+2 தேர்வு முடிவுகள் வெளியீடு; திருப்பூர் முதலிடம்.. நம்ம கோவை...?

கோவை: பிளஸ் 2 தேர்வு முடிவுகள் இன்று வெளியாகி உள்ள நிலையில் திருப்பூர் மாவட்டம் 97.45 மாணவர் தேர்ச்சியுடன் தமிழகத்தில் முதல் இடத்தை பிடித்துள்ளது.

தமிழகத்தில் இந்த ஆண்டு பிளஸ் 2 பொதுத் தேர்வை 7,60,606 பேர் எழுதினர். இந்த தேர்வு முடிவுகள் தற்போது வெளியாகி உள்ளன.

தேர்வு எழுதியவர்களில் 7,19196 பேர் தேர்ச்சி பெற்றுள்ளனர். இது 94.56% ஆகும். 
தமிழகத்தில் திருப்பூர் மாவட்டம் 97.45% மாணவர் தேர்ச்சியுடன் முதலிடத்திலும், சிவகங்கை மாவட்டம் 97.42 சதவீதம் மாணவர் தேர்ச்சியுடனும், ஈரோடு மாவட்டம் 97.42 சதவீத தேர்ச்சியுடன் இரண்டாம் இடமும், அரியலூர் மாவட்டம் 97.25% தேர்ச்சியுடன் மூன்றாம் இடமும் பிடித்துள்ளன.

கோவை மாவட்டத்தில் 33,399 மாணவர்கள் இந்த ஆண்டு பிளஸ் 2 பொதுத் தேர்வு எழுதினர். இதில், 32,387 பேர் தேர்ச்சி பெற்றுள்ளனர்.

அதன்படி, கோவை மாவட்டம் 96.97 சதவீதம் தேர்ச்சியுடன் நான்காம் இடம் பிடித்துள்ளது.