வால்பாறையில் செல்போன் திருடிய 2 சிறுவர்கள் கைது: சீர்திருத்தப்பள்ளியில் அனுமதி

வால்பாறையில் செல்போன் திருடிய 2 சிறுவர்கள் கைது: சீர்திருத்தப்பள்ளியில் அனுமதி

published 1 year ago

வால்பாறையில் செல்போன் திருடிய 2 சிறுவர்கள் கைது: சீர்திருத்தப்பள்ளியில் அனுமதி

கோவை: கோவை மாவட்டம் வால்பாறையைச் சேர்ந்தவர் அஹ்மத் சாதிக் (வயது 27). இவர் அந்த பகுதியில் செல்போன் கடை நடத்தி வருகிறார். இந்த நிலையில் சம்பவத்தன்று கடையை பூட்டி விட்டு வீட்டிற்கு சென்றார்.

பின்னர் சிறிது நேரத்திற்கு பிறகு வந்து பார்த்தபோது கடையின் முன்பக்க கதவு உடைக்கப்பட்டிருந்தது. கடையில் இருந்த 7 செல்போன்கள் திருட்டு போனது தெரியவந்தது. பின்னர் இதுகுறித்து அவர் வால்பாறை காவல் நிலையத்தில் புகார் அளித்தார்.

புகாரின் பேரில் காவல் துறையினர் விசாரணை செய்து வந்த நிலையில் அப்பகுதியில் சந்தேகத்தின் பேரில் நின்று கொண்டிருந்த 2 சிறுவர்களை பிடித்து விசாரித்தனர். விசாரணையில் அவர்கள் வால்பாறையை சேர்ந்த 13, 14 வயதுடைய சிறுவர்கள் என்பதும், 2 பேரும் கடையில் செல்போன்கள் திருடியதையும் ஒப்புக்கொண்டனர்.

இதனையடுத்து அவர்களிடம் இருந்து 7 செல்போன்கள் பறிமுதல் செய்யப்பட்டது. பின்னர் 2 சிறுவர்களையும் வால்பாறை காவல் துணை ஆய்வாளர் பிரபாகரன் வழக்குப்பதிவு செய்து கைது செய்தார்.

பின்னர் 2 சிறுவர்களும் சிறுவர் சீர்திருத்தப்பள்ளிக்கு அனுப்பி வைக்கப்பட்டனர்.