வடவள்ளி பகுதியில் ஒரே நாளில் இரண்டு பெண்களிடம் 9 பவுன் செயின் பறிப்பு

வடவள்ளி பகுதியில் ஒரே நாளில் இரண்டு பெண்களிடம் 9 பவுன் செயின் பறிப்பு

published 1 year ago

வடவள்ளி பகுதியில் ஒரே நாளில் இரண்டு பெண்களிடம் 9 பவுன் செயின் பறிப்பு

கோவை:
கோவை

வடவள்ளி பகுதியில் நேற்று
ஒரே நாளில் இரண்டு பெண்களிடம் 9 பவுன் செயின் பறித்து பைக்கில் தப்பிய ஆசாமிகளை போலீசார் தேடி வருகின்றனர்.

கோவை வடவள்ளி ராஜமாதா நகரை சேர்ந்தவர் சத்திய தேவ் இவரது மனைவி லட்சுமி பிரபா(36). இவர் நேற்று தனது குழந்தையுடன் மொபட்டில் சென்று கொண்டிருந்தார்.

அவர் அங்குள்ள பூங்கா அருகே சென்று கொண்டிருந்தபோது, அவரை பின் தொடர்ந்து பைக்கில் வந்த இரண்டு மர்ம நபர்கள் திடீரென லட்சுமி பிரபா கழுத்தில் அணிந்திருந்த 1 3/4 பவுன் தங்க செயினை படித்துக் கொண்டு அங்கிருந்து தப்பி சென்றனர். இது குறித்து லட்சுமி பிரபா வடவள்ளி காவல் நிலையத்தில் புகார் அளித்தார்.

புகாரின் பேரில் போலீசார் வழக்கு பதிவு செய்து நகை பறிப்பில் ஈடுபட்ட மர்ம நபர்களை தேடி வருகின்றனர்.
இதேபோல், கோவை வடவள்ளி சுண்ட பாளையம் விநாயகர் கோயில் வீதியை சேர்ந்தவர் கார்த்திக் மனைவி உமாதேவி (37). இவர் நேற்று தனது மகன் மற்றும் மகளுடன் மொபட்டில் கெம்பனூரில் உள்ள தனது தோழி நித்யா என்பவரின் வீட்டுக்கு சென்றார்.

பின்னர் அங்கிருந்து மொபட்டில் வீடு திரும்பி கொண்டிருந்தார். ஓணாம்பாளையத்தில் உள்ள பப்ளிக் பள்ளி அருகே சென்று கொண்டிருந்தபோது பின்னால் பைக்கில் வந்த 20 வயது மதிக்கத்தக்க இரண்டு மர்ம நபர்கள் உமாதேவி கழுத்தில் அணிந்திருந்த 7 பவுன் தங்க செயினை பறித்துக் கொண்டு மின்னல் வேகத்தில் தப்பி சென்றனர்.

இதனால் அதிர்ச்சி அடைந்த உமாதேவி வடவள்ளி போலீஸ் நிலையத்தில் புகார் அளித்தார் போலீசார் வழக்கு பதிவு செய்து சம்பவ இடத்தில் சென்று சோதனை செய்தனர். மேலும் பள்ளி அருகில் இருந்த சிசிடிவி கேமரா காட்சிகளை கைப்பற்றி நகை பறிப்பில் ஈடுபட்ட மர்ம நபரை தேடி வருகின்றனர்.

இந்த இரண்டு நகை பறிப்பு சம்பவங்களும் வடவள்ளி பகுதியில் அடுத்தடுத்து நடைபெற்றதால் இதில் ஈடுபட்ட நபர்கள் ஒரே கும்பலாக இருக்கலாம் என்ற கோணத்தில் போலீசார் விசாரணை நடத்தி வருகின்றனர்.