கோவையில் பெய்த 'பேய்' மழை... எந்த பகுதியில் எவ்வளவு மழை..? முழு விவரம்..!

கோவையில் பெய்த 'பேய்' மழை... எந்த பகுதியில் எவ்வளவு மழை..? முழு விவரம்..!

published 1 year ago

கோவை:

கோவையில் நேற்று பெய்த மழை அளவு குறித்த விவரங்களை பேரிடர் மேலாண்மை துறை வெளியிட்டுள்ளது.

கோவையின் பல்வேறு பகுதிகளில் நேற்று இரவு மழை வெளுத்து வாங்கியது. இதனிடையே கோவையில் எந்த பகுதியில் எவ்வளவு மழை பெய்தது என்ற விவரத்தை பேரிடர் மேலாண்மை துறை வெளியிட்டுள்ளது.

அதன்படி அன்னூர் சுற்றுவட்டாரத்தில் 18.40 மில்லி மீட்டர் மழையும், மேட்டுப்பாளையம் சுற்றுவட்டாரத்தில் 8 மில்லி மீட்டர் மழையும், சின்கோனா சுற்றுவட்டாரத்தில் 14 மில்லி மீட்டர் மழையும், சின்னக்கல்லாரில் 49 மி.மீ மழையும் பதிவாகியுள்ளது.

வால்பாறை பரம்பிக்குளம் பாசன திட்ட பகுதிகளில் 31 மில்லி மீட்டர் மழையும், வால்பாறை தாலுகாவில் 30 மி.மீ மழையும், சோலையார் சுற்றுவட்டாரத்தில் 10 மில்லி மீட்டர் மழையும், ஆழியாரில் 41 மி.மீ மழையும் பெய்துள்ளது.

சூலூர் சுற்றுவட்டாரத்தில் 80 மில்லி மீட்டர் மழையும். பொள்ளாச்சி சுற்றுவட்டாரத்தில் 20 மில்லி மீட்டர் மழையும், கோவை தெற்கு சுற்று வட்டாரங்களில் 78 மில்லி மீட்டர் மழையும், கோவை விமான நிலைய சுற்று வட்டார பகுதிகளில் 108.20 மில்லி மீட்டர் மழையும்,

தமிழ்நாடு வேளாண்மை பல்கலைக்கழகத்திற்கு உட்பட்ட பகுதிகளில் 46 மில்லி மீட்டர் மழையும், பெரியநாயக்கன் பாளையம் சுற்றுவட்டாரத்தில் 9 மில்லி மீட்டர் மழையும், பில்லூர் அணைப்பகுதியில் 10 மில்லி மீட்டர் மழையும், வாரப்பட்டி சுற்றுவட்டாரத்தில் 36 மில்லி மீட்டர் மழையும், தொண்டாமுத்தூர் சுற்றுவட்டாரத்தில் 20 மில்லி மீட்டர் மழையும், சிறுவாணி அடிவாரத்தில் 12 மில்லி மீட்டர் மழையும், மதுக்கரை சுற்று வட்டாரத்தில் 40.50 மில்லிமீட்டர் மழையும்,

போத்தனூர் ரயில்வே சுற்றுவட்டார பகுதிகளில் 43.80 மில்லி மீட்டர் மழையும், மக்கினாம்பட்டி சுற்றுவட்டாரத்தில் 19 மில்லி மீட்டர் மழையும், கிணத்துக்கடவு சுற்றுவட்டாரத்தில் 40 மில்லி மீட்டர் மழையும், ஆனமலையில் 52 மில்லி மீட்டர் மழையும் பதிவாகியுள்ளது

கோவை மாவட்டத்தில் நேற்று ஒரே நாளில் 815.90 மில்லி மீட்டர் மழை பதிவாகியுள்ளது. சராசரியாக 35.47 மில்லி மீட்டர் மழை அளவு பதிவாகியுள்ளது குறிப்பிடத்தக்கது.