2026ல் கோவையில் 10 தொகுதிகளையும் தேசிய ஜனநாயகக் கூட்டணி வென்றெடுக்க போகிறது- வானதி சீனிவாசன் பேட்டி...

தொடர்ந்து செய்தியாளர்களை சந்தித்த வானதி சீனிவாசன்,

தெற்கு தொகுதியில் மக்களுக்கு அடிப்படை வசதிகளை ஒட்டி பல்வேறு பிரச்சனைகள் இருக்கின்றது. குறிப்பாக சாலை பிரச்சனை எங்கு சென்றாலும் அதை சொல்லுகிறார்கள் என கூறிய அவர் சமீபத்தில் கோவை வந்திருந்த முதல்வர் 200 கோடி ரூபாய் சாலைகளுக்காக கொடுக்கிறோம் என்று சொல்லி இருக்கிறார் அதை விரைவில் பெற்று இங்க இருக்க கூடிய சாலை பணிகளை துரிதமாக மேற்கொள்ள வேண்டும் என இந்த மாநகராட்சி ஆணையாளருக்கும் கோரிக்கை வைத்திருக்கிறேன் என்றார்.

ஆட்சியில் பங்கு அதிகாரத்திலும் பங்கை பெரியசாமியின் கருத்து குறித்து பதிலளித்த வானதி சீனிவாசன் கடந்த சில காலமாக திராவிட முன்னேற்றக் கழகத்தின் கூட்டணியில் இருக்கின்ற அரசியல் கட்சிகள் நேரடியாக மாநில தலைவர்களோ அல்லது முக்கிய தலைவர்களோ இதைப் பற்றி பேசாமல் அவர்கள் கட்சியில் இருக்கின்ற அடுத்த கட்ட தலைவர்கள் இதைப்பற்றி எல்லாம் பேசி வருகிறார்கள் எனவும் அவர்களுக்கு ஒரு செய்தியை சொல்ல வேண்டும் என்பதற்காக மரியாதைக்குரிய அமைச்சர் அந்த கருத்தை தெரிவித்திருக்கலாம் என்றார்.

பாரதிய ஜனதா கட்சி பொருத்தவரை கூட்டணியில் இருப்பவர்கள் சில சமயம் தேர்தலிலோ அல்லது வெற்றியிலோ மிகப்பெரிய பங்களிக்காவிட்டாலும் கூட அரசாங்கத்திலே அவர்களுக்கு பங்கு கொடுத்து அவர்களையும் ஒரு அரசோடு இணைத்து ஒரு மிகப்பெரிய கூட்டணி என்ற போதும் அந்த அரசாங்கத்தில் கூட கூட்டணி கட்சிகள் ஒவ்வொருவருக்கும் பங்களிப்பு அவர்களையும் சேர்த்து அரசாங்கத்தை நடத்துவது என்பது பாஜகவின் வழக்கம் என்றார். இது மறைந்த முன்னாள் பிரதமர் வாஜ்பாய் காலத்தில் இருந்து பாஜக பின்பற்றிக் கொண்டிருக்கின்றது எனவும் கூறினார்.

இன்று மகாராஷ்டிராவில் மிகப்பெரிய தேர்தல் வெற்றியை பெற்று இருக்கிறோம் அங்கு தனி பெரும்பான்மையில் இருக்கக்கூடிய ஒரு தலைவருக்கு மாநிலத்தின் முதல்வர் பதவியை கொடுத்து அழகுபடுத்தியது பாஜக என்றும் திமுக கூட்டணியில் இருக்கின்ற கட்சிகள் அரசாங்கத்தில் பங்கு கேட்பது என்பது தவறே கிடையாது அவர்களுக்கு உரிய அங்கீகாரமும் மரியாதையும் கொடுக்கப்பட வேண்டும் என்பது எங்களுடைய கருத்து  என்றார்.

தவெக தலைவர் விஜய் தங்க மோதிரம் கொடுத்தது தொடர்பான கேள்விக்கு பதில் அளித்த வானதி சீனிவாசன் அரசியல் கட்சிகள் ஒவ்வொருவரும் அவர்கள் கட்சியில் இருக்கும் நிர்வாகிகளுக்கு பரிசளிப்பது என்பது வழக்கமாக வைத்திருக்கிறார்கள் அந்த வகையில் அவர் செய்திருக்கிறார் என்றார்.

ரஜினிகாந்த் சிறந்த நடிகர் சிறந்த பண்பாளர் அவருடைய ஒவ்வொரு கருத்துக்கும் நாங்கள் பதில் கொடுக்க வேண்டிய அவசியம் என்பது இல்லை எனவும் அவருடைய கருத்தை அவர் வெளிப்படுத்தி இருக்கிறார் என்றார். 
சு வெங்கடேசன் எம்பி மத்திய அரசாங்கத்தில் என்ன செய்தாலும் என்ன நல்ல காரியம் செய்தாலும் குறை கூறுவதை வழக்கமாக வைத்துள்ளார் ஆனால் நீங்கள் சொல்வது போல் மத்திய அரசின் பணிகளுக்கான தேர்வு இருந்தால் நிச்சயமாக அது பற்றிய தகவல்களை மத்திய நிதி அமைச்சரிடம் தெரிவிப்போம் என கூறினார்.

யானைகள் புத்துணர்வு முகாம் என்பது கோவில் யானைகளுக்காக நடத்தப்படுவது என்றார்.  காட்டு யானைகள் மனிதர்களுடைய வாழ்விடங்களுக்கு வருவது, போன்ற நிகழ்வுகள் குறித்து குறிபிட்ட அவர் கோவை பகுதியிலும் அதிக பேர் பாதிக்கப்பட்டிருக்கின்றனர் இது தொடர்பாக விவசாயிகளின் கோரிக்கைகளை சம்பந்தப்பட்ட வனத்துறை அதிகாரிகளிடம் கடந்த மாதம் பேசி இருந்தேன் என கூறுய அவர் இதனை அறிவியல் பூர்வமாக பின் தொடர வேண்டும் என்பது முக்கியம் ஒரு பக்கம் யானை காரிடாறுகளுக்கு தனியாக வழி செய்கிறோம் அகழிகள்ள் வெட்டுகிறோம் ஆனாலும் இப்போது மதுக்கரை அருகில் ரயில்வே துறை ட்ரோன் டெக்னாலஜி வாயிலாக யானைகள் பாதிப்பில்லாமல் செய்வதற்கு செய்கிறார்கள் மாநிலத்தின் வனத்துறையும் குறிப்பாக சென்சிட்டிவ் பகுதிகளை கண்டறிந்து புதிய தொழில்நுட்பத்தை பயன்படுத்தி வனவிலங்கு மனிதர்களுக்கு தீர்வு காண வேண்டும் என்பது எங்களுடைய கோரிக்கை என்றார். யானைகள் புத்துணர்வு முகாம் என்பது நடத்தப்படாமல் திமுக அரசு நிறுத்தி வைத்திருக்கிறது எனவும் கோவில் யானைகளுக்கு புத்துணர்வு முகாம் என்பது மிகச் சிறப்பான ஒரு திட்டம் அந்த யானைகளுக்கு இருக்கக்கூடிய மன அழுத்தம் உடல் நலம் சார்ந்த பல்வேறு விஷயங்கள் அதில் இருக்கும் என்பதை குறிப்பிட்ட வானதி சீனிவாசன் கடந்த முறை ஆட்சியில் புத்துணறு முகாமில் நன்றாக இருந்தது இதை வேண்டுமென்றே திமுக அரசாங்கம் நிறுத்தி வைத்திருக்கிறது என்றார். இதில் உள்நோக்கம் உள்ளது எனவும் அவர்களுக்கு(திமுக) கோவிலும் பிடிக்காது கோவில் யானைகளும் பிடிக்காது. அதனால் அந்த புத்துணர்வு முகாமை நிறுத்தி வைத்திருக்கிறார்கள் கோவில் யானைகளுக்கு புத்துணர்வு முகாம் என்பது மீண்டும் நடத்தப்பட வேண்டும் என வலியுறுத்தினார்.

வேட்டை தடுப்பு காவலர்கள் பிரச்சினை தொடர்பாக பேசிய வானதி சீனிவாசன் நிச்சயமாக வேட்டை தடுப்பு காவல்களின் கோரிக்கை நியாயமான கோரிக்கை  எனவும் இந்த கோரிக்கையை நானும் வலியுறுத்துவேன் என்றார்.

அமைச்சர் செந்தில் பாலாஜியின் பேச்சு குறித்து பேசுகையில் 
அவருடைய வழக்கு எந்த நிலையில் இருக்கின்றது என்பது அவர்களுடைய வழக்கறிஞர்களுக்கு தெரியும் மீடியா காரர்கள் சொல்வதை நான் பார்த்துக் கொள்கிறேன் அவருடைய வழக்குகளை தெரிவதற்கு நான் அவரின் வழக்கறிஞர் அல்ல ஒவ்வொருவரும் பத்து தொகுதியை ஜெயிக்க வேண்டும் என்று தான் ஒவ்வொரு அரசியல் கட்சியும் வேலை செய்கிறது என்றார்.  10 தொகுதியையும் 2026ல் தேசிய ஜனநாயக கூட்டணி வென்றெடுப்பதை அவர் பார்க்கத்தான் போகிறார் என்றார். 
2026 சட்டமன்ற தேர்தலில் இந்த பத்து தொகுதிகள் எப்படி தேசிய ஜனநாயக கூட்டணி வென்றெடுக்கப் போகிறது என்பதை நீங்களும் பார்க்கத்தான் போகிறீர்கள். இந்த 10 தொகுதியை வென்றெடுப்பது என்ற இலக்கை வைத்து பாஜகவும் வேலை செய்து கொண்டிருக்கிறது. எந்த கூட்டணி எந்த நேரத்தில் எந்த கட்சிகள் என்பதை எல்லாம் எங்களுடைய கட்சியின் தேசிய தலைமை முடிவெடுக்கும் என்றார்.