கோவை வரும் மதுரை-ஷோரனூா் ரயில் போத்தனூர் வரை மட்டுமே இயக்கம்: சேலம் ரயில் ரத்து

கோவை வரும் மதுரை-ஷோரனூா் ரயில் போத்தனூர் வரை மட்டுமே இயக்கம்: சேலம் ரயில் ரத்து

published 2 years ago

கோவை வரும் மதுரை-ஷோரனூா் ரயில் போத்தனூர் வரை மட்டுமே இயக்கம்: சேலம் ரயில் ரத்து

கோவை: கோவை-

போத்தனூா் இடையே நடைபெறவுள்ள பொறியியல் பராமரிப்புப் பணிகள் காரணமாக மதுரை-ஷோரனூா் ரயில்கள் நாளை (31-ஆம் தேதி) முதல் நவம்பர் 15-ஆம் தேதி வரை போத்தனூா் வரை மட்டுமே இயக்கப்படும் என ரயில்வே நிர்வாகம் தெரிவித்துள்ளது.

இதுகுறித்து சேலம் கோட்ட ரயில்வே நிர்வாகம் வெளியிட்டுள்ள செய்திக் குறிப்பில் கூறியிருப்பதாவது:-
"கோவை- போத்தனூா் இடையே பொறியியல் பராமரிப்புப் பணிகள் காரணமாகத் தினமும் மதியம் 12.45 மணிக்குக் கோவை ரெயில் நிலையம் வந்தடையும் மதுரை - கோவை தினசரி ரயில் (எண்: 16722) நாளை (31-ஆம் தேதி) முதல் நவம்பர் 15-ஆம் தேதி வரை மதுரை - போத்தனூா் இடையே மட்டும் இயக்கப்படும். போத்தனூா் - கோவை இடையே இயக்கப்படாது.

தினமும் காலை 11.10 மணிக்குக் கோவை ரயில் நிலையத்தை வந்தடையும் ஷோரனூா் - கோவை ரயில் (எண்: 06458) நாளை (31-ஆம் தேதி) முதல் நவம்பர் 15-ஆம் தேதி வரை ஷோரனூா்- போத்தனூா் இடையே மட்டுமே இயக்கப்படும். போத்தனூா்- கோவை இடையே இயக்கப்படாது.

இதேபோன்று, கோவை வழித்தடத்தில் இயக்கப்பட்டு வரும் ஆலப்புழா-தன்பாத் விரைவு ரயில் (எண்: 13352) நாளை (31-ஆம் தேதி) முதல் நவம்பர் 15-ஆம் தேதி வரை கோவை ரயில் நிலையம் வழியாக இயக்கப்படாமல் போத்தனூா், இருகூர் வழித்தடத்தில் இயக்கப்படும்.

ஈரோட்டில் ரயில் பாதையில் நடைபெறவுள்ள பொறியியல் பராமரிப்புப் பணிகள் காரணமாகக் கோவை - சேலம் ரயில் நாளை (31-ஆம் தேதி) முதல் நவம்பர் 29-ஆம் தேதி வரை ரத்து செய்யப்படுகிறது.

கோவையிலிருந்து காலை 9.05 மணிக்குப் புறப்படும் கோவை - சேலம் ரயில் (எண்: 06802) முழுமையாக ரத்து செய்யப்படுகிறது. சேலத்திலிருந்து மதியம் 1.40 மணிக்குப் புறப்படும் சேலம் - கோவை ரயில் (எண்: 06803) அக்டோபர் 31-ஆம் தேதி முதல் நவம்பர் 29-ஆம் தேதி வரை ரத்து செய்யப்படுகிறது."
இவ்வாறு அதில் கூறப்பட்டுள்ளது.