ஜோஸ் அலுக்காஸ் நகை கொள்ளை சம்பவம்- நகைகளை மீட்டு வரும் போலிசார் தெரிவித்த பரபரப்பு தகவல்கள்...

ஜோஸ் அலுக்காஸ் நகை கொள்ளை சம்பவம்- நகைகளை மீட்டு வரும் போலிசார் தெரிவித்த பரபரப்பு தகவல்கள்...

published 1 year ago

ஜோஸ் அலுக்காஸ் நகை கொள்ளை சம்பவம்- நகைகளை மீட்டு வரும் போலிசார் தெரிவித்த பரபரப்பு தகவல்கள்...

கோவை: கோவை காந்திபுரம் 100 அடி ரோட்டில் ஜோஸ் ஆலுக்காஸ் நகைக்கடை உள்ளது. இங்கு கடந்த 27ம் தேதி நள்ளிரவு கொள்ளை நடந்தது. இதில் ஈடுபட்டது தர்மபுரி அரூர் அருகேயுள்ள தேவரெட்டியூர் பகுதியை சேர்ந்த விஜய் (24) என்பது தெரியவந்தது.

நகைக்கடையில் 4.6 கிலோ எடையிலான தங்க நகைகள் கொள்ளையடிக்கப்பட்டதாக கூறப்படுகிறது. கொள்ளையர் விஜய், பொள்ளாச்சி வழியாக ஆனைமலை சென்றிருப்பது தெரியவந்தது. ரத்தினபுரி போலீசார் வழக்கு பதிவு செய்து இவரை தேடி வந்தனர். மேலும் அவரை பிடிக்க 5 தனிப்படையும் அமைக்கப்பட்டிருந்தது. தீவிர விசாரணையில் விஜய் ஆனைமலையில் தனது மனைவி நர்மதா(22) என்பவருடன் பதுங்கி இருப்பது தெரியவந்தது.

அங்கு சென்ற கோவை தனிப்படை போலீசார் அவரை பிடிக்க முயன்றனர். ஆனால் அவர் மனைவி நர்மதா உதவியுடன் வீட்டின் மேற்கூரையை பிரித்து தப்பி சென்று விட்டார். அவரது மனைவி நர்மதாவை கைது செய்து வீட்டில் இருந்த 3.2 கிலோ தங்கம், வைரம், பிளாட்டினம் நகைகள் மற்றும் 4 ஆயிரத்தை பறிமுதல் செய்தனர். தொடர்ந்து தலைமறைவாக உள்ள விஜயை போலீசார் தீவிரமாக தேடி வருகின்றனர். அவர் 1.4 கிலோ தங்க நகைகளை எடுத்து சென்றிருக்கலாம் என தெரியவந்துள்ளது. இந்நிலையில், நர்மதாவின் தாயாரும் கொள்ளையனின் மாமியார் யோகராணி(43) வீடு தர்மபுரி மாவட்டம் அரூர் அருகே தும்பலஹள்ளியில் உள்ளது. கோவை தனிப்படை போலீசார் அங்கு சென்று யோகராணியிடம் விசாரித்தனர். அப்போது விஜய் கொடுத்த நகைகளை வீட்டருகே புதைத்து வைத்திருப்பது தெரியவந்தது. இதனையடுத்து யோகராணி மண்ணில் புதைத்து வைத்திருந்த 125 பவுன் தங்க நகைகளை போலீசார் மீட்டனர்.

தற்போது பறிமுதல் செய்யப்பட்ட நகையுடன் சேர்த்து ஜோஸ் ஆலுக்காசில் கொள்ளை போன சுமார் 4 கிலோ அளவிலான தங்க நகைகள் பறிமுதல் செய்யப்பட்டுள்ளன. தலைமறைவாக உள்ள விஜயை போலீசார் தொடர்ந்து தேடி வருகின்றனர். விரைவில் கைது செய்யப்படுவான் என தனிப்படை போலீசார் தெரிவித்துள்ளனர்.