9 வயது மகளுக்கு பாலியல் தொல்லை கொடுத்து வீடியோ எடுத்த பைனான்சியர் கைது

9 வயது மகளுக்கு பாலியல் தொல்லை கொடுத்து வீடியோ எடுத்த பைனான்சியர் கைது

published 2 years ago

9 வயது மகளுக்கு பாலியல் தொல்லை கொடுத்து வீடியோ எடுத்த பைனான்சியர் கைது

கோவையின் அனைத்து செய்திகளை தெரிந்து கொள்ள எங்களது வாட்ஸ்-அப் குழுவில் இணையலாம், குழுவில் இணைய லிங்க்-ஐ க்ளிக் செய்யவும் : https://chat.whatsapp.com/HnNiEmYAweu4lUIbHWUht6

கோவை: நீலகிரி மாவட்டம் நஞ்ச நாட்டை சேர்ந்தவர் பிரகாஷ்வரன் (வயது 42). பைனான்சியர். இவருக்கு கடந்த 15 வருடங்களுக்கு முன்பு திருமணமாகி ஒரு மகன், ஒரு மகள் ஆகியோர் உள்ளனர்.

பிரகாஷ்வரன் காரமடை வி.வி.கார்டனில் வசித்து வருகிறார். கடந்த 5 வருடங்களுக்கு முன்பு இவருக்கு கணவரை பிரிந்து வாழ்ந்து வந்த ஒரு இளம் பெண்ணுடன் பழக்கம் ஏற்பட்டது. இளம்பெண்ணுக்கு 9 வயதில் ஒரு மகள் உள்ளார். பின்னர் பிரகாஷ்வரன் தனது முதல் மனைவிக்கு தெரியாமல் அந்த பெண்ணை 2-வதாக திருமணம் செய்து கொண்டார்.

இந்தநிலையில் பிரகாஷ்வரன் தனது 2-வது மனைவியின் 9 வயது மகளுக்கு பாலியல் தொல்லை கொடுத்து வந்துள்ளார். இதனை அவர் தனது செல்போனில் வீடியோ பதிவு செய்து வைத்து இருந்தார்.தனது கணவர் தனக்கு தெரியாமல் 2-வது திருமணம் செய்ததை அறிந்து முதல் மனைவி அதிர்ச்சியடைந்தார்.

சம்பவத்தன்று இவர் தனது கணவர் 2-வது திருமணம் செய்த பெண்ணின் வீட்டிற்கு சென்றார். அப்போது அவர் தனது கணவரின் செல்போனை ஆய்வு செய்த போது அதில் அவர் சிறுமிக்கு பாலியல் தொல்லை கொடுக்கும் வீடியோக்கள் மற்றும் ஆபாச போட்டோக்கள் இருந்தது கண்டு அதிர்ச்சியடைந்தார். இதனையடுத்து அவர் சிறுமியிடம் விசாரித்தார். அப்போது சிறுமி தனது நடந்த கொடுமைகளை கூறி கதறி அழுதார்.

இது குறித்து அவர் துடியலூர் அனைத்து மகளிர் போலீசில் புகார் அளித்தார். புகாரின் பேரில் போலீசார் விசாரணை நடத்தினர். பின்னர் 2-மனைவியின் 9- வயது மகளுக்கு பாலியல் தொல்லை கொடுத்து அதனை வீடியோ மற்றும் போட்டோக்கள் எடுத்து வைத்து இருந்த பிரகாஷ்வரனை கைது செய்தனர். அவர் மீது போக்சோ உள்ளிட்ட பிரிவுகளின் கீழ் வழக்குப்பதிவு செய்தனர். பின்னர் அவரை கோர்ட்டில் ஆஜர்படுத்தி சிறையில் அடைத்தனர்.