நகைப்பட்டறைகளும், நகை தயாரிப்பு தொழிற்சாலைகளும் உள்ளன.
இதில் 2 லட்சத்திற்கும் மேற்பட்ட தொழிலாளர்கள் மறைமுகமாகவும், நேரடியாகவும் பணியாற்றி வருகின்றனர். இதேபோல் கோவை மாவட்டத்தில் ஜவுளி தொழில்நிறுவனங்கள், நூற்பாலைகள், விசைத்தறி கூடங்கள் என ஏராளமான தொழில் நிறுவனங்கள் உள்ளன. இதில் லட்சக்கணக்கான உள்ளூர் மற்றும் பிற மாவட்ட, மாநில தொழிலாளர்கள் பணிபுரிந்து வருகின்றனர்.
இதுதவிர ஐ.டி. நிறுவனங்கள், கட்டுமான நிறுவனங்கள், இதர அலுவலகங்கள் என பல ஆயிரக்கணக்கான ஊழியர்கள் பணி புரிந்து வருகின்றனர்.
இதில் பணியாற்றி வரும் தொழிலாளர்கள் சுமார் 5 லட்சத்துக்கும் மேற்பட்டோர் தீபாவளியையொட்டி கடந்த ஒரு வாரத்தில் சொந்த ஊர் சென்றனர்.
குறிப்பாக கோவை ரயில்களில் 3 லட்சத்திற்கும் மேற்பட்டவர்கள் வெளி மாவட்டங்களுக்கும், வடமாநிலங்களுக்கும் சென்றிருப்பதாக தகவல் தெரியவந்துள்ளது. தொழில் நிறுவனங்கள் தொழிலாளர்கள் சென்றதால் ஒரு வாரம் வரை உற்பத்தியை நிறுத்தி வைக்க முடிவு எடுத்துள்ளனர்.
இந்நிலையில் விசைத்தறி, டெக்ஸ்டைல், ஆட்டோ மொபைல், பம்பு, கிரைண்டர் உள்ளிட்ட நிறுவனங்கள் ஒரு மாதம் இருப்பு வைக்கும் அளவிற்கு பொருட்களை உற்பத்தி செய்துள்ளனர் என தகவல் தெரிவித்துள்ளனர். கோவையில் பீகார், ஒடிசா, ஜார்கண்ட், மகாராஷ்டிரா, உத்தர பிரதேசம், குஜராத் உள்ளிட்ட பல்வேறு மாநிலங்களை சேர்ந்தவர்கள் வேலை செய்து வருகின்றனர். இவர்களில் பலர் தீபாவளி கொண்டாட சொந்த ஊர் சென்று விட்டனர். கட்டுமானம், ரயில்வே பொருட்கள் உற்பத்தி, இரும்பு நிறுவனங்கள், காஸ்டிங் நிறுவனம், ஏற்றுமதி நிறுவனங்களில் வடமாநில தொழிலாளர்கள் அதிகளவு வேலை செய்து வருகின்றனர். இவர்கள் சொந்த ஊர் செல்வதற்காக ரயில்களில் குவிந்தனர். சில தொழில் நிறுவனங்கள் வடமாநில தொழிலாளர்களுக்காக டிராவல்ஸ் பஸ்களை ஏற்பாடு செய்து அனுப்பியது. இதனால் கோவை மாவட்டத்தில் பெரும்பாலான பகுதிகள் வெறிச்சோடி காணப்பட்டது. இது குறித்து தொழில் துறையினர் கூறுகையில், கோவை மாவட்டத்தில் பெரும்பாலான உற்பத்தி தொழில் நிறுவனங்களில் 50 சதவீதத்திற்கும் மேற்பட்டவர்கள் வடமாநிலத்தில் இருந்து வந்து தங்கி வேலை செய்கிறார்கள். இவர்கள் தீபாவளிக்கு சொந்த ஊர் சென்றுவிட்டனர். ஒரு வாரம் கடந்த பின்னர்தான் வருவார்கள். இவர்கள் சென்று வருவதற்கான டிக்கெட் மற்றும் பண்டிகை செலவுக்கான தொகை, போனஸ் கொடுத்து அனுப்பி வைத்திருக்கிறோம். சிலர் பண்டிகை முடிந்த பின்னர் திரும்ப வருவதில்லை. 40 சதவீதத்திற்கும் மேற்பட்டோர் தென் மாவட்டங்களை சேர்ந்தவர்கள். அவர்களும் சொந்த ஊர் சென்றுவிட்டனர். இவர் திரும்பி வர குறைந்தது ஒருவாரமாவது ஆகும். சிலர் வந்தாலும் வேறு நிறுவனங்களுக்கு பணிக்கு சென்று விடுவார்கள். எனினும் புதிய தொழிலாளர்கள் தீபாவளி முடிந்து அதிக அளவில் பணிக்கு வருவார்கள் என நம்பிக்கை உள்ளது என்றனர்.
தொழிலாளர்கள் அதிகளவு விடுப்பு எடுத்துவிட்டதால் சில தொழில் நிறுவனங்கள் தீபாவளிக்கு பின்னர் தொழிலாளர்கள் வரும் வரை இயக்கத்தை நிறுத்தி வைக்க முடிவு செய்துள்ளது.
அர்ஜுன் சம்பத் மீது கோவையில் வழக்குப்பதிவு- காரணம் என்ன?
published 1 day ago
கோவை வரும் அமித்ஷாவிற்கு கருப்பு கொடி...
published 3 days ago
கவுண்டம்பாளையம் பகுதியில் வீடு புகுந்து மிக்சி, டிவி-யை தூக்கி சென்ற மர்ம நபர்…
published 3 days ago
கோவையில் ஆய்வு மேற்கொண்ட சட்டப்பேரவை பொது நிறுவனகுழு...
published 1 week ago
கோவை குண்டு வெடிப்பு புஷ்பாஞ்சலி நிகழ்ச்சிக்கு தடை விதிக்க வேண்டும்- SDPI மனு...
published 1 week ago
ஈஷா தைபூசத் திருவிழா: பக்தர்கள் பக்தி பரவசம்!
published 1 week ago
கோவையில் 60 லட்சம் தங்கத்துடன் நகைப்பட்டறை ஊழியர் மாயம்…
published 1 week ago
மதுக்கரை பகுதியில் சுற்றித்திரியும் குரங்கு- மக்களை தாக்க வந்ததால் அச்சம்...
published 2 weeks ago
கோவையில் நாளை பல்வேறு பகுதிகளில் மின்தடை அறிவிப்பு!
published 3 weeks ago
ராணுவ அக்னி வீர் பணியில் சேர ஆர்வம் காட்டும் இளைஞர்கள்..!
published 3 weeks ago
மசானிக் மருத்துவமனையில் குழந்தை உயிரிழப்பு; பெற்றோர் குற்றச்சாட்டு!
published 1 day ago
கோவையில் ஆம்னி பேருந்து நிலையத்தை திறந்து வைத்த அமைச்சர் கே.என்.நேரு…
published 2 days ago
கோவை மாவட்டத்தில் இன்ஸ்பெக்டர்கள் 8 பேர் பணியிட மாற்றம்..
published 2 days ago
புல்லுக்காடு குப்பை மேட்டில் தீ- காய்ந்த செடிகளுக்கும் பரவியதால் பதற்றம்…
published 2 days ago
ஈஷாவில் பிப்.27-மார்ச் 9 வரை தமிழ்த் தெம்பு!
published 18 hours ago
தற்போது பிற மொழி ஆதிக்கங்கள் அதிகமாகவிட்டது- கோவையில் அமைச்சர் சாமிநாதன் தெரிவிப்பு...
published 21 hours ago
தமிழ் வாழ்க என ஹிந்தி மொழியை அடித்து கோவையில் ஒட்டப்பட்டுள்ள போஸ்டர்...
published 1 day ago