விரைவில் வருது 'கோவை மாஸ்டர் பிளான்'

கோவை: கோயம்புத்தூர் நகரம் எவ்வாறு சிறப்பாகவும் வளரவும் வேண்டும் என்பது குறித்த சிறப்பு அறிக்கையை முடிக்க மக்கள்  மிகவும் கடினமாக உழைத்து வருகின்றனர். நகரின் முக்கிய பகுதி உட்பட 92 வெவ்வேறு பகுதிகளுக்கு முக்கியமான தேர்வுகளை மேற்கொள்ள இந்த அறிக்கை அரசாங்கத்திற்கு உதவும்.

ஒரு மாஸ்டர் பிளான், ஒரு விரிவான திட்டம் என்றும் அழைக்கப்படுகிறது, இது ஒரு நகரத்தை சிறப்பாக மாற்றுவதற்கான ஒரு பெரிய திட்டம் போன்றது. நகரங்களில் அதிகமான மக்கள், போதுமான இயற்கைப் பகுதிகள் இல்லை, காலநிலை மாற்றம் மற்றும் நகரங்கள் அதிகமாகப் பரவுவது போன்ற பிரச்சனைகளைத் தீர்க்க இது உதவுகிறது. கோவை மாவட்டத்தில் கடந்த 1994-ம் ஆண்டு முதல் மாஸ்டர் பிளானை பயன்படுத்தி நகரை சிறப்பாக உருவாக்கி வருகின்றனர்.

கோயம்புத்தூர் நகரத்திற்கான திட்டம் ஐந்தாண்டுகளுக்கு ஒருமுறை புதுப்பிக்கப்பட வேண்டும், ஆனால் அது மிக நீண்ட காலமாக - 28 ஆண்டுகளுக்கும் மேலாக புதுப்பிக்கப்படவில்லை! கடந்த காலங்களில் சிலர் அப்டேட் செய்ய முயன்றும் அவர்களால் முடிக்க முடியவில்லை.

இச்சூழலில், நகரின் எதிர்கால வளர்ச்சியை கருத்தில் கொண்டு, கோவை மாஸ்டர் பிளான் திட்டத்தை புதுப்பித்து வெளியிட தொழிற்துறை உள்ளிட்ட பல்வேறு அமைப்பினரால் வலியுறுத்தப்பட்டது. அதைத் தொடர்ந்து, தமிழக அரசு மாஸ்டர் பிளான் திட்டத்தை புதுப்பிப்பதற்கு தேவையான நடவடிக்கையை முடுக்கிவிட்டுள்ளது.

கோவை மாவட்ட நகர ஊரமைப்புத் துறையின் சார்பில், மாநகராட்சி உள்ளிட்ட பல்வேறு துறையினரின் ஒத்துழைப்புடன் 2041-ம் ஆண்டு மக்கள் தொகையை மையப்படுத்தி இறுதிக்கட்ட மாஸ்டர் பிளான் அறிக்கை தயாரிப்புப் பணி தீவிரமடைந்துள்ளது. மாஸ்டர் பிளான் வரைவுத் திட்ட அறிக்கை கடந்தாண்டு டிசம்பரில் அரசுக்கு சமர்ப்பிக்கப்பட்டது.

சமூக செயல்பாட்டாளர்கள் கூறும்போது,"கல்வி, தொழில், வேலை வாய்ப்பு, மருத்துவம் உள்ளிட்ட பல்வேறு காரணங்களுக்காக வெளியூர்களைச் சேர்ந்த ஏராளமானோர் கோவையில் குடியேறுகின்றனர். கோவை நகரின் எதிர்கால வளர்ச்சியை கருத்தில் கொண்டு மாஸ்டர் பிளான் இறுதி திட்ட அறிக்கையை விரைவில் வெளியிட வேண்டும்" என்றனர்.

நகர ஊரமைப்புத் துறை இணை இயக்குநர் சிவ குரு கூறும்போது, "மாஸ்டர் பிளானில், pகோவை மாநகராட்சி, காரமடை, கருமத்தம்பட்டி, கூடலூர், மதுக்கரை ஆகிய 4 நகராட்சிகள், 21 பேரூராட்சிகள், 66 கிராம ஊராட்சிகள் ஆகியவை இடம் பெற்றுள்ளன. 1531.53 சதுர கிலோ மீட்டர் பரப்பளவில் மாஸ்டர் பிளான் தயாரிக்கப்பட்டுள்ளது.

திட்டத்தின் வரைவு அறிக்கை மற்றும் திட்ட வரைபடம் அரசுக்கு சமர்ப்பிக்கப்பட்டுள்ளது. அதில் சில திருத்தங்கள் செய்யப்பட்டுள்ளன. தற்போது இறுதிகட்ட திருத்தப் பணிகள் மேற்கொள்ளப்பட்டு வருகின்றன. அப்பணிகளை முடித்து, மாஸ்டர் பிளான் திட்ட இறுதி அறிக்கையை அரசிடம் மீண்டும் சமர்ப்பிப்பதற்கான பணிகள் நடைபெற்று வருகின்றன. விரைவில் இறுதி மாஸ்டர் பிளான் வெளியாகும்," என்றார்.

மாவட்ட ஆட்சியர் கிராந்தி குமார் பாடி கூறும்போது, "மாஸ்டர் பிளானில் விரிவுபடுத்தப்பட்ட பகுதிகளுக்கான சாலை வசதி உள்ளிட்ட இரு திருத்தங்கள் மேற்கொள்ளப்பட்டு வருகின்றன. ஒரு வாரத்தில் இப்பணி முடிக்கப்படும். அதைத் தொடர்ந்து அரசுக்கு சமர்ப்பிக்கப்படும்" என்றார்.