கோவையில் சாப்ட்வேர் கம்பெனி ஊழியர் உட்பட 2 பேரிடம் 17 லட்சம் மோசடி...

கோவையில் சாப்ட்வேர் கம்பெனி ஊழியர் உட்பட 2 பேரிடம் 17 லட்சம் மோசடி...

published 1 year ago

கோவையில் சாப்ட்வேர் கம்பெனி ஊழியர் உட்பட 2 பேரிடம் 17 லட்சம் மோசடி...

கோவை: கோவை

யில் சாப்ட்வேர் கம்பெனி ஊழியர் உட்பட 2 பேரிடம் ரூ. 17 லட்சம் மோசடி நடைபெற்றது தொடர்பாக சைபர் கிரைம் போலீசார் விசாரணை நடத்தி வருகின்றனர்.

கோவை குனியமுத்தூர் கேஜிகே ரோட்டை சேர்ந்தவர் முத்துராமன்(46). சாப்ட்வேர் கம்பெனி ஊழியர். இவரது செல்போன் வாட்ஸ் ஆப் எண்ணுக்கு சமீபத்தில் குறுந்தகவல் வந்தது. அதில், பகுதி நேர வேலை இருப்பதாக தெரிவிக்கப்பட்டிருந்தது. அதில் உள்ள எண்ணை தொடர்பு கொண்டு முத்துராமன் பேசினார். அப்போது எதிர்முனையில் பேசிய நபர் ஆன்லைனில் நாங்கள் கொடுக்கும் டாஸ்க்கை முடித்து கொடுத்தால் அதிகளவில் வருமானம் கிடைக்கும் எனவும், அதற்கு சிறிது முதலீடு செய்யவேண்டும் என தெரிவித்தார். அவரது ஆசைவார்த்தையை நம்பிய முத்துராமன் அந்த நபர் கூறிய வங்கி கணக்குகளில் சிறிது, சிறிதாக ரூ. 11.47 லட்சம் அனுப்பி அவர்கள் ஆன்லைனில் கொடுக்கும் வேலைகளை முடித்து கொடுத்தார். ஆனால் அவருக்கு எந்தவிதமான கமிஷன் தொகையும் வரவில்லை. அந்த நபரை தொடர்பு கொண்டு கேட்ட போது மீண்டும் ரூ. 7.29 லட்சத்தை அனுப்பினால் மட்டுமே கமிஷன் தொகையுடன் சேர்த்து மொத்த பணத்தையும் உங்களது வங்கி கணக்கில் வரவு வைக்க முடியும் என தெரிவித்துள்ளார். ஆன்லைன் வேலை என கூறி மர்ம நபர் ரூ. 11.47 லட்சம் மோசடி செய்து விட்டார். இதனால் தான் ஏமாற்றப்பட்டதை உணர்ந்த முத்துராமன் இது குறித்து கோவை மாநகர சைபர் கிரைம் போலீசில் புகார் அளித்தார். புகாரின் பேரில், போலீசார் வழக்குப்பதிவு செய்து விசாரித்து வருகின்றனர்.

கோவை ஈச்சனாரி பாடசாலையை தெருவை சேர்ந்தவர் அறிவழகன்(37). தனியார் கம்பெனி மேலாளர். இவரது செல்போனுக்கு குறுந்தகவல் வந்தது. அதில் எஸ்பிஐ வங்கியில் இருந்து ரூ.5899 மதிப்பில் ரிவார்டு பாயிண்ட் கிடைத்திருப்பதாக தெரிவிக்கப்பட்டிருந்தது. அதில் உள்ள லிங்க்கை கிளிக் செய்து அறிவழகன் தனது வங்கி விவரங்களை பதிவு செய்தார்.

பின்னர் சிறிது நேரத்தில் அவரது வங்கி கணக்கில் இருந்து ரூ. 5.50 லட்சம் பணம் எடுக்கப்பட்டது. ரிவார்டு பாயிண்ட் கிடைத்ததாக கூறி போலியான தகவல் அனுப்பி பணம் மோசடி செய்து விட்டனர். இதனால் அதிர்ச்சியடைந்த அறிவழகன் இது குறித்து கோவை மாநகர சைபர் கிரைம் போலீசில் புகார் அளித்தார். அதன்பேரில், போலீசார் வழக்குப்பதிவு செய்து விசாரித்து வருகின்றனர்.