ராஜஸ்தானில் இருந்து போதைக்காக கோவைக்கு கொண்டுவரப்பட்ட மாத்திரைகள் பறிமுதல்...
published 3 hours ago
கோவை: கோவை மாநகர காவல் ஆணையர் அலுவலகத்தில், காவல் ஆணையர் பாலகிருஷ்ணன் செய்தியாளர்களை சந்தித்தார். அப்போது பேசிய அவர் , கோவை மாநகர எல்லைக்கு உட்பட்ட பகுதியில், போதைப் பொருட்களை முழுமையாக கட்டுப்படுத்துவதற்காக கோவை மாநகர காவல் துணை ஆணையர்கள் ஸ்டாலின் சரவணகுமார் ஆகியோர் தலைமையில், தனித்தனியே இரண்டு தனிப்படைகள் அமைக்கப்பட்டு நடவடிக்கை எடுக்கப்பட்டு வருகிறது. துணை ஆணையர் ஸ்டாலின் தலைமையிலான தனிப்படை, கல்லூரி மாணவர்களிடையே போதைப் பொருட்கள் விற்பனை செய்யப்படுவதை தொடர்ந்து கண்காணித்து வந்த நிலையில், மேகாலயா மாநிலம் ஷில்லாங்கில் இருந்து மெத், கஞ்சா உள்ளிட்ட போதை பொருட்கள் கொரியர் மூலமாக அனுப்பப்பட்டது தெரியவந்ததாகவும் இதில் ஏற்கனவே ஏழு பேர் கைது செய்யப்பட்டு இருப்பதாகவும் மற்ற குற்றவாளிகளை பிடிப்பதற்கான நடவடிக்கையில் தனிப்படையினர் ஈடுபட்டு வருவதாகவும் கூறினார். இந்தியா போஸ்ட்-ல் போதைப் பொருட்கள் வந்தது தொடர்பாக அஞ்சல் துறையில் விசாரணை நடைபெற்று வருவதாகவும் இது போன்ற போதைப் பொருட்கள் வருவதை தடுப்பதற்கு அஞ்சல் துறையின் நடவடிக்கைகள் குறித்து விசாரணை நடத்தி வருவதாகவும் கூறினார். கோவை மாநகர காவல் (தெற்கு) துணை ஆணையர் சரவணகுமார் தலைமையிலான தனிப்படையினர், போதை மாத்திரைகள் தடுப்பு நடவடிக்கையில் ஈடுபட்டு வருவதாக கூறிய காவல் ஆணையர், ஏற்கனவே கர்நாடகாவில் இருந்து கோவைக்கு வந்து போதை மாத்திரைகள் விற்பனை செய்தவர்களை கைது செய்த பிறகு கர்நாடகாவில் இருந்து போதை மாத்திரை வருவது நிறுத்தப்பட்டு இருப்பதாக கூறினார். அதைத் தொடர்ந்து, ஹரியானாவில் இருந்து கொரியர் மூலம் போதை மாத்திரைகளை விற்பனை செய்தவர்களையும் கைது செய்திருப்பதாகவும் கூறினார். மேலும், கேரள மாநிலம் மன்னார்காடு, பாலக்காடு பகுதிகளில் இருந்து போலி மருந்து சீட்டு மூலமாக மாத்திரைகள் வாங்கி வந்து கோவையில் விற்பனை செய்ததில் 4 நபர்கள் கைது செய்யப்பட்டு இருப்பதாகவும் கூறினார். இந்நிலையில் இன்று, ராஜஸ்தானில் இருந்து ரயில் மூலம் கோவை ரயில் நிலையத்திற்கு கொண்டுவரப்பட்ட போதைக்காக பயன்படுத்தப்படும் 7,800 வலி நிவாரண மாத்திரைகளை கோவை மாநகர காவல் தனிப்படையினர் பறிமுதல் செய்ததாகவும் இதில் தற்போது மூன்று நபர்கள் கைது செய்யப்பட்டு இருப்பதாகவும் கூறினார். போதை பொருட்களுக்கு எதிரான தொடர் நடவடிக்கைகளில் கோவை மாநகர காவல்துறை ஈடுபட்டு வருவதாகவும் விழிப்புணர்வு ஏற்படுத்தப்படுவதோடு போதைப் பொருள் விற்பனை மற்றும் விநியோகத்தை முழுவதுமாக கட்டுப்படுத்துவதற்கான நடவடிக்கைகளில் ஈடுபட்டு வருவதாகவும் கூறினார். கோவை மாநகர மற்றும் சுற்று வட்டார பகுதிகளில் லாட்டரியை முழுமையாக ஒழிப்பதற்காக தனிப்படை அமைக்கப்பட்டு நடவடிக்கை எடுக்கப்பட்டு வருவதாகவும் கூறினார். கடந்த மூன்று மாதங்களுக்குள் லாட்டரி தொடர்பாக ஆறு வழக்குகள் பதியப்பட்டதாகவும் 45 லட்சம் ரூபாய் பறிமுதல் செய்யப்பட்டதாகவும் இதில் 27 நபர்கள் கைது செய்யப்பட்டு இருப்பதாகவும் கூறினார். 2024-ம் ஆண்டு மட்டும் 93 கோடி ரூபாய் சைபர் குற்றங்கள் மூலம் மோசடி செய்யப்பட்டிருப்பதாகவும் இதில் சுமார் 50 கோடி ரூபாய் வரை மீட்கப்பட்டுள்ளதாகவும் அந்தத் தொகை நீதிமன்ற உத்தரவின் படி, பணத்தை இழந்தவர்களுக்கு அளிக்கப்பட்டு வருவதாகவும் கூறினார். கோவை மாநகர காவல் துணை ஆணையர் சுகாசினி தலைமையில் சைபர் குற்றங்களை தடுப்பதற்கான நடவடிக்கைகள் எடுக்கப்பட்டு வருவதாகவும் கூறினார். முதன்முறையாக குற்றத்தில் ஈடுபடும் குற்றவாளிகள், தொடர்ந்து குற்றத்தில் ஈடுபட்டால் ஏற்படும் பின் விளைவுகள் குறித்து, பயிற்சி பெற்ற காவல் அதிகாரிகள் மூலம் ஆலோசனை வழங்கப்படுவதாகவும் சட்டம் தொடர்பான விழிப்புணர்வு ஏற்படுத்தப்படுவதாகவும் கூறினார். 
ஸ்டாலின் வருகை: கோவையில் 2 நாட்கள் போக்குவரத்து மாற்றம்!
published 5 days ago
கோவையில் கஞ்சா, போதை மாத்திரை பறிமுதல்- 3 பேர் கைது
published 1 week ago
கோவையில் தீபாவளியில் தேங்கிய குப்பைகள்- அகற்றும் பணிகள் தீவிரம்...
published 1 week ago
கோவையில் பூக்கள் வாங்க வந்த பொது மக்களுக்கு பிரியாணி வழங்கிய வியாபாரிகள்...
published 1 week ago
தீபாவளி பண்டிகையை ஒட்டி கோவையிலிருந்து 1000க்கும் மேற்பட்ட சிறப்பு பேருந்துகள்...
published 2 weeks ago
பள்ளிக்கூடத்தில் இறக்கி விடுவதாக பைக்கில் ஏற்றி, கோவையில் மாணவருக்கு தொல்லை!
published 2 weeks ago
உக்கடம் கேஸ் பங்கில் தீ பிடித்து எரிந்த கார்...
published 2 weeks ago
மழைநீர் தேங்கி சேதமடைந்து வரும் அம்மன்குளம் ஹவுசிங் யுனிட்...
published 2 weeks ago
கோவை கார் குண்டு வெடிப்பு: மேலும் மூவர் கைது!
published 2 weeks ago
போலீசார் குடும்பத்திற்கு மேலும் 2 கடைகள்; தொடங்கி வைத்தார் காவல் ஆணையர்!
published 2 weeks ago
கோவை, சிறுவாணி அணையின் நீர்மட்டம் 43.49 அடியாக உயர்வு...
published 3 weeks ago
சிங்காநல்லூர் அருகே மழை நீர் பாதித்த பகுதிகளில் அமைச்சர் செந்தில் பாலாஜி ஆய்வு...
published 3 weeks ago
கோவையில் தொழில் நிறுவனங்களுக்கான கடன் வசதியாக்க முகாம்- எங்கே? எப்போது?
published 3 weeks ago
கோவைக்கு முதல்வர் அறிவித்த அறிவிப்புகள்- கொங்குநாடு மக்கள் தேசிய கட்சி கொண்டாட்டம்...
published 11 hours ago
சூலூர் பகுதியில் 360 கிலோ புகையிலை பொருட்கள் பறிமுதல்...
published 16 hours ago
அரோகரா கோஷத்துடன் மருதமலையில் நடைபெற்ற சூரசம்ஹார நிகழ்ச்சி...
published 1 day ago
கோவையில் சட்டப்பணிகள் ஆணையக் குழு நடத்திய விழிப்புணர்வு முகாம்!
published 1 day ago
முன்னாள் எம்.எல்.ஏ கோவை செல்வராஜ் மாரடைப்பால் உயிரிழந்தார்!
published 3 hours ago
மருதமலை சுப்பிரமணிய சுவாமி கோவிலில் உற்சாகமாக நடைபெற்ற திருக்கல்யாணம்...
published 9 hours ago