கோவையில் 1500 பெண்களுக்கு தையல் இயந்திரம்- மத்திய நிதி அமைச்சர் வழங்கினார்...
published 5 months ago
கோவை: கோவை மக்கள் சேவை மையம் மற்றும் ஜெனரல் இன்சூரன்ஸ் கார்ப்பரேஷன் ஆப் இந்தியா இணைந்து கோவை தெற்கு சட்டமன்ற உறுப்பினர் வானதி சீனிவாசன் முயற்சியில் தொடங்கப்பட்ட 'சுயம்' திட்டத்தின் கீழ் இலவச தையல் பயிற்சி பெற்ற ஏழை பெண்கள் 1500 பேருக்கு இலவச தையல் இயந்திரம் வழங்கும் விழா கோவை நவஇந்தியா பகுதியில் உள்ள தனியார் கல்லூரி வளாகத்தில் நடைபெற்றது. இந்நிகழ்வில் மத்திய நிதி அமைச்சர் நிர்மலா சீதாராமன் சிறப்பு விருந்தினராக பங்கேற்று பயனாளிகளுக்கு தையல் இயந்திரங்களை வழங்கினார். இதனைத் தொடர்ந்து மேடையில் மத்திய நிதி அமைச்சர் நிர்மலா சீதாராமன் பேசுகையில், தொழில் வர்த்தகத்திற்கு பேர்போன கோவையில், பெண்களின் எதிர்காலத்திற்கு உதவும் வகையில், கொண்டுவரப்பட்ட சுயம் திட்டத்தின் வாயிலாக 1500 பெண்களின் வாழ்க்கை மாற்றுவதற்கான முயற்சியை எடுத்துக்காட்டும் இந்த நிகழ்ச்சியில் பங்கேற்பது அற்புதமான நிகழ்வு என்றார். மத்திய அரசின் திட்டங்களை பட்டியலிட்ட நிதி அமைச்சர், பிஎம் ஜன் தன் யோஜனாவில், கிட்டத்தட்ட 60% கணக்குகள் பெண்களிடம் உள்ளது என்றும் இந்தத் திட்டம் பெண்கள் பொருளாதார ரீதியாக முன்னேறும் சக்தியை கொடுக்கிறது என்றும் கூறினார். மேலும் ஜல்ஜீவன் திட்டம், எரிவாயு சிலிண்டர் கொடுப்பது உள்ளிட்ட பல திட்டங்களால் பெண்களின் வாழ்வு முன்னேற்றமடைந்து வருவதாக கூறினார். அவர் மேலும் கூறுகையில், நாடு முழுவதும் பிஎம் ஜன் தன் யோஜனாவில் உள்ள 53 கோடி அக்கவுண்ட்களில் 29.6 கோடி அக்கவுண்ட்கள் பெண்கள் உபயோகித்து வருவதாகவும் தமிழகத்தில் மட்டும் 94 லட்சம் குறிப்பாக கோவையில் மட்டும் 5 லட்சம் பெண்கள் ஜன் தன் அக்கவுண்ட் வைத்திருப்பதாகவும் கூறினார். தொடர்ந்து பேசிய நிதி அமைச்சர், பிரதான் மந்திரி ஜீவன் ஜோதி பீமா யோஜனாவில் கோவையில் இருந்து மட்டும் இரண்டரை லட்சத்திற்கும் மேலான பெண்கள் சேர்ந்திருப்பதாகவும் பிரதான் மந்திரி சுரக்ஷா பீமா யோஜனாவில் ஏழு லட்சம் பெண்கள் கோவையில் இருந்து மட்டும் சேர்ந்திருப்பதாகவும் தெரிவித்தார். மேலும் கோவையில் இருந்து மட்டும் ஒரு லட்சத்திற்கும் மேலான பெண்கள் அடல் பென்ஷன் யோஜனாவில் சேர்ந்திருப்பதாகவும் கோவையில் 15 லட்சம் பெண்கள் முத்ரா திட்டத்தின் கீழ் பயன்பெற்று இருப்பதாகவும் தெரிவித்தார். பெண்களுக்கு மட்டும் பயிற்சி அளிக்கும் ITI மையங்கள் நாடு முழுவதும் 311 இருக்கிறது என்றும் கோவை கவுண்டம்பாளையத்தில் ஒரு பெண்கள் ITI மையம் இருக்கிறது என்றும் கூறினார். பெண்கள் தன்மானத்துடன் வருமானம் ஈட்டி வாழ்வாதாரம் பெறும் வகையில் பல திட்டங்கள் கொண்டுவரப்பட்டுள்ளது என தெரிவித்தார். 
கோவை குண்டு வெடிப்பு புஷ்பாஞ்சலி நிகழ்ச்சிக்கு தடை விதிக்க வேண்டும்- SDPI மனு...
published 1 week ago
கோவையில் பெண் குழந்தையின் கல்வி அவசியம் என்பதை உயிர்ப்பித்த சிலை- எங்கே தெரியுமா…
published 1 week ago
கோவையில் நிகழும் யானை மனித மோதல்கள்- பாமக ஆட்சியரிடம் முன்வைக்கும் கோரிக்கை...
published 2 weeks ago
கோவையில் திராவிடர் விடுதலை கழக நிகழ்ச்சிக்கு எதிர்ப்பு?- பாஜக மாவட்ட தலைவர் கைது...
published 3 weeks ago
விஜய் நடத்திய ஆலோசனை கூட்டம்- களத்தில் இறங்கிய கோவை தவெக கட்சியினர்...
published 3 weeks ago
வண்டியை ஸ்டார்ட் செய்யும் போது இது இருக்கனும்... கமிஷனர் சரவண சுந்தர் அறிவுரை
published 3 weeks ago
தனியார் பள்ளி நுழைவு தேர்வு குறித்து அமைச்சர் அன்பில் கூறிய இனிய வார்த்தை...
published 3 weeks ago
தேசிய வாக்காளர் தினம்- கோவையில் கலை நிகழ்ச்சிகளுடன் விழிப்புணர்வு...
published 3 weeks ago
கோவையில் கிலோக்கணக்கில் கஞ்சா அழிப்பு!!!
published 4 weeks ago
கோவை வந்த ரயிலில் மூதாட்டியிடம் கைவரிசை; ஒடிசா வாலிபர் கைது!
published 4 weeks ago
மசானிக் மருத்துவமனையில் குழந்தை உயிரிழப்பு; பெற்றோர் குற்றச்சாட்டு!
published 1 day ago
அர்ஜுன் சம்பத் மீது கோவையில் வழக்குப்பதிவு- காரணம் என்ன?
published 1 day ago
கோவையில் ஆம்னி பேருந்து நிலையத்தை திறந்து வைத்த அமைச்சர் கே.என்.நேரு…
published 2 days ago
கோவை மாவட்டத்தில் இன்ஸ்பெக்டர்கள் 8 பேர் பணியிட மாற்றம்..
published 2 days ago
ஈஷாவில் பிப்.27-மார்ச் 9 வரை தமிழ்த் தெம்பு!
published 19 hours ago
தற்போது பிற மொழி ஆதிக்கங்கள் அதிகமாகவிட்டது- கோவையில் அமைச்சர் சாமிநாதன் தெரிவிப்பு...
published 22 hours ago
தமிழ் வாழ்க என ஹிந்தி மொழியை அடித்து கோவையில் ஒட்டப்பட்டுள்ள போஸ்டர்...
published 1 day ago