கோவையில் அம்பேத்கர் பிறந்தநாள் போட்டிகள் அறிவிப்பு...

கோவையில் அம்பேத்கர் பிறந்தநாள் போட்டிகள் அறிவிப்பு...

published 7 months ago

கோவையில் அம்பேத்கர் பிறந்தநாள் போட்டிகள் அறிவிப்பு...

கோவை: ஆண்ட

ுதோறும் தமிழ் வளர்ச்சித் துறையால் 2024ஆம் ஆண்டு ஏப்ரல் 14ஆம் நாள் அண்ணல் அம்பேத்கர் பிறந்தநாள் விழாத் தொடர்பில் கோயம்புத்தூர் மாவட்டத்திலுள்ள பள்ளி கல்லூரிகளில் பயிலும் மாணவர்களுக்கு 09.07.2024 அன்று கோயம்புத்தூர், மாவட்ட ஆட்சியரகத்தின் பழைய கட்டடத்தின் இரண்டாம் தளத்தில் அமைந்துள்ள மாவட்ட ஊரக வளர்ச்சி முகமை கூட்ட அரங்கில் பேச்சுப்போட்டிகள் நடைபெற உள்ளன.

அப்போட்டிகளில் கலந்துகொண்டு வெற்றிபெறும் பள்ளி / கல்லூரி மாணவர்களுக்கு மாவட்ட அளவில் முறையே முதல்பரிசு ரூ.5000, இரண்டாம் பரிசு ரூ.3000, மூன்றாம்பரிசு ரூ.2000 என்ற வகையில் வழங்கப்பெறஉள்ளன.

மேலும், பள்ளி மாணவர்களுக்கென நடத்தப்பெறும் பேச்சுப்போட்டியில் கலந்துகொண்ட மாணவர்களுள் அரசுப் பள்ளி மாணவர்கள் இரண்டுபேரைத் தனியாகத் தெரிவுசெய்து ஒவ்வொருவருக்கும் சிறப்புப் பரிசுத்தொகை ரூ 2000 வீதம் வழங்கப்பெறவும் உள்ளது.

பள்ளித் தலைமையாசிரியர்கள் அவர்தம் பள்ளி மாணவர்களிடையே முதற்கட்டமாக முத்தமிழறிஞர் கலைஞர் தமிழ்மன்றம் வாயிலாக முதல் சுற்று பேச்சுப்போட்டிகள் நடத்தி மாணவர்களைத் தேர்வு செய்து மாவட்ட அளவிலான போட்டியில் பங்கேற்க முதன்மைக் கல்வி அலுவலர் வழியாகவும் கல்லூரிப் போட்டிகளில் கலந்துகொள்ளும் மாணவர்களின் பெயர்ப்பட்டியல் கல்லூரிகளின் முதல்வர்கள் வழியாகலம் பின்வரும் முகவரியில் நேரில் / அஞ்சலில் அல்லது [email protected] என்ற மின்னஞ்சலில் 07.07.2024-ஆம் நாளுக்குள் அனுப்பி வைக்கவேண்டும்.

அண்ணல் அம்பேத்கர் பிறந்தநாள்விழாப் பேச்சுப்போட்டிகளின் தலைப்புகள்

பள்ளி மாணவர்களுக்கானத் தலைப்புகள்

சமூகத் தொண்டில் அம்பேத்கர்

சுயமரியாதையும் அம்பேத்கரும்

சட்டமேதை அம்பேத்கர்

கல்லூரி மாணவர்களுக்கானத் தலைப்புகள்

அம்பேத்கரின் சீர்திருத்தச் சிந்தை

அரசியலமைப்பின் சிற்பி

அம்பேத்கர் கண்ட சமத்துவம்

பள்ளிப் போட்டி காலை 9.30 மணிக்கும் கல்லூரிப் போட்டி பிற்பகல் 02.30
மணிக்கும் தொடங்கப்பெறும். இப்போட்டிகளில் கோயம்புத்தூர் மாவட்டத்தில் உள்ள
பள்ளி, கல்லூரிகளில் பயிலும் மாணவ / மாணவிகள் கலந்துகொண்டு பயன்பெறுமாறு
மாவட்ட ஆட்சியர் கிராந்திகுமார் பாடி அறிவித்துள்ளார்.