கூட்டு முயற்சியின் சான்றாக விளங்கும் கோவை மாவட்ட சிறு தொழில்கள் சங்கம் “கொடிசியா”

கூட்டு முயற்சியின் சான்றாக விளங்கும் கோவை மாவட்ட சிறு தொழில்கள் சங்கம் “கொடிசியா”

published 1 year ago

கூட்டு முயற்சியின் சான்றாக விளங்கும் கோவை மாவட்ட சிறு தொழில்கள் சங்கம் “கொடிசியா”

கோவை:&nb

sp;ஒற்றுமை, கூட்டு முயற்சியின் வெற்றிக்கு எடுத்துக்காட்டாக உலகளவில் பெயர் பெற்று விளங்கும் ‘கொடிசியா வர்த்தக தொழிற்காட்சி வளாகம்’, தொழில் வளர்ச்சிக்கு மட்டுமின்றி, கரோனா தொற்று பரவல் காலங்களில் மக்களின் உயிர்காக்கவும் முக்கிய பங்கு வகித்து மக்கள் மத்தியில் நீங்கா இடம் பெற்றுள்ளது.

தொழில் நகரான கோவை மாவட்டத்தில் சிறு தொழில்முனைவோர் ஒன்றிணைந்து உருவாக்கியது ‘கோவை மாவட்ட சிறு தொழில்கள் சங்கம் (கொடிசியா)’. கோவையில் உற்பத்தி செய்யப்படும் பொருட்களை தொழில்துறையினர் உலகளவில் சந்தைப்படுத்த உதவும் வகையில், கொடிசியா சார்பில் வர்த்தக கண்காட்சி வளாகம் கட்ட முடிவு செய்யப்பட்டது.

இதையடுத்து, அவிநாசி சாலையில் ஒரு லட்சத்து 60 ஆயிரம் சதுர அடி நிலப்பரப்பில் ஏ, பி, சி, டி, இ உள்ளிட்ட தனித்தனி குளிர்சாதன வசதி கொண்ட கண்காட்சி அரங்குகள் பிரம்மாண்டமாக அமைக்கப்பட்டுள்ளன.இதுதவிர திறந்தவெளி தியேட்டர், மூன்று கருத்தரங்கு அறைகள், உணவகம் அமைக்க பிரத்யேக பகுதி (புட்கோர்ட்) உள்ளிட்ட பல்வேறு வசதிகள் ஏற்படுத்தப்பட்டுள்ளன.

3 ஆயிரத்துக்கும் மேற்பட்ட நான்கு சக்கர வாகனங்கள், 5 ஆயிரத்துக்கும் மேற்பட்ட இரு சக்கர வாகனங்களை நிறுத்த இடவசதி உள்ளது. ஜெனரேட்டர் உள்ளிட்ட சர்வதேச வர்த்தக கண்காட்சி வளாகத்துக்கு தேவையான அனைத்து வசதிகளும் இந்த வளாகத்தில் உள்ளன. தொழில் சார்ந்த கண்காட்சிகள் மட்டுமின்றி கல்வி கண்காட்சி, வீட்டு உபயோக பொருட்கள் கண்காட்சி, திருமணம், பிறந்தநாள் உள்ளிட்ட விசேஷங்கள் மற்றும் பல்வேறு கலை நிகழ்ச்சிகளும் நடத்தப்பட்டு வருகின்றன.

கொடிசியா என்றாலே கண்காட்சி வளாகம் தான் என்று மக்கள் மத்தியில் நிலவி வந்த மனப்பான்மை 2020-ம் ஆண்டு முதல் முற்றிலும் மாறியது. காரணம் கரோனா தொற்று பரவிய காலத்தில் ஆயிரக்கணக்கான மக்களுக்கு சிகிச்சை அளிக்க கொடிசியா வளாகம் பயன்படுத்தப்பட்டது. இந்த மையத்தால் கோவை மட்டுமின்றி கொங்கு மண்டலத்தின்கீழ் உள்ள அனைத்து மாவட்ட மக்களும் நோய்தொற்று பரவலின்போது அரசு சார்பில் வழங்கப்பட்ட இலவச சிகிச்சையை பயன்படுத்த வாய்ப்பு கிடைத்தது.

இன்று கோவை என்றால் உலகம் முழுவதும் உள்ள தொழில்துறையினர் மத்தியில் இந்த கண்காட்சி வளாகம் நினைவுக்கு வரும் அளவுக்கு இந்த மையத்தில் பல்வேறு சர்வதேசதொழில் கண்காட்சிகள் குறிப்பிட்ட கால இடைவெளியில் தொடர்ந்து நடத்தப்பட்டு வருகின்றன. தொழில், கலை நிகழ்ச்சிகள், சுகாதார பணிகளுக்கு மட்டுமின்றி நாட்டின் பொருளாதாரத்தின் முதுகெலும்பாக திகழும் வேளாண் துறை வளர்ச்சிக்கும் கொடிசியா வர்த்தக கண்காட்சி வளாகம் குறிப்பிடத்தக்க பங்களித்து வருகிறது.

வேளாண் துறை சார்ந்த கண்காட்சிகள், கருத்தரங்கு உள்ளிட்டவை தொடர்ந்து நடத்தப்படுகின்றன. இதனால் விவசாயிகள் மிகுந்த பயனடைந்து வருகின்றனர். கூட்டு முயற்சியால் கிடைக்கும் வெற்றியின் சான்றாகவும், பலரையும் ஊக்குவிக்கும் கட்டமைப்பாகவும் எதிர்வரும் பல ஆண்டுகளுக்கு தொடர்ந்து இந்த வளாகம் திகழும் என்பதில் சந்தேகமில்லை.

Youtube

சார்புகளற்ற எங்களது ஊடகத்தை ஆதரிக்க, எங்களது YouTube சேனலை Subscribe செய்யுங்கள். எங்கள் YouTube பயணம் தொடர, உங்கள் ஆதரவை வழங்குங்கள்!

சார்புகளற்ற எங்கள் செய்திகளை உடனுக்குடன் பெற, எங்களது வாட்ஸ்-அப் குழுவில் இணையுங்கள். குழுவில் இணைய லிங்க்-ஐ க்ளிக் செய்யவும்!

கோவையில் வழக்கறிஞர்கள் ஆர்ப்பாட்டம்- எதற்காக?

கூட்டு முயற்சியின் சான்றாக விளங்கும் கோவை மாவட்ட சிறு தொழில்கள் சங்கம் “கொடிசியா”

Youtube

Whatsapp

கோவையில் வழக்கறிஞர்கள் ஆர்ப்பாட்டம்- எதற்காக?

கவுண்டம்பாளையம் பகுதியில் வீடு புகுந்து மிக்சி, டிவி-யை தூக்கி சென்ற மர்ம நபர்…

கணவருடன் நடந்து சென்ற இளம்பெண் மீது தாக்குதல்- அண்ணன் தம்பி கைது...

கோவையில் டீசல் நிரப்பியவுடன் வெளியேறிய புகை- பயணிகள் அச்சம்...

கோவை குண்டு வெடிப்பு புஷ்பாஞ்சலி நிகழ்ச்சிக்கு தடை விதிக்க வேண்டும்- SDPI மனு...

விண்ணைப் பிளக்கும் அரோகரா கோஷம்... பக்தர்கள் வெள்ளத்தில் மருதமலை! - Video

பெட்ரோல் பங்க் ஊழியர் மீது தாக்குதல்- வாலிபர் கைது மனைவி மீது வழக்கு…

மத்திய பட்ஜெட்டால் தமிழ்நாடுக்கு தான் அதிக பயன்- கோவை வளர்ச்சி பெறும் என வானதி சீனிவாசன் பேட்டி...

கோவையில் வேலையே இல்லாமல் வேலைக்கு வர சொல்லும் நிறுவனம், சம்பளமும் தருவதில்லை என ஆட்சியரிடம் மனு...

கோவை சிறை அதிகாரிகள் கூண்டோடு சஸ்பெண்ட்!

திமுகவையும் சேர்த்து நாங்கள்தான் வளர்க்க வேண்டி இருக்கிறது- கோவையில் சீமான் பேட்டி...

இந்து முன்னனி தலைவர் விசாரணைக்கு ஆஜரான நிலையில் மீண்டும் வழக்குப்பதிவு- காரணம் என்ன..?

மசானிக் மருத்துவமனையில் குழந்தை உயிரிழப்பு; பெற்றோர் குற்றச்சாட்டு!

அர்ஜுன் சம்பத் மீது கோவையில் வழக்குப்பதிவு- காரணம் என்ன?

கோவையில் ஆம்னி பேருந்து நிலையத்தை திறந்து வைத்த அமைச்சர் கே.என்.நேரு…

கோவை மாவட்டத்தில் இன்ஸ்பெக்டர்கள் 8 பேர் பணியிட மாற்றம்..

தடாகம் அருகே வீட்டின் சோபாவில் படுத்திருந்த 6 அடி நீள சாரைப்பாம்பு- வைரல் வீடியோ காட்சிகள்...

ஈஷாவில் பிப்.27-மார்ச் 9 வரை தமிழ்த் தெம்பு!

கோவை மாவட்ட காவல்துறையினர் மீது திருநங்கைகள் அடுக்கடுக்காக குற்றச்சாட்டு-மாவட்ட ஆட்சியரிடம் மனு...

தற்போது பிற மொழி ஆதிக்கங்கள் அதிகமாகவிட்டது- கோவையில் அமைச்சர் சாமிநாதன் தெரிவிப்பு...

தமிழ் வாழ்க என ஹிந்தி மொழியை அடித்து கோவையில் ஒட்டப்பட்டுள்ள போஸ்டர்...