கோவையில் 50% க்கும் குறைவாக வாக்குப்பதிவான இடத்தில் நாட்டுப்புற கலைகள் மூலம் விழிப்புணர்வு...

சூலூர் வட்டம், கருமத்தம்பட்டி கிராமத்தில் 2019 சட்ட மன்ற தேர்தலில் 60%க்கும் குறைவான வாக்குகள் பதிவான பகுதியில் உள்ள மக்களிடையே துண்டு பிரசுரங்களை விநியோகம் செய்தும் செல்ஃபி எடுப்பது மற்றும் கையெழுத்திடும் நிகழ்ச்சிகள் மூலம் விழிப்புணர்வு ஏற்படுத்தப்பட்டது. பொள்ளாச்சி பாராளுமன்ற தொகுதிக்கு உட்பட்ட பொள்ளாச்சியில் அமைந்துள்ள முருகாலயா மற்றும் துரைஸ் ஆகிய திரை அரங்குகளில் 2024 பாராளுமன்ற தேர்தலில் 100% வாக்களிப்பதன் முக்கியத்துவம் குறித்த வீடியோ ஒளிபரப்பப்பட்டு விழிப்புணர்வு ஏற்படுத்தப்பட்டது.

மக்களவை பொதுத்தேர்தலில் 18வயது பூர்த்தியடைந்த அனைவரும் 100
சதவிகித வாக்குப்பதிவை வலியுறுத்தி ப்ரோஷன் மால் மற்றும் மீடியா டவர் ஆகிய இடங்களில் தேர்தல் விழிப்புணர்வு நடன நிகழ்ச்சிகளும், ஐ லவ் கோவை சின்னம் அமைந்துள்ள இடத்தில் ஸ்ரீ கிருஷ்ணா கல்லூரி மாணவ மாணவியர்கள் மற்றும் இராமநாதபுரம் மாநகராட்சி பள்ளி மாணவமாணவியர்கள் கலந்துகொண்ட தேர்தல் விழிப்புணர்வு நடன நிகழ்ச்சிகளும் நடைபெற்றது.

மேலும், ஆனைமலை வட்டம். சின்னார்பதி, நவ மலை செட்டில்மெண்ட் பகுதியில் உள்ள பழங்குடியின மக்களிடம் வருகின்ற மக்களவை பொதுத் தேர்தலில் 100% வாக்குப் பதிவினை வலியுறுத்தி துண்டு பிரசுரங்கள் வழங்கி தேர்தல் விழிப்புணர்வு ஏற்படுத்தப்பட்டது.