கோவையில் கொண்டாட்டத்தில் ஈடுப்பட்ட தமிழக வெற்றிக் கழகத்தினர்...

தமிழக வெற்றிக் கழகத்தின் கோவை தெற்கு மாவட்டம் சார்பாக அதன் தலைவர் விக்னேஷ் மற்றும் இளைஞரணி தலைவர் பாபு ஆகியோர் தலைமையில் கோவை குறிச்சி பொங்காளியம்மன் கோவில் முன்பாக  திரண்ட தொண்டர்கள் தமிழகத்தி்ல் வரும் சட்டமன்ற தேர்தலில் வெற்றி வாகை சூடுவோம் என உற்சாகமாக கோஷமிட்டனர்.

தொடர்ந்து கோவிலில் சிறப்பு பூஜைகள் மற்றும் அபிஷேகம் செய்து கோவிலுக்கு வந்த பக்தர்கள் மற்றும் பொதுமக்களுக்கு இனிப்புகள் வழங்கி தங்கள் மகிழ்ச்சியை வெளிப்படுத்தினர்.

தமிழக வெற்றிக் கழகத்திற்கு இந்திய தேர்தல் ஆணைய அனுமதி - 23"ந்"தேதி விக்கிரவாண்டியில் நடைபெற உள்ள முதல் மாநில மாநாட்டிற்கு காவல் துறை அனுமதி என அடுத்த அடுத்த அறிவிப்புகள் தொண்டர்கள் மத்தியில் உற்சாகத்தை தருவதோடு 
தமிழக அரசியலில் நடிகர் விஜயின் இந்த அடுத்த கட்ட நகர்வுக்கு  பெரும் பரபரப்பை ஏற்படுத்தி வருவது என்பது குறிப்பிடதக்கது.