கோவை- சீரடிக்கு முதல் நேரடி தனியார் ரயில் சேவை துவங்கியது

கோவை- சீரடிக்கு முதல் நேரடி தனியார் ரயில் சேவை துவங்கியது

published 2 years ago

கோவை- சீரடிக்கு முதல் நேரடி தனியார் ரயில் சேவை துவங்கியது

கோவையின் அனைத்து செய்திகளை தெரிந்து கொள்ள எங்களது வாட்ஸ்-அப் குழுவில் இணையலாம், குழுவில் இணைய லிங்க்-ஐ க்ளிக் செய்யவும் : https://chat.whatsapp.com/Gymsw6mPrOK0fU2lrUKwUs

கோவையில் இருந்து சீரடிக்கு தனியார்(எம்.என்.சி பிராப்பர்ட்டி டெவலப்பர்ஸ்) ரயில் சேவை நேற்று முதல் துவங்கியது. கோவை வடகோவை முதல் சீரடிக்கு இந்த ரயில் பயணமாகிறது. இது ஒரு ஆன்மீக சுற்றுலா ரயில் இயக்கப்படுகிறது. முதல் பயணத்தை துவங்கியுள்ள இந்த ரயிலுக்கு மாலை அணிவித்து பூக்கள் தூவப்பட்டது. இந்த துவக்க விழாவில் தனியார் நிறுவனத்தை சேர்ந்தவர்கள் இயக்குனரும் நடிகருமான சேரன் உள்ளிட்டோர் கலந்து கொண்டனர். இந்த ரயிலுக்கு சவுத் ஸ்டார்(South Star) என பெயரிடப்பட்டுள்ளது.

இந்த ரயிலில் பயணச்சீட்டு முதல் அனைத்து பராமரிப்பு பணிகளையும் தனியார் நிறுவனமே மேற்கொள்ள உள்ளது. இந்த ரயிலில் குளிர்சாதன வசதியும் உள்ளது. சிறப்பம்சமாக ஹவுஸ் கீப்பிங், செக்யூரிட்டி, மருத்துவர்கள் ஆகியோரும் உள்ளனர். மேலும் ரயில் பயணிகளுக்கு சிறப்பு விஐபி தரிசனமும் வழங்கப்பட்டு சீரடியில் அனைத்து பக்தர்களும் தங்கும் வகையில் அறைகளும் வழங்கபடுகின்றன.

மேலும் பயணிப்பவர்க்ளுக்கு உறங்குவதற்காக தேவையான தலையணை போர்வைகள் வழங்கப்படும். மேலும் இதில் ஒலிபெருக்கிகள் பொருத்தப்பட்டுள்ளது இதில் பக்தி பாடல்கள் ஒளிக்கப்பட உள்ளதாகவும் தெரிவிக்கப்பட்டுள்ளது.

வாரம் ஒரு முறை இயக்கப்படும் இந்த ரயிலானது கோவை வடகோவையில் துவங்கி திருப்பூர் ஈரோடு சேலம் பெங்களூர் மந்திராலயம் வழியாக சீரடி சென்றடையும். இதற்கான டிக்கெட்டுகள் கோவை திருப்பூர் ஈரோடு சேலம் பகுதியில் உள்ள சாய்பாபா கோவில் களில் கிடைக்கும் என தனியார் நிர்வாகம் தெரிவித்துள்ளது.

இதன் கட்டணம் 2,500 மற்றும் பேக்கேஜ் கட்டணம் ஆனது 4,999 ரூபாயாக உள்ளது மூன்றடுக்கு குளிர்சாதன படுக்கைகளுக்கு 5000 மற்றும் பேக்கேஜ் கட்டணமாக 7,999 இரண்டு அடுக்கு குளிர்சாதன படுக்கை பெட்டிகளுக்கு 7000 மற்றும் பேக்கேஜ் கட்டணமாக 9,999 நிர்ணயம் செய்யப்பட்டுள்ளது.