இந்தியாவின் வருங்கால ஃபாஸ்ட் பவுலர்: இளம் வீரருக்குப் பாராட்டு..!

இந்தியாவின் வருங்கால ஃபாஸ்ட் பவுலர்: இளம் வீரருக்குப் பாராட்டு..!

published 1 year ago

இந்தியாவின் வருங்கால ஃபாஸ்ட் பவுலர்: இளம் வீரருக்குப் பாராட்டு..!

சர்வதேச

கிரிக்கெட்டில் ஐசிசி போன்ற பெரிய தொடர்களில் வலது கை பவுலர்களை விட இடது வேகப்பந்து வீச்சாளர்கள் வெற்றிகளில் அதிக தாக்கத்தை ஏற்படுத்தக் கூடியவர்களாக இருப்பார்கள்.

அந்த வரிசையில் இந்திய வரலாற்றில் ஜாம்பவான் ஜஹீர் கானுக்கு பின் தரமான இடது கை வேகப்பந்து வீச்சாளர்களைத் தேடி அலைந்த இந்தியாவுக்கு இர்பான் பதான் போன்ற சிலர் நம்பிக்கை கொடுத்தாலும் நீண்ட காலம் அசத்தாமல் வெளியேறினார்கள். இருப்பினும் அந்த தேடலில் தற்சமயத்தில் இளம் வீரர் அர்ஷிதீப் சிங் வருங்காலத்தில் அசத்தக்கூடிய நம்பிக்கை நட்சத்திரமாக முன்னேறி வருகிறார்.

பஞ்சாப் மாநிலத்தைச் சேர்ந்த அவர் 2018 அண்டர்-19 உலகக் கோப்பையை வென்ற இந்திய அணியில் அங்கமாக இருந்து 2019 முதல் ஐபிஎல் தொடரில் பஞ்சாப் கிங்ஸ் அணிக்காக விளையாடுகிறார். அதில் கொஞ்சம் கொஞ்சமாக முன்னேறிய அவர் கடந்த 2022 சீசனில் 14 போட்டிகளில் 10 விக்கெட்களை வெறும் 7.70 என்ற எக்கனாமியில் எடுத்து டெத் ஓவர்களில் அசத்தினர். அதன் காரணத்தால் இந்தியாவுக்காகவும் அறிமுகமான அவர் உம்ரான் மாலிக் போல வந்த வேகத்திலேயே வெளியேறாமல் நல்ல லைன், லென்த் போன்றவற்றைப் பின்பற்றிச் சிறப்பாகச் செயல்பட்டு ஓரளவு நிலையான இடத்தை பிடித்ததால் காயமடைந்த பும்ராவுக்கு பதிலாக 2022 ஆசியக் கோப்பையில் தேர்வானார்.