வரலாற்றில் இன்றைய முக்கிய நிகழ்வுகள்

கோவை: வரலாற்றில் இன்றைய (ஆகஸ்ட் 5) நாளில் நடைபெற்ற முக்கிய நிகழ்வுகள் கீழே தொகுக்கப்பட்டுள்ளது.

135 : ரோம் ராணுவம் பீட்டார் நகரைக் கைப்பற்றி அங்கு கிளர்ச்சியில் ஈடுபட்ட ஆயிரக்கணக்கானோரைக் கொன்றது.

910 : டென்மார்க் ராணுவத்தினரின் இங்கிலாந்து மீதான முக்கியமான தாக்குதல் எட்வர்ட் மன்னர் தலைமையில் முறியடிக்கப்பட்டது.

1100 : இங்கிலாந்தின் மன்னராக முதலாம் ஹென்றி முடிசூடினார்.

1689 : 1,500 ஐரோக்வோயிஸ் இனத்தவர்கள் கியூபெக்கின் லாச்சின் நகரைத் தாக்கினர். 
250 பேர் வரை கொல்லப்பட்டனர்.

1775 : கையெழுத்து மோசடி செய்ததாக பிரிட்டிஷாரால் குற்றம் சாட்டப்பட்ட மகாராஜா நந்தகுமார் கல்கத்தாவில் தூக்கிலிடப்பட்டார்.

1806 : பிரிட்டிஷ் இலங்கையில் முகமதியர்களுக்கான திருமண சட்ட விதிகள் ஏற்றுக்கொள்ளப்பட்டன.

1816 : பிரான்சிஸ் ரொனால்ட்ஸ் கண்டுபிடித்த முதலாவது இயங்கக் கூடிய மின்சாரத் தந்தியை பிரிட்டன் அரசு ஏற்க மறுத்தது.
பழைய அணுகல் குறியீட்டையே தொடர்ந்து பயன்படுத்த முடிவு செய்தது.

1824 : சமோஸ் நகரில் இடம்பெற்ற போரில் கிரேக்கக் கடற்படையினர் உஸ்மானிய, எகிப்தியக் கடற்படையினரைத் தோற்கடித்தனர்.

1860 : ஸ்வீடன் மன்னர் பதினைந்தாம் சார்லஸ் நார்வே மன்னராக முடிசூடினார்.

1861 : அமெரிக்கத் தரைப்படையில் சவுக்கடி தண்டனை இல்லாது 
ஒழிக்கப்பட்டது.

அமெரிக்க உள்நாட்டுப் போர் :- போர் முயற்சிகளுக்கு நிதி திரட்டும் விதமாக அமெரிக்கக் கூட்டரசு முதன்முறையாக 3 சதவீதம் வருமான வரி விதித்தது.
1872 ல் இவ்வரிவிதிப்பு நிறுத்தப்பட்டது.

1862 : அமெரிக்க உள்நாட்டுப் போர் :- கூட்டமைப்பினர் லூசியானாவில் மிசிசிப்பி ஆறு வழியே அமெரிக்கப் படைகளை விரட்டினர்.

1874 : ஜப்பான் அஞ்சல் சேமிப்பு திட்டத்தை ஆரம்பித்தது.

1884 : விடுதலைச் சிலைக்கான அடிக்கல் நியூயார்க் துறைமுகத்தில் பெட்லோஸ் தீவில் நாட்டப்பட்டது.

1914 : முதலாம் உலகப் போர் :- ஜெர்மனியின் கோனிகின் லூயிஸ் என்ற கப்பல் பிரிட்டன் போர்க்கப்பலினால் தாக்கப்பட்டு மூழ்கடிக்கப்பட்டது.

முதலாவது மின்சார போக்குவரத்து சிக்னல் விளக்கு அமெரிக்காவின் கிளீவ்லாந்தில் நிறுவப்பட்டது.

1924 : துருக்கி ஆண்கள் பல பெண்களை மணக்கும் முறையை சட்டப்படி ரத்து செய்தது.

1926 : ஹங்கேரி மேஜிக் நிபுணர் ஹாரி உடீனி 91 நிமிடங்கள் நீருக்கடியில், மூடியத் தொட்டியில் இருந்து சாதனை புரிந்தார்.

1940 : இரண்டாம் உலகப் போர் :- சோவியத் ஒன்றியம்  லாத்வியாவைக் கைப்பற்றி இணைத்துக் கொண்டது.

1944 : இரண்டாம் உலகப் போர் :- ஆஸ்திரேலியா, நியூ சவுத் வேல்ஸ் மாநிலத்தில் கௌரா நகரில் 1,104 ஜப்பான் போர்க் கைதிகள் சிறையை உடைத்து தப்பிச் சென்றனர்.

இரண்டாம் உலகப்போர் :- போலந்து தீவிரவாதிகள் வார்சாவாவில் நாஜி ஜெர்மனியின் வதை முகாமைத் தாக்கி 348 யூத சிறைக் கைதிகளை விடுவித்தனர்.

1949 : ஈக்வடாரில் ஏற்பட்ட நிலநடுக்கத்தில் 6 ஆயிரம் பேர் உயிரிழந்தனர். 
ஒரு லட்சம் பேர் வீடிழந்தனர்.
50 நகரங்கள் அழிந்தன.

1958 : தமிழ் மொழிக்கான சிறப்பு பயன்பாட்டு சட்ட மூலம் இலங்கை நாடாளுமன்றத்தில் சமர்ப்பிக்கப்பட்டது. 
முக்கிய எதிர்க்கட்சிகள் வெளிநடப்பு செய்தன.

1960 : புர்கினா பாசோ பிரான்ஸிடமிருந்து விடுதலை பெற்றது.

1962 : அமெரிக்க நடிகை மர்லின் மன்றோ லாஸ் ஏஞ்சல்ஸில் உள்ள அவரது வீட்டில் மர்மமான முறையில் இறந்து கிடந்தார்.

17 மாத தேடுதலுக்கு பின்னர் நெல்சன் மண்டேலா கைது செய்யப்பட்டார். 
இவர் 1990 வரை விடுவிக்கப்படவில்லை.

1963 : அமெரிக்கா, ரஷ்யா, மற்றும் பிரிட்டன் அணு சக்தி சோதனை தடை ஒப்பந்தத்தில் கையெழுத்திட்டன.

1965 : பாகிஸ்தான் படையினர் எல்லைக்கோட்டைத் தாண்டி  உள்ளூர் மக்கள் வேடத்தில் இந்தியாவுக்குள் புகுந்தனர்.
இந்தியா-பாகிஸ்தான் போர் ஆரம்பமானது.

1971 : முதலாவது பசிபிக் தீவுகளின் மாநாடு நியூசிலாந்து, வெலிங்டன் நகரில் ஆரம்பமானது.

1973 : சோவியத் ஒன்றியம் மார்ஸ் - 6 விண்கலத்தை ஏவியது.

1979 : ஆப்கானிஸ்தானில் மாவோயிஸ்ட் போராளிகள் கம்யூனிச அரசுக்கு எதிராக கிளர்ச்சியில் இறங்கினர்.

1981 : வேலை நிறுத்தப் போராட்டத்தில் ஈடுபட்ட 11,359 விமானப் போக்குவரத்துக் கட்டுப்படுத்துனர்களை அமெரிக்க ஜனாதிபதி ரொனால்ட் ரீகன் பணியில் இருந்து நீக்கினார்.

1984 : வங்காளதேசம், டாக்கா நகரில் வங்கதேச விமானம் தரை இறங்கும் போது விபத்துக்குள்ளாகியதில் அதில் பயணம் செய்த 49 பேரும் உயிரிழந்தனர்.

1995 : யுகோஸ்லோவியப்  போர்கள் :- செர்பியர்களின் முக்கிய நகரான நின் நகரத்தை குரோஷியப் படைகள் கைப்பற்றின. 
இந்நாள் குரோஷியாவில் வெற்றி நாளாகக் கொண்டாடப்படுகிறது.

2003 : இந்தோனேஷியா, ஜகார்த்தாவில் மேரியட் உணவு விடுதியில் இடம்பெற்ற குண்டுவெடிப்பில் 12 பேர் கொல்லப்பட்டு 150 பேர் காயமடைந்தனர்.

2010 : சிலியில் நிலக்கரி சுரங்கத்தில் ஏற்பட்ட விபத்தில் 33 தொழிலாளர்கள் 69 நாட்கள் சுரங்கத்தில் சிக்கினர்.

ஆப்கானிஸ்தான், படாக்சான் மாகாணத்தில் பன்னாட்டு நிவாரணப் பணியாளர்கள் பத்து பேர் சுட்டுக்
கொல்லப்பட்டனர்.

2012 : அமெரிக்காவின் விஸ்கொன்சின் மாநிலத்தில் சீக்கியக் கோயிலில் இடம்பெற்ற துப்பாக்கிச் சூட்டில் 6 பேர் கொல்லப்பட்டனர். 
கொலையாளி பின்னர் தற்கொலை செய்து கொண்டான்.