கோவை, திருப்பூர், ஈரோடு வழியாக கேரளா, பெங்களூருக்கு சிறப்பு ரயில்!

கோவை: கோவை, திருப்பூர், ஈரோடு, சேலம் வழியாக கேரளா மற்றும் பெங்களூருக்கு சிறப்பு ரயில் இயக்கப்படுவதாக தென்னக ரயில்வே அறிவித்துள்ளது.

இதுகுறித்து தென்னக ரயில்வே வெளியிட்டுள்ள செய்திக்குறிப்பில் கூறியிருப்பதாவது: 

கொச்சுவேலி (திருவனந்தபுரம்) - SMVT பெங்களூரு இடையே, அதிகரித்து வரும் பயணிகளின் எண்ணிக்கையைக் கருத்தில் கொண்டு, கீழே விவரிக்கப்பட்டுள்ளபடி சிறப்பு ரயில்கள் இயக்கப்படும்.

கொச்சுவேலி - பெங்களூரு (SMVT) இடையே போத்தனூர், திருப்பூர், ஈரோடு, சேலம் வழியாக சிறப்பு ரயில்கள் இயக்கப்படுகின்றன.

· ரயில் எண்.06083 கொச்சுவேலி - SMVT பெங்களூரு சிறப்பு ரயில் கொச்சுவேலியில் இருந்து செப்டம்பர் 3ம் தேதி முதல் 24 வரை செவ்வாய்க் கிழமைகளில் மாலை 6.05 மணிக்குப் புறப்படும் பெங்களூருவை மறுநாள் 10.55 மணிக்கு சென்றடையும்.

 · ரயில் எண்.06084 SMVT பெங்களூரு - கொச்சுவேலி சிறப்பு ரயில் பெங்களூருவில் இருந்து புதன்கிழமைகளில் செப்டர்மர் 4ம்தேதி 25 வரை மதியம் 12.45 மணிக்குப் புறப்பட்டு மறுநாள் காலை 6.45 மணிக்கு கொச்சுவேலி சென்றடையும்.

ரயிலில் உள்ள பெட்டிகள் : ஏசி 3-அடுக்கு & ஸ்லீப்பர் வகுப்பு.

நிறுத்தங்கள்: கொல்லம், காயங்குளம், மாவேலிகரா, செங்கனூர், திருவல்லா, சங்கனாச்சேரி, கோட்டயம், எர்ணாகுளம் டவுன், ஆலுவா, திருச்சூர், 

பாலக்காடு, போத்தனூர், திருப்பூர், ஈரோடு, சேலம், பங்காரப்பேட்டை மற்றும் கிருஷ்ணராஜபுரம்.

இவ்வாறு தென்னக ரயில்வே நிர்வாகம் அறிவித்துள்ளது.