கோவையில் மிட்டாய் வாங்கி கொடுத்து சிறுமியை கடத்திய சிறுவன்.!

கோவையில் மிட்டாய் வாங்கி கொடுத்து சிறுமியை கடத்திய சிறுவன்.!

published 2 years ago

கோவையில் மிட்டாய் வாங்கி கொடுத்து சிறுமியை கடத்திய சிறுவன்.!

கோவை: திருச்சியை சேர்ந்தவர் தம்பதியினர் தங்களது 6 வயது மகளுடனும், ஒரு வயது மகனுடம் கோவைக்கு வந்தனர்.

பின்னர் புலியகுளத்தில் சூர்ய பிரகாஷ் என்பவருக்கு சொந்தமான பன்றி பண்ணையில் வேலை பார்த்து வந்தனர். கடந்த சில நாட்களுக்கு முன்பு உரிமையாளரின் மனைவி தீனாவிடம் 6 வயது மகளை கொடுத்து விட்டு சொந்த ஊருக்கு சென்றனர்.

சிறுமியை அவர்கள் கவனித்து வந்தனர். நேற்று வீட்டு முன்பு விளையாடிக்கொண்டு இருந்த சிறுமி திடீரென மாயமானார். அவரை அக்கம் பக்கத்தில் தேடியும் எந்த பலனும் இல்லை.

இது குறித்து பன்றி பண்ணை உரிமையாளர் மனைவி தீனா கிழக்கு அனைத்து மகளிர் போலீசில் புகார் செய்தனர். புகாரின் பேரில் ஆய்வாளர் தவுலத் நிஷா தலைமையிலான போலீசார் கடத்தல் வழக்குப்பதிவு செய்து 6 வயது சிறுமியை தேடி வந்தனர். போலீசார் பன்றி பண்ணைக்கு சென்று விசாரணை நடத்தினர்.

அப்போது பன்றி பண்ணையில் வேலை பார்த்த தேனியை சேர்ந்த 17 வயது சிறுவன் ஊருக்கு சென்றது தெரிய வந்தது. அவன் மீது போலீசாருக்கு சந்தேகம் ஏற்பட்டது. இதனையடுத்து அவரை போலீசார் தொடர்பு கொண்டு சிறுமி குறித்து கேட்டனர். அதற்கு அந்த சிறுவன் போலீசாரிடம் கூறியதாவது:-

நான் ஊருக்கு செல்வதற்காக புறப்பட்டேன். அப்போது சிறுமி அந்த பகுதியில் உள்ள கடையில் மிட்டாய் வாங்கி கொடுக்கும்படி கேட்டாள். நான் வாங்கி கொடுத்தேன். பின்னர் அவள் என்னுடனே ஊருக்கு வருவதாக தெரிவித்தார்.

இதனையடுத்து நான் அவளை எனது வீட்டிற்கு அழைத்துச் சென்றேன். எனது வீட்டில் தங்கைகளுடன் அவள் ஜாலியாக விளையாடிக்கொண்டு இருக்கிறாள். அவளை நாங்கள் பார்த்து கொள்கிறோம் என தெரிவித்தார். உடனடியாக போலீசார் சிறுவனிடம் சிறுமியுடன் கோவைக்கு வருமாறு கூறினர்.

இந்த வழக்கில் புகார் கொடுத்த 1 மணி நேரத்தில் போலீசார் விசாரணை நடத்தி சிறுமி இருக்கும் இடத்தை கண்டு பிடித்தனர். சிறுவன் வரும் பட்சத்தில் தகவல் கூறாமல் சிறுமியை அழைத்து சென்றதால் அவர் மீது நடவடிக்கை எடுக்கப்படும் என தெரிகிறது.