கோவையில் வெவேறு இடங்களில் விபத்து- வாலிபர் உள்பட 3 பேர் உயிரிழப்பு..!

கோவையில் வெவேறு இடங்களில் விபத்து- வாலிபர் உள்பட 3 பேர் உயிரிழப்பு..!

published 1 year ago

கோவையில் வெவேறு இடங்களில் விபத்து- வாலிபர் உள்பட 3 பேர் உயிரிழப்பு..!

கோவை: கோவையில் வெவேறு இடங்களில் நடந்த விபத்துக்களில் வாலிபர் உள்பட 3 பேர் பரிதாபமாக உயிரிழந்தனர்.

கோவை செல்வபுரம் தெலுங்குபாளையம் பனைமரத்தூரை சேர்ந்தவர் பிரபு(40). இவர் நேற்று அதே பகுதியை சேர்ந்த மணியரசு (40) மற்றும் சிவக்குமார்(40) ஆகியோருடன் பைக்கில் சென்று கொண்டிருந்தார். சுண்டபாளையம் ரோடு சத்யா நகர் அருகே சென்ற போது அவ்வழியாக வந்த பைக் மீது எதிர்பாராத விதமாக மோதியது. இதில் தூக்கி வீசப்பட்டு தலையில் பலத்த காயமடைந்த சிவக்குமார் சம்பவ இடத்திலேயே பரிதாபமாக உயிரிழந்தார். பைக் ஓட்டி சென்ற பிரபு, பின்னால் உட்கார்ந்திருந்த மணியரசு மற்றும் மற்றொரு பைக்கை ஓட்டி வந்த போத்தனூர் இஸ்மாயில் தெருவைச் சேர்ந்த அகமத்கான் (25) ஆகியோர் பலத்த காயமடைந்தனர். அக்கம்பக்கத்தினர் அவர்களை மீட்டு கோவை அரசு மருத்துவமனைக்கு அனுப்பி வைத்தனர். விபத்து குறித்து கோவை மேற்கு போக்குவரத்து புலனாய்வு பிரிவு போலீசார் வழக்குப்பதிவு செய்து விசாரித்து வருகின்றனர்.
கோவை ஏர்போர்ட் ரோடு பிருந்தாவன் நகரை சேர்ந்தவர் சிவக்குமார் (45). இவர் நேற்று முன்தினம் அவிநாசி ரோடு ஹோப் சிக்னல் அருகே பைக்கில் சென்று கொண்டிருந்தார். அப்போது அவ்வழியாக வந்த அரசு பஸ் மோதியதில் பலத்த காயமடைந்தார். அவரை அங்கிருந்தவர்கள் மீட்டு கோவை இஎஸ்ஐ மருத்துவமனைக்கு அனுப்பி வைத்தனர். அங்கு அவரை பரிசோதித்த டாக்டர்கள் அவர் ஏற்கனவே இறந்து விட்டதாகத் தெரிவித்தனர். இதுகுறித்து கிழக்கு போக்குவரத்து புலனாய்வு பிரிவு போலீசார் வழக்குப்பதிவு செய்து விசாரித்து வருகின்றனர்.

கேரள மாநிலம் மூணாறு எஸ்பி புரத்தைச் சேர்ந்தவர் தமிழ்மாறன் மகன் தனுஷ் (19). இவர் நேற்று காரில் சரவணம்பட்டி - துடியலூர் ரோட்டில் சென்று கொண்டிருந்தார். அப்போது எதிர்பாராதவிதமாகச் சாலையோரம் நிறுத்தி வைக்கப்பட்டிருந்த கிரேன் மீது கார் மோதியது. இதில் காரின் இடிபாடுகளுக்குள் சிக்கிய தனுசுக்கு தலையில் பலத்த காயம் ஏற்பட்டது. அவ்வழியாகச் சென்றவர்கள் அவரை மீட்டு கோவை அரசு மருத்துவமனைக்கு அனுப்பி வைத்தனர். அங்கு அவரை பரிசோதனை செய்த டாக்டர்கள் அவர் வரும் வழியிலேயே இறந்து விட்டதாகத் தெரிவித்தனர். விபத்து தொடர்பாகக் கோவை கிழக்கு போக்குவரத்து பிரிவு போலீசார் வழக்குப்பதிவு செய்து விசாரித்து வருகின்றனர்.