கோவை-பெங்களூர் உட்பட புதிய வந்தே பாரத் ரயில்கள்; மோடி தொடங்கி வைத்தார்

கோவை-பெங்களூர் உட்பட புதிய வந்தே பாரத் ரயில்கள்; மோடி தொடங்கி வைத்தார்

published 1 year ago

கோவை-பெங்களூர் உட்பட புதிய வந்தே பாரத் ரயில்கள்; மோடி தொடங்கி வைத்தார்

கோவை: கோவையில் இருந்து பெங்களூர் உட்பட 6 வழித்தடங்களில் புதிய வந்தே பாரத் ரயில்களை பிரதமர் மோடி அயோத்தியில் இருந்து இன்று தொடங்கி வைத்தார்.

கோவையில் இருந்து பெங்களூருக்கு செல்லும் வந்தே பாரத் ரயில் சேவை அறிமுகப்படுத்தப்படும் என்ற அறிவிப்பால் கோவை, திருப்பூர், ஈரோடு, சேலம் உள்ளிட்ட மாவட்டங்களைச் சேர்ந்த மக்கள் மகிழ்ச்சியடைந்தனர்.

இதனிடையே பிரதமர் மோடி உத்தரப் பிரதேசத்தின் அயோத்திக்கு பயணம் சென்றுள்ளார். அயோத்தில் இன்று சுமார் ரூ. 11,100 கோடி மதிப்புள்ள பல வளர்ச்சித் திட்டங்களுக்கு அடிக்கல் நாட்டுகிறார்.
முன்னதாக அயோத்தி தாம் சந்திப்பு ரயில் நிலையத்தில் நடைபெற்றநிகழ்ச்சியில், நாட்டின் முதல் அம்ருத் பாரத் என்ற அதி விரைவு பயணிகள் ரயிலை பிரதமர் கொடி அசைத்து தொடங்கி வைத்தார்.

இது, ரயில் பயணிகளுக்கு மேம்பட்ட வசதிகளை வழங்குகிறது. இதோடு ஆறு புதிய வந்தே பாரத் ரயில்களையும் அவர் கொடி அசைத்துத் தொடங்கி வைத்தார். அதில் கோவை - பெங்களூரு இடையேயான வந்தே பாரத் ரயில் சேவை ஒன்று.

கோவை - பெங்களூரு இடையே வந்தே பாரத் ரயில் தினமும் இருமுறை இயக்கப்பட உள்ளது. கோவையில் காலை 5 மணிக்கு புறப்படும் இந்த ரயில் சேலத்திற்கு 7.20, தருமபுரிக்கு 8.32, ஒசூருக்கு 10.05, பெங்களூரை பகல் 11.30 மணிக்கு சென்று அடைகிறது.