40 லிட்டர் ரம், விஸ்கி, ஒயின்.. 150 கிலோ உலர் பழங்கள்.. கோவையில் தயாராகிறது கிறிஸ்துமஸ் கேக்

40 லிட்டர் ரம், விஸ்கி, ஒயின்.. 150 கிலோ உலர் பழங்கள்.. கோவையில் தயாராகிறது கிறிஸ்துமஸ் கேக்

published 1 year ago

கோவை:

கோவையில் உள்ள லீ மெரிடியன் விடுதியில் 40 லிட்டர் மதுபான வகைகள், 150 கிலோ உலர் பழங்கள் மற்றும் பழச்சாறுகளுடன் கிறிஸ்துமஸ் கேக் தயாரிக்கும் பணிகள் துவங்கியுள்ளது.

கிறிஸ்தவ மக்களின் புனித பண்டிகையான கிறிஸ்துமஸ் பண்டிகை நாளில் ஒருவருக்கு ஒருவர் கேக் மற்றும் இனிப்பு வகைகளை பரிமாறி தங்களது அன்பை வெளிப்படுத்துவது வழக்கம். இந்த பண்டிகைக்கான கேக் தயாரிப்பது என்பது ஒரு சுவாரஸ்யமான விஷயமாக உள்ளது. பெரிய அளவில் கேக் தயாரிப்பவர்கள் பண்டிகைக்கு 45 நாட்களுக்கு முன்னதாகவே கேக் தயாரிப்பதற்கான மூலப்பொருட்களை கலவையாக சேர்த்து அதனை ஊர வைப்பார்கள். இதனை கேக் மிக்ஸிங் செரிமொனி என்பார்கள். ஊர வைத்த மூலப்பொருட்களை எடுத்து கிறிஸ்துமசுக்கு ஒரு சில தினங்களுக்கு முன்பு சுவையான கேக்-ஐ தயாரிப்பார்கள்.

இதனிடையே வரும் டிசம்பர் மாதம் 25ம் தேதி கிறிஸ்துமஸ் பண்டிகை கொண்டாடப்பட உள்ள சூழலில், பல்வேறு நட்சத்திர விடுதிகளிலும் கிறிஸ்துமஸ் கேக் மிக்ஸிங் செரிமொனி நடைபெற்று வருகிறது. அந்த வகையில் கோவை அவினாசி சாலையில் உள்ள,லீ மெரிடியன் ஓட்டலில் கிறிஸ்துமஸ் கேக் மிக்ஸிங் செரிமொனி நடைபெற்றது.