கோவையில் தனியார் கல்லூரி மாணவி விஷம் குடித்து தற்கொலை: போலீசார் விசாரணை

கோவையில் தனியார் கல்லூரி மாணவி விஷம் குடித்து தற்கொலை: போலீசார் விசாரணை

published 2 years ago

கோவையில் தனியார் கல்லூரி மாணவி விஷம் குடித்து தற்கொலை: போலீசார் விசாரணை

கோவையின் அனைத்து செய்திகளை தெரிந்து கொள்ள எங்களது வாட்ஸ்-அப் குழுவில் இணையலாம், குழுவில் இணைய லிங்க்-ஐ க்ளிக் செய்யவும்: https://chat.whatsapp.com/GKcHrWOaZYqGX1TFQywYIz

கோவை: நீலகிரி மாவட்டம் கூடலூர் அருகே உள்ள நாடுகானியை சேர்ந்தவர் யோகராஜ். இவரது மனைவி சசிகலா. இவர் பீளமேடு தண்ணீர்ப் பந்தலில் தங்கி அங்குள்ள தொழிற்சாலையில் வேலை பார்த்து வருகிறார்.

இவர்களது மகள் காவேரி (பெயர் மாற்றப்பட்டுள்ளது), வயது 20. இவர் நவ இந்தியாவில் உள்ள தனியார் கல்லூரியில் பி.பி.ஏ., 2-ம் ஆண்டு படித்து வந்தார். சம்பவத்தன்று சசிகலா வழக்கம் போல வேலைக்குச் சென்றார். வீட்டில் காவேரி தனியாகயிருந்தார். இவர் தலித் என்பதால் கல்லூரியில் ஊக்கத்தொகை பெறுவதற்கு ஆதார் எண்ணை இணைக்குமாறு கல்லூரியிலிருந்து அவரது செல்போனுக்கு குறுஞ்செய்தி வந்தது.

காவேரி தான் தலித் என்பதைக் கல்லூரியில் தன்னுடன் படிக்கும் மாணவர்களுக்குத் தெரியாமல் பார்த்து வந்தார். இதனைப் பார்த்த காவேரி ஊக்கத் தொகை பெறுவதற்காக ஆதார் எண்ணை இணைத்தால் தான் தலித் என்பது தெரிந்து விடும் என நினைத்தார். மேலும் தான் தலித் எனத் தெரிந்தால் தன்னை மாணவர்கள் ஒதுக்கி வைத்து விடுவார்கள் என நினைத்துப் பயந்தார்.

இதனால் மனவேதனை அடைந்த அவர் விரக்தி அடைந்து எலி மருந்தைக் குடித்தார். ஆனால் இதனை யாரிடமும் அவர் சொல்லவில்லை. திடீரென காவேரி வாந்தி எடுத்தார். இதனைப் பார்த்து அவரது தாய் அதிர்ச்சியடைந்து என்னவென்று கேட்டார். அப்போது தான் எலி மருந்தைக் குடித்து விட்டதாகக் கூறினார்.

இதனையடுத்து அவரை அவரது தாய் மீட்டு கோவை அரசு ஆஸ்பத்திரியில் சேர்த்தார். அங்குக் காவேரியை டாக்டர்கள் தீவிர சிகிச்சைப் பிரிவில் அனுமதித்து சிகிச்சை அளித்தனர். ஆனால் சிகிச்சை பலனளிக்காமல் அவர் பரிதாபமாக இறந்தார்.
இது குறித்து பீளமேடு போலீசார் வழக்குப்பதிவு செய்து விசாரணை நடத்தி வருகிறார்கள்.