கோவையின் சிறந்த அசைவ உணவகங்கள்

கோவையின் சிறந்த அசைவ உணவகங்கள்

published 2 years ago

நமது நியூஸ்க்ளவுட்ஸ் தளத்தில் கோவையின் 5 சிறந்த சைவ உணவகங்கள் தொடர்பான செய்தி வெளியிடப்பட்டது. https://newsclouds.in/news/1325/Kovai's_top_five_veg_restaurants-best_veg_restaurants

இந்த பதிவைத் தொடர்ந்து வாசகர்கள் சிறந்த அசைவ உணவகங்களின் தொகுப்பை வெளியிடக்கோரினர். இந்த நிலையில் கோவையில் உள்ள சிறந்த அசைவ உணவகங்களின் பட்டியலை இங்கு தொகுத்துள்ளோம். உங்கள் விருப்பமான உணவகத்தை கமெண்டில் எங்களுக்கும், கோவை மக்களுக்கும் கூறலாம்.

இன்றைய மதிய உணவை எங்கே சென்று சாப்பிடலாம்-னு இதை படிச்சுட்டு முடிவு பண்ணுங்க...

பலதரப்பட்ட உணவுகளை ருசித்தாலும், ரசித்தாலும் நம் வாழ்க்கையிலிருந்து பிரியாணி என்ற உணவை அகற்றுவதற்குத் தகுதியான ஒரு உணவை மட்டும் நாம் இன்னும் கண்டுபிடிக்கவே இல்லை. பிரியாணி ஒரு உணவு என்பதைத் தாண்டி அதை ஒரு உணர்ச்சியாகவே கருதுவோர் நம்முள் பலர். கோயம்புத்தூர்-ல பல ஹோட்டல்கள் வளர்ந்து வந்தாலும் நம்மை ஆட்கொண்டது சில உணவகங்களே... அவற்றுள் சில இதோ...

ஜூனியர் குப்பண்ணா

கோயம்புத்தூரில் உள்ள சிறந்த அசைவ உணவகங்களில் ஒன்று, பல வருடங்களாக, பல தலைமுறைகளாக உண்மையான அசைவ உணவைப் பொதுமக்களுக்கு வழங்குவதில் அனுபவம் வாய்ந்தது ஜூனியர் குப்பண்ணா. பல ஆண்டுகளாக, சுவை மாறாமல், ஆட்டிறைச்சி, நல்லி சாப்ஸ் போன்ற சிறந்த உணவுகளை, மென்மையான இறைச்சியைக் கவனமாகத் தேர்ந்தெடுத்து, வேகவைத்து முழுமையான சுவையோடு வழங்குவதில் ஜூனியர் குப்பண்ணா-விற்கு நிகர் ஜூனியர் குப்பண்ணா தான். கோவை அவினாசி சாலையில் அமைந்துள்ள இந்த உணவகத்தில் இருவர் உண்ண ₹.750-₹.1,000 வரை ஆகும். காலை 11 முதல் இரவு 10:45 வரை இந்த உணவகம் செயல்படுகிறது.