பி.எஸ்.ஜி கல்லூரியில் ஜூனியர் மாணவரை தாக்கி மொட்டை அடித்து கொடூரம்...
published 1 year ago
கோவை: கோவை பீளமேடு பி.எஸ்.ஜி கர்லூரியில் இரண்டாம் ஆண்டு மாணவரை தாக்கி மொட்டை அடித்து ராக்கிங் செய்த சீனியர் மாணவர்கள் ஏழு பேரை பீளமேடு காவல்துறையினர் கைது செய்து விசாரணை மேற்கொண்டு வருகின்றனர்.
கோவை அவிநாசி சாலையில் பி.எஸ்.ஜி தொழில்நுட்பக் கல்லூரி இயங்கி வருகிறது. கல்லூரி வளாகத்திலேயே விடுதியும் செயல்பட்டு வருகிறது. கல்லூரியில் திருப்பூர் ராயர்பாளையத்தை சேர்ந்த 18 வயது மாணவர் இரண்டாம் ஆண்டு படித்து வருகிறார்.
இவரை, அதே கல்லூரியில் படிக்கும் சீனியர் மாணவர்கள் ராக்கிங் செய்துள்ளனர். நேற்று முன்தினம் இரவு சீனியர் மாணவர்கள், முதலாம் ஆண்டு படிக்கும் 18 வயது மாணவர் தங்கி இருந்த ஹாஸ்டல் அறை எண் 225க்கு சென்றுள்ளனர்.
தொடர்ந்து அந்த மாணவரை மாணவரை தங்கள் அறைக்கு அழைத்துச் சென்ற சீனியர் மாணவர்கள் அவரை ஆபாசமாக திட்டி தாக்கியதுடன், மொட்டை அடித்து, உதைத்தும், துன்புறுத்தியதாக கூறப்படுகிறது. நேற்று காலை 5.30 மணி வரை அறையில் அடைத்து வைத்து தாக்கியுள்ளனர்.
மாணவரை நிர்வாணப்படுத்தி புகைப்படம் எடுத்து வைத்துக் கொண்டதுடன், மது குடிக்க பணம் கொடுக்க வேண்டும் எனவும் மிரட்டி இருப்பதாகவும் கூறப்படுகிறது. இதனையடுத்து 18 வயது மாணவர் இது குறித்து தனது பெற்றோரிடம் தெரிவித்தார். அதிர்ச்சியடைந்து திருப்பூரில் இருந்து வந்த பெற்றோர் மாணவரை நேரடியாக பார்த்து நடந்த சம்பவம் குறித்து கேட்டறிந்துள்ளனர். தொடர்ந்து இதுகுறித்து கல்லூரி நிர்வாகத்திடம் புகார் அளித்தனர். ஆனால், பேசி தீர்த்துக் கொள்ளலாம் என்றும், கல்லூரியின் பெயர் கெட்டுவிடும் என்றும் கல்லூரி நிர்வாகம் பேச்சுவார்த்தை நடத்தியதாக கூறப்படுகிறது. தனது மகன் கடுமையாக தாக்கப்பட்டதை கண்டு வேதனையடைந்த பெற்றோர், பீளமேடு காவல் நிலையத்திற்கு சென்று நேற்று புகார் அளித்தனர். இதனையடுத்து சம்பந்தப்பட்ட மாணவர்களை அழைத்து பீளமேடு போலீசார் விசாரணை மேற்கொண்டனர். விசாரணையில் இரண்டாம் ஆண்டு மாணவரை ராக்கிங் செய்து, தாக்கி மிரட்டி இருப்பது உறுதி செய்யப்பட்டது. இதனையடுத்து கல்லூரி விடுதியில் தங்கி படிக்கும் இரண்டாம் ஆண்டு மாணவர்கள் தரணிதரன், வெங்கடேஷ் ஆகியோரையும் மூன்றாம் ஆண்டு படிக்கும் மாதவன், மணி ஆகியோரையும், நான்காம் ஆண்டு படிக்கும் ஐயப்பன், சந்தோஷ், யாலிஷ் ஆகியோர் என 7 பேரை பீளமேடு காவல்துறையினர் கைது செய்தனர். அவர்கள் மீது ராக்கிங் தடுப்புச் சட்டம் உட்பட, சட்ட விரோதமாக கூடுதல், ஆபாசமாக பேசுதல், காயம் ஏற்படுத்துதல், ஆயுதங்களால் காயம் ஏற்படுத்துதல், கொலை மிரட்டல் ஆகிய 6 பிரிவுகளின் கீழ் வழக்கு பதிவு செய்து கைது செய்தனர். கல்லூரிகளில் ராக்கிங் பெரும்பாலும் கட்டுப்படுத்தப்பட்டு இருக்கும் நிலையில், கோவையின் பிரபல கல்லூரியில் ராக்கிங் விவகாரத்தால் 7 மாணவர்கள் கைது செய்யப்பட்டு இருப்பது பரபரப்பை ஏற்படுத்தியுள்ளது. 
கணவருடன் நடந்து சென்ற இளம்பெண் மீது தாக்குதல்- அண்ணன் தம்பி கைது...
published 3 days ago
தைபூசம்- கோட்டை ஈஸ்வரன் கோவில் தேரோட்டம்- கலந்து கொண்ட அரசியல் தலைவர்கள்...
published 1 week ago
கோவையில் நடைபெற்ற ஆசிரியர் மாணவர் புத்தாக்க பயிற்சி...
published 2 weeks ago
நடிகர் அஜித்தின் விடாமுயற்சி திரைப்படம் வெளியானது- கோவையில் ரசிகர்கள் கொண்டாட்டம்....
published 2 weeks ago
கோவையில் நிகழும் யானை மனித மோதல்கள்- பாமக ஆட்சியரிடம் முன்வைக்கும் கோரிக்கை...
published 2 weeks ago
விஜய் நடத்திய ஆலோசனை கூட்டம்- களத்தில் இறங்கிய கோவை தவெக கட்சியினர்...
published 3 weeks ago
மேட்டுப்பாளையம் இரட்டை ஆணவ கொலை வழக்கில் குற்றவாளிக்கு தூக்கு தண்டனை...
published 3 weeks ago
கோவை அரசு மருத்துவக் கல்லூரியில் பிறவி இதய குறைபாடுகளுக்கு வெற்றிகரமான சிகிச்சை !!!
published 3 weeks ago
உலக ஓட்டுநர் தினம்- கோவையில் பேரணி…
published 4 weeks ago
மசானிக் மருத்துவமனையில் குழந்தை உயிரிழப்பு; பெற்றோர் குற்றச்சாட்டு!
published 1 day ago
அர்ஜுன் சம்பத் மீது கோவையில் வழக்குப்பதிவு- காரணம் என்ன?
published 1 day ago
கோவையில் ஆம்னி பேருந்து நிலையத்தை திறந்து வைத்த அமைச்சர் கே.என்.நேரு…
published 2 days ago
கோவை மாவட்டத்தில் இன்ஸ்பெக்டர்கள் 8 பேர் பணியிட மாற்றம்..
published 2 days ago
ஈஷாவில் பிப்.27-மார்ச் 9 வரை தமிழ்த் தெம்பு!
published 18 hours ago
தற்போது பிற மொழி ஆதிக்கங்கள் அதிகமாகவிட்டது- கோவையில் அமைச்சர் சாமிநாதன் தெரிவிப்பு...
published 21 hours ago
தமிழ் வாழ்க என ஹிந்தி மொழியை அடித்து கோவையில் ஒட்டப்பட்டுள்ள போஸ்டர்...
published 1 day ago