செல்வபுரம் பகுதியில் பணம் பறிப்பில் ஈடுபட்ட சிறுவர்கள்- நடவடிக்கை எடுத்த காவல்துறை...

செல்வபுரம் பகுதியில் பணம் பறிப்பில் ஈடுபட்ட சிறுவர்கள்- நடவடிக்கை எடுத்த காவல்துறை...

published 1 day ago

செல்வபுரம் பகுதியில் பணம் பறிப்பில் ஈடுபட்ட சிறுவர்கள்- நடவடிக்கை எடுத்த காவல்துறை...

கோவை: கோவை செல்வபுரத்தில் பணம் பறிப்பில் ஈடுபட்ட சிறுவர்கள் உட்பட 6 பேரை போலீசார் கைது செய்தனர்.

கோவை செல்வபுரம் ராமமூர்த்தி ரோட்டை சேர்ந்தவர் அப்துல் ரஹீம் (49). இவர் நேற்று முன்தினம் இரவு டிபன் வாங்க அருகே உள்ள ஓட்டலுக்கு சைக்கிளில் சென்று கொண்டிருந்தார். அவர் சிந்தாமணி குளம் அருகே சென்றபோது 6 பேர் கும்பல் அவரை வழிமறித்து, அவரிடம் பணம் கேட்டு மிரட்டினர்.

அவர் கொடுக்காததால் ஆத்திரமடைந்த கும்பல் தாங்கள் மறைத்து வைத்திருந்த கத்தியை காட்டி அப்துல் ரஹீமிடம் இருந்த ரூ. 1220 ஐ பறித்து கொண்டு தப்பி சென்றனர். இதனால் அதிர்ச்சியடைந்த அப்துல் ரஹீம் இதுகுறித்து செல்வபுரம் போலீசில் புகார் அளித்தார். அதன்பேரில், போலீசார் வழக்குப்பதிவு செய்து விசாரித்தனர்.

அதில், கத்தி முனையில் பணம் பறித்தது செல்வபுரம் சண்முகராஜபுரத்தை சேர்ந்த நவீன்குமார் (22), விக்னேஷ்குமார் (23), கோவைப்புதூர் நாயக்கர் தெருவை சேர்ந்த தீபக் குமார் (19), மற்றும் 3 சிறுவர்கள் என 6 பேரை போலீசார் கைது செய்தனர். இவர்களில் 3 பேரை சிறுவர் சீர் திருத்தப்பள்ளியிலும் மற்றவர்களை சிறையிலும் அடைத்தனர்.