MyV3 Ads நிறுவன உரிமையாளர் போலீஸ் கமிஷனர் அலுவலகத்தில் ஆஜர்

MyV3 Ads நிறுவன உரிமையாளர் போலீஸ் கமிஷனர் அலுவலகத்தில் ஆஜர்

published 1 year ago

MyV3 Ads நிறுவன உரிமையாளர் போலீஸ் கமிஷனர் அலுவலகத்தில் ஆஜர்

கோவை:
யூட

ியூப்பில் விளம்பரம் பார்த்தால் தினமும் ரூ. 5 முதல் ரூ.1,800 வரை பணம் தருவதாக மோசடியில் ஈடுபட்டதாக கோவை பீளமேட்டை சேர்ந்த மை வி3 ஆட்ஸ் உரிமையாளர் சத்திஆனந்த் மீது கோவை மாநகர குற்றப்பிரிவு போலீசார் வழக்கு பதிவு செய்துள்ளனர்.

இந்த நிறுவனத்தில் தமிழ்நாடு மட்டுமின்றி அண்டை மாநிலமான கேரளா, கர்நாடகா உள்ளிட்ட பல்வேறு மாநிலங்களை சேர்ந்த 50 லட்சத்திற்கும் மேற்பட்டோர் உறுப்பினர்களாக உள்ளதாக கூறப்படுகிறது.

இந்த நிலையில் சக்தியானந்த் மீது போலீசார் வழக்கு பதிவு செய்துள்ளதை கண்டித்து அந்த நிறுவன வாடிக்கையாளர்கள் சுமார் 10,000 பேர் கடந்த திங்கட்கிழமை எல் அண்ட் டி பைபாஸில் குவிந்தனர். அவர்கள் சத்தி ஆனந்த் ஆதரவாக கோஷம் எழுப்பினர்.

போலீசார் பேச்சுவார்த்தை நடத்தி அவர்களை களைந்து போக செய்தனர். இந்நிலையில் இன்று மை வி3 ஆட்ஸ் நிர்வாக இயக்குனர் சத்திஆனந்த் கோவை மாநகர போலீஸ் கமிஷனர் அலுவலகத்தில் செயல்பட்டு வரும் குற்றப்பிரிவு அலுவலகத்தில் ஆஜரானார்.

அவரிடம் நிறுவனம் குறித்தும், அதில் உள்ள உறுப்பினர்களுக்கு விளம்பரம் பார்த்தால் 1 நாளைக்கு ரூ. 5 முதல் ரூ.1800 வரை கொடுக்கப்படுகிறதா? அது எவ்வாறு சாத்தியமாகிறது? என்பது குறித்து போலீசார் விசாரணை நடத்தினர்.