மசாஜ் சென்டர் உரிமையாளரிடம் மாதம் தோறும் ரூ. 4 லட்சம் வசூல் வாலிபர் மீது போலீசில் புகார்…

மசாஜ் சென்டர் உரிமையாளரிடம் மாதம் தோறும் ரூ. 4 லட்சம் வசூல் வாலிபர் மீது போலீசில் புகார்…

published 8 months ago

மசாஜ் சென்டர் உரிமையாளரிடம் மாதம் தோறும் ரூ. 4 லட்சம் வசூல் வாலிபர் மீது போலீசில் புகார்…

கோவை: கோவையை சேர்ந்தவர் 28 வயது பெண். இவர் துடியலூர் போலீஸ் நிலையத்தில் நேற்று ஒரு புகார் மனு அளித்தார். அதில் அவர் கூறியிருப்பதாவது:-

நான் ஆவாரம்பாளையம் மற்றும் ஜி என் மில்ஸ் பகுதியில் மசாஜ் சென்டர் நடத்தி வந்தேன். இங்கு வாடிக்கையாக வரும் கோவையை சேர்ந்த சுரேஷ்(38), என்பவர் மாதம் தோறும் ரூ. 4 லட்சம் தர வேண்டும், இல்லையென்றால் போலீசார் மூலம் தொந்தரவு செய்வேன் என மிரட்டினார். இதனால் நான் மாதம் தோறும் அவரது கூகுள் பே எண்ணிற்கு ரூ. 4 லட்சம் அனுப்பி வந்தேன். இதற்கிடையே எனது தோழி ஒருவரின் மகனுக்கு கோவையில் உள்ள தனியார் கல்லூரியில் சீட் வாங்கி தர சுரேசை அணுகியபோது, அவர் ரூ. 15 லட்சம் செலவாகும் என கூறி எனது தோழியிடம் ரூ. ஐந்து லட்சம் பணம் பெற்றார். ஆனால் அவர் சொன்னபடி சீட் வாங்கி தராமல் மீண்டும் பணம் கேட்டு எங்களை மிரட்டி வருகிறார். அவர் மீது உரிய நடவடிக்கை எடுக்க வேண்டும் என புகாரில் தெரிவித்திருந்தார்.

புகாரின் பேரில், போலீசார் சுரேஷ் மீது நம்பிக்கை மோசடி, பெண்கள் வன்கொடுமை தடுப்பு சட்டம் ஆகிய பிரிவின் கீழ் வழக்கு பதிவு செய்து விசாரித்து வருகின்றனர்.
இதேபோல் சேலம் தாசநாயக்கன்பட்டியை சேர்ந்த செந்தில்குமார் (39) என்பவர் சுரேஷ் மீது சரவணம்பட்டி போலீஸ் நிலையத்தில் புகார் அளித்தார் அதில் அவர் கூறியிருப்பதாவது:- எனது நண்பர் ஒருவர் மூலமாக எனக்கு சுரேஷ் அறிமுகமானார் அப்போது அவர் கணபதி பகுதியில் மசாஜ் சென்டர் நடத்தினால் அதிக லாபம் கிடைக்கும் எனவும், மசாஜ் சென்டர் வாங்கி தருவதாக உறுதி அளித்தார். அதற்கு அவர் ஒரு 6.50 லட்சம் பணம் கேட்டார். இதனை நம்பி நான் அவரிடம் இரண்டு தவணைகளாக ரூ. 6.50 லட்சம் கொடுத்தேன். ஆனால் அவர் மசாஜ் சென்டர் வாங்கி தராமல், பணத்தையும் திருப்பிக் கொடுக்காமல் மிரட்டல் விடுக்கிறார்.

அவர் மீது உரிய நடவடிக்கை எடுக்க வேண்டும் என புகார் மனுவில் தெரிவித்து இருந்தார் அதன் பேரில் போலீசார் சுரேஷ் மீது வழக்கு பதிவு செய்து விசாரணை செய்து வருகின்றனர்.