ஜெயிலர் படம் எப்படி இருக்கு கோவை ரசிகர்கள் கருத்து

ஜெயிலர் படம் எப்படி இருக்கு கோவை ரசிகர்கள் கருத்து

published 1 year ago

கோவை

: நெல்சன் திலீப்குமார் இயக்கத்தில் ரஜினி நடித்துள்ள படம் ‘ஜெயிலர்’. தமன்னா, ரம்யாகிருஷ்ணன், சிவராஜ்குமார், மோகன்லால், சுனி, ஜாக்கி ஷெராஃப் உள்ளிட்ட பலர் நடித்துள்ளனர் இப்படத்துக்கு அனிருத் இசையமைத்துள்ளார். பான் இந்தியா முறையில் உருவாகியுள்ள இப்படத்தை சன் பிக்சர்ஸ் நிறுவனம் தயாரித்துள்ளது. கோவை மாவட்டத்தில் பிரபல திரையரங்கான சாந்தி திரையரங்கில் ‘ஜெயிலர்’ படத்தின் முதல் காட்சி காலை 9 மணிக்கு தொடங்கியது

கோவையை பொருத்தவரை பிரதான திரையரங்குகள் அனைத்திலும் ‘ஜெயிலர்’ படத்தின் முதல் நாளுக்கான டிக்கெட்டுகள் விற்று தீர்ந்துள்ளன.

இதனிடையே இன்று காலை 7 மணி முதலே ரசிகர்கள் பல்வேறு திரையரங்கம் முன்பு குவிந்து கொண்டாட்டத்தில் ஈடுபட்டனர். சாந்தி திரையரங்கம் முன்பு ரஜினி ரசிகர்கள் பட்டாசுகள் வெடித்து ஆரவாரம் செய்தனர். பெண்கள் குழந்தைகள் என அனைத்து தரப்பினரும் ஜமாப் இசைக்கு குத்தாட்டம் போட்டு தங்களது மகிழ்ச்சியை வெளிப்படுத்தினர்.

ஜெய்லர் படம் எப்படி இருக்கிறது என்பது குறித்து ரஜினியின் ரசிகர்களிடம் கேள்வி எழுப்பினோம். அவர்கள் கூறுகையில் "படம் அருமையாக உள்ளது. பழைய ரஜினியை பார்த்தோம். நெல்சன் இந்த முறை தவறவிடவில்லைவ். நிச்சயம் படம் ஹிட் ஆகும். பாடல்கள் அருமையாக வந்துள்ளன" என்றனர்.

பொதுவான மக்களிடம் கேள்வியெழுபினோம். "படத்தில் டிவ்ஸ்ட் காட்சிகள் இருக்கின்றன. இரண்டாவது பாதி சற்று சலிப்பு தட்டுகிறது. யோகிபாபு காமெடி அருமையாக உள்ளது. தவறு செய்தவர்கள் தண்டிக்கப்படுவார்கள் என்பதே கதையாக உள்ளது. பாடல்கள் அருமை. ரஜினிதான் படம் முழுவதும் இருக்கிறார். மற்ற நட்சத்திரங்கள் தங்களது பணியை நன்றாக செய்துள்ளனர்." என்றனர்.