முன்னாள் எம்.எல்.ஏ கோவை செல்வராஜ் மாரடைப்பால் உயிரிழந்தார்!

முன்னாள் எம்.எல்.ஏ கோவை செல்வராஜ் மாரடைப்பால் உயிரிழந்தார்!

published 2 hours ago

முன்னாள் எம்.எல்.ஏ கோவை செல்வராஜ் மாரடைப்பால் உயிரிழந்தார்!

கோவை: தி.மு.க பிரமுகரான கோவை சொவராஜ் வீட்டில் சுப நிகழ்ச்சியின் போது மாரடைப்பு ஏற்பட்டு உயிரிழந்த சம்பவம் சோகத்தை ஏற்படுத்தியுள்ளது.

கோவையைச் சேர்ந்தவர் செல்வராஜ். மக்கள் மத்தியில் பிரபலமான இவர் கடந்த 1991 முதல் 1996 வரையான காலகட்டங்களில், கோவை மேற்கு (அப்போதைய தொகுதி) சட்டமன்றத் தொகுதியில் காங்கிரஸ் கட்சி சார்பில் போட்டியிட்டு, வெற்றி பெற்று சட்டமன்ற உறுப்பினராக பதவி வகித்தவர்.

காங்கிரஸ் கட்சியில் இருந்து அ.தி.மு.க.வுக்கு சென்ற இவர் சமீபத்தில் தி.மு.க.வில் இணைந்தார்.

தற்போது தி.மு.க செய்தி தொடர்பாளராக பொறுப்பு வகித்து வருகிறார்.

இதனிடைய கோவை செல்வராஜின் மகன் திருமணம் திருப்பதியில் நடைபெற்றது. இதில் பங்கேற்று இருந்த செல்வராஜுக்கு திடீரென மாரடைப்பு ஏற்பட்டது.

தொடர்ந்து அவர் மருத்துவமனைக்கு அழைத்துச் செல்லப்பட்டார். ஆனால், மருத்துவமனை செல்லும் வழியிலேயே அவர் பரிதாபமாக உயிரிழந்தார். நாளை காலை அவரது உடல் கோவை கொண்டுவரப்பட்டு நல்லடக்கம் செய்யப்பட உள்ளது.

கோவை மக்கள் மத்தியில் பிரபல அரசியல் தலைவரான கோவை செல்வராஜ், வீட்டில் சுப நிகழ்ச்சி நடக்கும்போது உயிரிழந்த சம்பவம் அரசியல் கட்சியினர் மற்றும் பொதுமக்கள் மத்தியில் சோகத்தை ஏற்படுத்தியுள்ளது.