கோவையில் பங்களா வீடுகளை நோட்டமிட்டு கொள்ளையடிக்க திட்டம்!

கோவையில் பங்களா வீடுகளை நோட்டமிட்டு கொள்ளையடிக்க திட்டம்!

published 1 week ago

கோவையில் பங்களா வீடுகளை நோட்டமிட்டு கொள்ளையடிக்க திட்டம்!

கோவை: கோவை செல்வபுரம் போலீசார் நேற்று முன்தினம் இரவு ரோந்து பணியில் ஈடுபட்டிருந்தனர்.

அப்போது அவர்களுக்கு செல்வபுரம் சொக்கம்புதூர் சுடுகாடு பகுதியில் சந்தேகத்திற்கிடமாக சிலர் நடமாடுவதாக ரகசிய தகவல் கிடைத்தது.

இதைத்தொடர்ந்து போலீசார் ரோந்து வாகனத்தில் அங்கு விரைந்தனர். அப்போது போலீஸ் வாகனத்தை பார்த்ததும் தப்பி ஓட முயன்ற 5 பேரை மடக்கி பிடித்து விசாரணை நடத்தினர்.

அப்போது அவர்கள் முன்னுக்கு பின் முரணாக பேசினர்.
இதனால் அவர்கள் நடவடிக்கையில் சந்தேகம் அடைந்த போலீசார் அவர்கள் 5 பேரையும் ரகசிய இடத்திற்கு கொண்டு சென்று விசாரணை நடத்தினர். அதில், ஆகாஷ் குமார் என்பவரது பிறந்த நாளை கொண்டாட கோவை செல்வபுரம் பகுதிக்கு வந்துள்ளனர்.

அங்கு உள்ள ஒரு பாரில் மது அருந்தி பிறந்த நாளை கொண்டாடினர். இதில் கொண்டு வந்த அனைத்து பணமும் காலியாகிவிட்டது. இதனால் என்ன செய்வது என்று ஆலோசனை செய்துள்ளனர்.

அப்போது செல்வபுரத்தில் பங்களா வீடுகளை நோட்டமிட்டு கத்தியுடன் சென்று கொள்ளையடிப்பது என முடிவு செய்துள்ளனர். அந்த நேரத்தில் தான் போலீசாரிடம் சிக்கியது விசாரணையில் தெரியவந்துள்ளது.

இதைத் தொடர்ந்து கொள்ளையடிக்கத் திட்டம் தீட்டிய கோவை தீத்திபாளையத்தை சேர்ந்த காஜா உசேன் (25), வேளாங்கண்ணியை சேர்ந்த ரோசரி கிரேட்டன்(27), நாகப்பட்டினத்தை சேர்ந்த சூரிய பிரகாஷ் (26), சென்னை வியாசர்பாடி யை சேர்ந்த தருண் (25), தெற்கு உக்கடம் அல் அமீன் காலனியை சேர்ந்த முகமது சபீக் (25) ஆகிய 5 பேரை கைது செய்தனர்.

தலைமறைவாக உள்ள வேளாங்கண்ணியை சேர்ந்த ஆகாஷ் குமார்(25) என்பவரை போலீசார் தேடி வருகின்றனர்.