ஊட்டி, கொடை., போகனுமா? இ-பாஸ் பெற பிரத்யேக இணையதளம் வெளியீடு!

கோவை: கொடைக்கானல் மற்றும் நீலகிரி மாவட்டம் செல்வற்கு சுற்றுலாப்பயணிகள் இ-பாஸ் பெற வேண்டியது கட்டாயமாக்கப்பட்டுள்ள நிலையில் அதற்கான பிரத்யேக இணையதளத்தை  நீலகிரி மாவட்ட கலெக்டர் அறிவித்துள்ளார்.

நீலகிரி மற்றும் கொடைக்கானலில் ஏற்பட்டுள்ள பார்க்கிங், தங்கும் விடுதி உள்ளிட்ட பல்வேறு பிரச்சினைகள் காரணமாக இரு இடங்களுக்கும் செல்ல இ-பாஸ் நடைமுறையை அமல்படுத்த நீதிமன்றம் உத்தரவிட்டது.

அதன்படி, இரு இடங்களுக்கும் பேருந்தில் செல்ல இ-பாஸ் தேவை இல்லை என்றும், வாகனங்களுக்கு மட்டுமே இ-பாஸ் தேவை என்றும் தமிழக அரசு அறிவித்தது.

இதனிடையே, இ-பாஸ் பெற தனியாக இணையதள பக்கம் உருவாக்கப்பட்டுள்ளது. http://epass.tnega.org என்ற இந்த இணையதள பக்கத்தில் பொதுமக்கள் தங்கள் விவரங்களை உள்ளீடு செய்து விண்ணப்பித்து இ-பாஸ் பெற்றுக்கொள்ளலாம் எனவும் தமிழக அரசு அறிவித்துள்ளது.

மே 7ம் தேதி முதல் நீலகிரி, கொடைக்கானல் செல்ல இ-பாஸ் கட்டாயமாக்கப்பட்டுள்ள நிலையில், மே 6ம் தேதி காலை 6 மணி முதல் இ-பாஸ் பெற விண்ணப்பிக்கலாம் என்றும் தெரிவிக்கப்பட்டுள்ளது.