கோவையில் அதிகரிக்கும் ஐ.டி நிறுவனங்கள்..! என்ன காரணம்? என்ன பயன்?

கோவையில் அதிகரிக்கும் ஐ.டி நிறுவனங்கள்..! என்ன காரணம்? என்ன பயன்? - முழு விவரம்

published 2 years ago

கோவையில் அதிகரிக்கும் ஐ.டி நிறுவனங்கள்..! என்ன காரணம்? என்ன பயன்? - முழு விவரம்

கோவை: கோவையில் கடந்த ஓராண்டில் 40க்கும் மேற்பட்ட ஐ.டி நிறுவனங்கள் துவங்கப்பட்டுள்ளது கோவை மக்களை மகிழ்ச்சியடையச் செய்துள்ளது.

ஸ்மார்ட் சிட்டியான கோவையில் பல்வேறு உட்கட்டமைப்புகள் மேம்படுத்தப்பட்டு வருகின்றன. இந்த உட்கட்டமைப்புகளை கடந்து கோவை என்றாலே அதன் சுவையான நீரும், அழகான சீதோஷன நிலையும், அன்பான மக்களுமே நினைவுக்கு வருவார்கள். இதனால் கோவை என்றாலே அனைத்து தரப்பினருக்கும் பிடிக்கும்.

கோவை மாவட்டமானது விவசாயம் மட்டுமல்லாது, உற்பத்தி தொழிற்சாலைகள் நிறைந்த மாவட்டமாக உள்ளது. இங்கு 30 ஆயிரத்திற்கு மேற்பட்ட மோட்டார் பம்புகள், கிரைண்டர்கள், இயந்திரங்கள் மற்றும் உதிரிபாகங்கள் தயாரிப்பு நிறுவனங்கள் செயல்பட்டு வருகின்றன. தமிழகத்தின் தொழில் தலைநகராக விளங்கி வரும் கோவை தற்போது தொழில் நுட்ப நகராகவும் உருவெடுத்து வருகிறது.

கொரோனா அச்சுறுத்தலுக்கு பிறகு கோவை மாவட்டத்தில் தொழில் நுட்ப மற்றும் மென்பொருள் நிறுவனங்கள் கால்பதிக்கத் துவங்கியிருப்பதாக கூறுகின்றனர் துறை வல்லுநர்கள். இதன் மூலமாகக் கோவை இளைஞர்கள் அதிக அளவில் வேலைவாய்ப்பை பெறுவார்கள். வேலை வாய்ப்பு மட்டுமல்லாது, கோவையின் ஒட்டுமொத்த தொழில் வளர்ச்சிக்கும் இத்தகைய நிறுவனங்கள் உதவும் என்கின்றனர் துறை வல்லுநர்கள்.