14 கோடியில் பிரம்மாண்டமாய் புதுப்பொலிவு பெறும் மேட்டுப்பாளையம் ரயில் நிலையம்.. என்னென்ன வசதிகள் தெரியுமா..?

14 கோடியில் பிரம்மாண்டமாய் புதுப்பொலிவு பெறும் மேட்டுப்பாளையம் ரயில் நிலையம்.. என்னென்ன வசதிகள் தெரியுமா..?

published 1 year ago

14 கோடியில் பிரம்மாண்டமாய் புதுப்பொலிவு பெறும் மேட்டுப்பாளையம் ரயில் நிலையம்.. என்னென்ன வசதிகள் தெரியுமா..?

கோவை:

கோவை மாவட்டம் மேட்டுப்பாளையம் ரயில் நிலையம் அம்ரித் பாரத் ஸ்டேசன் திட்டத்தின் கீழ் ரூ.14.8 கோடியில் புதிதாக கட்டப்பட உள்ளது.

மேட்டுப்பாளையம் ரயில்நிலையம் கடந்த 1873ம் ஆண்டு துவங்கப்பட்ட ரயில்நிலையம் ஆகும். அகல ரயில் பாதை மற்றும் மீட்டர் கேஜ் ரயில் பாதையைக் கொண்ட மிகச் சில ரயில் நிலையங்களில் இந்த ரயில் நிலையமும் ஒன்று.

மேட்டுப்பாளையம் - சென்னை இடையே இயக்கப்படும் மிகவும் பிரபலமான 'தி நீலகிரி எக்ஸ்பிரஸ்' அல்லது 'தி ப்ளூ மவுண்டன் எக்ஸ்பிரஸ்' உட்பட பல்வேறு ரயில்கள், இந்த பாதை வழியாகவே கோயம்புத்தூரை அடைகிறது.

தற்போது மேட்டுப்பாளையம் ரயில் நிலையத்தை நாள் ஒன்றுக்கு சராசரியாக 3700 பயணிகள் பயன்படுத்தி வருகின்றனர்.

இதனிடையே அம்ரித் பாரத் திட்டத்தின் கீழ் மேட்டுப்பாளையம் ரயில் நிலையத்தை ரூ.14.8 கோடி மதிப்பீட்டில் புதிதாக கட்ட முடிவு செய்யப்பட்டு அதற்கான பணிகள் துவங்கியுள்ளன.

இந்த ரயில் நிலையத்தில் மேம்படுத்தப்பட உள்ள வசதிகள் :

• நெரிசலைக் குறைக்கும் வகையில் வாகனப் போக்குவரத்திற்கான அகலமான பாதைகள் உருவாக்கப்பட உள்ளன. தனி நடைபாதைகள் மற்றும் வாகனங்களுக்கான தனி நுழைவு மற்றும் தனி வெளியேறும் வசதிகள் திட்டமிடப்பட்டுள்ளன.