கோவையில் 2 நாட்களாக நகை பறிப்பு சம்பவம் அதிகரிப்பு.. 7 தனிப்படைகள் அமைப்பு.. பெண்களே உஷார்..!

கோவையில் 2 நாட்களாக நகை பறிப்பு சம்பவம் அதிகரிப்பு.. 7 தனிப்படைகள் அமைப்பு.. பெண்களே உஷார்..!

published 1 year ago

கோவையில் 2 நாட்களாக நகை பறிப்பு சம்பவம் அதிகரிப்பு.. 7 தனிப்படைகள் அமைப்பு.. பெண்களே உஷார்..!

கோவை: கோவையில் கடந்த சில நாட்களாக தொடரும் நகைப்பறிப்பு சம்பவம் அச்சத்தை ஏற்படுத்தி உள்ளது. ஹெல்மெட் அணிந்தபடி நகை பறிக்கும் ஆசாமிகளை பிடிக்க 7 தனிப்படைகள் அமைக்கப்பட்டுள்ளது.

கோவை ரத்தினபுரி சாதிக்பாஷா தெருவை சேர்ந்தவர் கமலம்(73). இவர் நேற்று முன்தினம் தண்டு மாரியம்மன் கோயில் அருகே நின்றிருந்த போது அங்கு வந்த 2 பேர் மூதாட்டி அணிந்திருந்த 3 பவுன் தங்க செயினை பறித்து பைக்கில் தப்பி சென்றனர். இதேபோல் கோவை டாடாபாத் 9-வது வீதியை சேர்ந்த ஜானகி(50) என்பவரிடம் 4 பவுன் தங்க செயின் பறிக்கப்பட்டது.

இதனைத்தொடர்ந்து நேற்று பாப்பநாயக்கன்பாளையம் பழையூரை சேர்ந்த லதா(55) என்பவர் பால் வாங்கி கொண்டு தனது வீட்டுக்கு நடந்து சென்று கொண்டிருந்தபோது பைக்கில் வந்த ஆசாமிகள் 2 பேர் அவரது கழுத்தில் கிடந்த 7 பவுன் தங்க செயினை பறித்து தப்பினர்.

இதேபோல், கோவை ருத்ரப்பா நகர் 2வது தெருவை சேர்ந்த தாமரை செல்வி(58) என்பவர் தனது வீட்டருகே நடந்து சென்றபோது பைக்கில் வந்த ஆசாமிகள் அவரது கழுத்தில் கிடந்த 2 பவுன் தங்க செயினை பறித்து தப்பினர். கடந்த 2 நாட்களில் கோவை மாநகரில் மட்டும் 4 பெண்களிடம் 16 பவுன் தங்க நகை பறிக்கப்பட்டுள்ளது. இதேபோன்ற சம்பவங்கள் கோவை ஊரகப்பகுதிகளிலும் அரங்கேறி வருகிறது.

இது குறித்து மாநகர காவல் நிலையங்களில் புகார் அளிக்கப்பட்டது. விசாரணையில், ஹெல்மெட் அணிந்தபடி திருட்டு பைக்கில் சென்று மர்ம நபர்கள் நகைபறிப்பில் ஈடுபட்டது தெரியவந்தது. எனவே இந்த 4 சம்பவங்களிலும் ஒரே கும்பல் ஈடுபட்டிருக்கலாம் என சந்தேகம் எழுந்துள்ளது.