மின் கட்டண உயர்வு என்ன தீபாவளி போனஸா?- ஆவேசப்பட்ட எம்.எல்.ஏ அம்மன் அர்சுணன்...
published 6 months ago
கோவை: தமிழகத்தில் அண்மையில் உயர்த்தப்பட்ட மின்சார கட்டணம் உயர்வை கண்டித்தும் நியாயவிலை கடைகளில் பருப்பு மற்றும் பாமாயில் ஆகியவை நிறுத்த திமுக அரசு முயற்சிப்பதாகவும் கூறி இன்று அனைத்திந்திய அண்ணா திராவிட முன்னேற்ற கழகம் சார்பில் பல்வேறு இடங்களில் கண்டன ஆர்ப்பாட்டம் மேற்கொள்ளப்பட்டது. அதன் ஒரு பகுதியாக கோவை தெற்கு வட்டாட்சியர் அலுவலகம் முன்பு அதிமுக கோவை மாநகர் மாவட்ட செயலாளரும் கோவை வடக்கு சட்டமன்ற உறுப்பினருமான அம்மன் அர்சுணன் தலைமையில் கண்டன ஆர்ப்பாட்டம் நடைபெற்றது. இதில் சிங்காநல்லூர் சட்டமன்ற உறுப்பினர் கே.ஆர்.ஜெயராம் உட்பட பல்வேறு கூட்டணி அமைப்பினர் பொதுமக்கள் என சுமார் 200க்கும் மேற்பட்டோர் கலந்து கொண்டனர். இந்த ஆர்ப்பாட்டத்தில் மின் கட்டண உயர்வை கண்டித்தும் நியாய விலை கடைகளில் பொருட்களை வழங்க வலியுறுத்தியும் திமுகவை கண்டித்தும் பதாகைகளை ஏந்தி கண்டன முழக்கங்கள் எழுப்பப்பட்டது. இந்த ஆர்ப்பாட்டத்தில் சட்டமன்ற உறுப்பினர்கள் கே ஆர் ஜெயராம் மற்றும் அம்மன் அர்சுணன் ஆகியோர் கண்டன உரை ஆற்றினர். இந்நிகழ்வில் செய்தியாளர்களுக்கு பேட்டி அளித்த அம்மன் அர்சுணன், தமிழக மக்களுக்காக பாடுபடக்கூடிய ஒரே இயக்கம் அண்ணா திராவிட முன்னேற்ற கழகம் தான் என்றார். அனைவருக்கும் மின் கட்டண உயர்வு பாதிப்பை ஏற்படுத்தியுள்ளதாக தெரிவித்தார். மேலும் நேற்று வீட்டிலிருந்தபொழுது மின்சாரம் போய் மூன்று மணி நேரம் ஆகிவிட்டதாக எனது மனைவி என்னை திட்டியதாக தெரிவித்தார். மேலும் தொழிற்சாலைகள் இன்றைய நாட்களில் நஷ்டத்தில் இயங்குவதாகவும் தீபாவளிக்கு போனஸ் கொடுப்பது போல் திமுக அரசு மூன்று ஆண்டுகளில் மூன்று முறை போனஸ் வழங்கியுள்ளதாக மின்சார கட்டண உயர்வை சுட்டி காட்டினார். தமிழகத்தில் அனைத்து வரியையும் உயர்த்தி விட்டீர்கள் எனவும் காய்கறிகள் உட்பட அனைத்து பொருட்களின் விலைகளும் உயர்த்தப்பட்டு விட்டதாக பாமர மக்கள் 20 ஆயிரம் ரூபாய் இருந்தால் தான் குடும்பம் நடத்த முடியும் என்ற சூழல் இருப்பதாக கூறினார். இந்த ஆட்சி கூடிய விரைவில் வீட்டுக்கு போக வேண்டும் என்று மக்கள் காத்துக் கொண்டிருப்பதாகவும் தெரிவித்தார். மேலும் பேருந்து முழுவதும் விளம்பர போஸ்டர்களை ஒட்டி இருப்பதாகவும் அதற்கான வருமானம் இவர்களுக்கு வந்தாலும் போக்குவரத்து துறை நஷ்டத்தில் இயங்குவதாக அமைச்சர் தெரிவிப்பதாக கூறினார். மேலும் இன்னும் பத்து நாட்களில் ட்ரான்ஸ்போர்ட் க்கும் விலை ஏற்ற போவதாக தெரிவித்தார். மேலும் சிறு குறு தொழில் துறையினர் அவர்களது மனைவியின் தாலியை விற்றா மின்சார கட்டணங்களை கட்ட முடியும்? என கேள்வி எழுப்பிய அவர் பாமர மக்கள் உயர வேண்டும் என்றால் இங்கு சிறு குறு தொழில்கள் உயர வேண்டும் என்றார். இந்த விலை உயர்வுகளினால் தமிழ்நாட்டில் உள்ள தொழிலதிபர்கள் வேறு மாநிலத்திற்கு செல்வதற்கு தயாராக இருப்பதாகவும் இதற்கு காரணம் மின் கட்டண உயர்வு தான் என தெரிவித்தார். தொழில்கள் அனைத்தும் முடங்கி போவதாகவும் தொழிற்சாலையில் இருக்கின்ற பொருட்கள் அனைத்தும் பழைய பாத்திரங்கள் கடைக்கு செல்வதாகவும் இதற்கெல்லாம் காரணம் தமிழக முதல்வர் ஸ்டாலின் தான் என குற்றம் சாட்டினார். 
கோவை நகரில் இருந்து வெளியேறாத ரவுடி கைது…
published 1 week ago
மனைவியுடன் வீடியோ கால் பேசிவிட்டு கணவன் தற்கொலை…
published 1 week ago
கோவை குண்டுவெடிப்பில் உயிரிழந்தவர்களுக்கு பேரூரில் தர்பணம்…
published 1 week ago
கோவையில் சுமை தூக்கும் தொழிலாளர்களுக்காக ஆர்ப்பாட்டம்...
published 1 week ago
தைபூசம்- கோட்டை ஈஸ்வரன் கோவில் தேரோட்டம்- கலந்து கொண்ட அரசியல் தலைவர்கள்...
published 1 week ago
கணுவாய் அருகே பேக்கரிக்குள் நுழைந்து அரிவாள் வெட்டு- கடையை சூறையாடி சென்ற நபர்கள்...
published 2 weeks ago
கவுண்டம்பாளையம் காவல் நிலைய வளாகத்திற்குள்ளேயே தீக்குளிப்பு- நடந்தது என்ன?
published 2 weeks ago
மஹாசிவராத்திரி: வேலூரில் தொடங்கி 6 தேர்களுடன் கோவை வரும் யாத்திரை!
published 3 weeks ago
கோவையில் நாளை பல்வேறு பகுதிகளில் மின்தடை அறிவிப்பு!
published 3 weeks ago
வாழ்க்கையும் சினிமாவும்- கோவையில் நடிகர் பாக்யராஜ் பேசிய சுவாரஸ்யமான உரை...
published 3 weeks ago
கோவை வந்த ரயிலில் மூதாட்டியிடம் கைவரிசை; ஒடிசா வாலிபர் கைது!
published 4 weeks ago
மசானிக் மருத்துவமனையில் குழந்தை உயிரிழப்பு; பெற்றோர் குற்றச்சாட்டு!
published 1 day ago
அர்ஜுன் சம்பத் மீது கோவையில் வழக்குப்பதிவு- காரணம் என்ன?
published 1 day ago
கோவையில் ஆம்னி பேருந்து நிலையத்தை திறந்து வைத்த அமைச்சர் கே.என்.நேரு…
published 2 days ago
கோவை மாவட்டத்தில் இன்ஸ்பெக்டர்கள் 8 பேர் பணியிட மாற்றம்..
published 2 days ago
ஈஷாவில் பிப்.27-மார்ச் 9 வரை தமிழ்த் தெம்பு!
published 18 hours ago
தற்போது பிற மொழி ஆதிக்கங்கள் அதிகமாகவிட்டது- கோவையில் அமைச்சர் சாமிநாதன் தெரிவிப்பு...
published 21 hours ago
தமிழ் வாழ்க என ஹிந்தி மொழியை அடித்து கோவையில் ஒட்டப்பட்டுள்ள போஸ்டர்...
published 1 day ago