கோவையில் பங்கு சந்தை முதலீடு நிறுவன ஊழியர்கள் கதறல்- காரணம் என்ன?
published 6 days ago
கோவை: பங்குச் சந்தையில் லட்ச ரூபாய் முதலீடு செய்தால், மாதம் தோறும் பத்தாயிரம் ரூபாய் பகிர்வுத் தொகை தருவதாக கூறிய தனியார் நிறுவன உரிமையாளர், தலைமறைவு. பொது மக்கள் பலரிடம், பல கோடி ரூபாய் முதலீடு பெற்ற ஊழியர்கள், கோவை மாநகர காவல் துறை ஆணையர் அலுவலகத்தில், இந்த மோசடி குறித்து புகார் அளித்துள்ளனர்.
கோவை நவ இந்தியா பகுதியில், கடந்த நான்கு வருடங்களாக ப்ளூ டைமண்ட் கேப்பிட்டல் என்ற ஷேர் மார்க்கெட் முதலீடு செய்யும் தனியார் நிறுவனம் இயங்கி வந்துள்ளது. லீடர் மேத்யூ மற்றும் வினோத் ஆகிய இருவர் நடத்தி வந்த இந்த நிறுவனத்தில், 30க்கும் மேற்பட்டோர் பணிபுரிந்துள்ளனர். இவர்கள் ஒவ்வொருவரும், தினந்தோறும் வாடிக்கையாளர்களுக்கு அலைபேசியில் அழைத்து முதலீடு பெற்று தர வேண்டும். லட்ச ரூபாய் முதலீடு செய்தால், மாதம் தோறும் பத்தாயிரம் ரூபாய் பகிர்வு கொடுப்பதாக இந்நிறுவனம் வாடிக்கையாளர்களை சேர்த்துள்ளது. தொடக்கத்தில் முதலீட்டாளர்களுக்கு மாதம் தோறும் முறையாக பகிர்வு தொகை இந்நிறுவனம் கொடுத்துள்ளது. அதேபோல் வாடிக்கையாளர் சேவை மையத்தில் பணியாற்றிய ஊழியர்களுக்கும் ஊதியத்தை வழங்கியுள்ளனர். முதலீட்டாளர்களை கவரும் ஊழியர்களுக்கு, 3% இன்சென்டிவ் தொடக்கத்தில் கொடுக்கப்பட்டதாகவும், பின்னர் அது நிறுத்தப்பட்டதாக கூறுகிறார் அங்கு பணிபுரிந்த வெங்கடேஷ். கடந்த எட்டு மாதங்களாக யாருக்கும் பணம் கொடுக்காமல் அந்நிறுவன உரிமையாளர் தலைமறைவாகி விட்டதாக கூறுகிறார் அங்கு பணிபுரிந்த ஊழியர் தனலட்சுமி. மேலும் தான் முதலீடு வாங்கி கொடுத்துள்ளதால், வாடிக்கையாளர்கள் தன்னிடம் கடுமையாக நடந்து கொள்வதாக ஆதங்கப்பட்டார். வாடிக்கையாளர் சேவை மையத்தில் பணிபுரியும் ஊழியர்கள் பெறக்கூடிய முதலீட்டு பணத்தை, அந்நிறுவனத்தின் கணக்கில் வரவு வைத்துள்ளனர். பண பரிவர்த்தனை, முதலீடு போன்ற பணிகளை அந்நிறுவனத்தின் உரிமையாளர் லீடர் மேத்யூ மட்டுமே செய்ததாக தெரிகிறது. நிறுவன உரிமையாளர் யார் என வாடிக்கையாளர்களுக்கு இதுவரை நேரடியாக தெரியாத பட்சத்தில், சேவை மையத்தில் பணியாற்ற ஊழியர்கள் தான் இதில் சிக்கி தவிப்பதாக கூறுகிறார் அங்கு பணிபுரிந்த தீபக். இன்று கோவை மாநகர காவல் துறை ஆணையரகம் வந்த பங்குச் சந்தை தனியார் நிறுவன ஊழியர்கள், இது குறித்து புகாரை பதிவு செய்தனர். பொதுமக்களிடம் பணம் திரட்டிய இந்நிறுவனத்தில் முதலீடு செய்த பணம் 15 கோடி ரூபாய்க்கு மேல் இருக்கும் என கூறப்படுகிறது. எனவே இந்த உரிமையாளரை கண்டுபிடித்து பணத்தை மீட்டு வாடிக்கையாளருக்கு கொடுக்க வேண்டும் என ஊழியர்கள் கோரிக்கை விடுத்துள்ளனர். 
தொடக்கத்தில் மாதம் தோறும் வாடிக்கையாளர்களுக்கு வட்டியாக 10% கொடுத்து வந்த நிறுவனம், படிப்படியாக அதனை குறைத்துள்ளது. இதனிடையே ப்ளூ டைமண்ட் கேப்பிட்டல் நிறுவனம், மேலும் ஒரு புதிய நிறுவனத்தை தொடங்கி, அதில் முதலீடு செய்ததாக கூறப்படுகிறது.
ப்ளூ டைமண்ட் கேப்பிட்டல் நிறுவனம் வாடிக்கையாளர் பணத்தை ஷேர் மார்க்கெட்டில் முதலீடு செய்ததாக கூறப்படுகிறது.
விழுப்புரத்திற்கு கை கொடுக்கும் கோவை!
published 1 day ago
சின்னத்தடாகம் பகுதியில் கருஞ்சிறுத்தை நடமாட்டம்...
published 4 days ago
தொடர்ந்து எகிறுது தங்கம் விலை! 4வது நாளாக இன்றும் அதிகரிப்பு.
published 1 week ago
தொடங்கியது ஈஷா கிராமோத்சவ விளையாட்டுப் போட்டிகள்: 43,000 பேர் பங்கேற்பு!
published 1 week ago
கோவையில் கண்ணப்பநகர் அருகே சாக்கடை வசதி பிரச்சினை- போராட்டத்தில் குதித்த மக்கள்...
published 1 week ago
கோவையில் கல்வி தொழில் நுட்ப கண்காட்சி மற்றும் தேசிய உயர் கல்வி மாநாடு துவங்கியது...
published 2 weeks ago
கோவை கார் குண்டுவெடிப்பு வழக்கு- கைதான நபர்களின் உறவினர்கள் போராட்டம்- காரணம் என்ன?
published 2 weeks ago
கோவையில் தோழிக்கு லொக்கேஷன் அனுப்பி பேராசிரியரிடம் இருந்து தப்பிய இளம் பெண்!
published 2 weeks ago
ராஜஸ்தானில் இருந்து போதைக்காக கோவைக்கு கொண்டுவரப்பட்ட மாத்திரைகள் பறிமுதல்...
published 3 weeks ago
வைரஸ் காய்ச்சலால் மகன் உயிரிழப்பு- துக்கம் தாளாமல் பெற்றோர் தற்கொலை...
published 3 weeks ago
கோவையில் சூயஸ் திட்டம் எப்போது நிறைவடையும்?- அமைச்சர் நேரு அளித்த பதில்...
published 3 weeks ago
நிரம்பி வழிகிறது கோவை ஜங்க்சன்...
published 4 weeks ago
என்னுடைய குடும்பமும் விஜய் ரசிகர்கள் தான்- கோவையில் அண்ணாமலை அளித்த பேட்டி...
published 1 day ago
கோவையில் ஒரு வருடம் கழித்து துவங்கியது ஹேப்பி ஸ்ட்ரீட் நிகழ்ச்சி...
published 1 day ago
கோவையில் களைகட்டும் உணவு திருவிழா...
published 2 days ago
கோவையில் கனமழையின் முன்னெச்சரிக்கை நடவடிக்கை- மாவட்ட நிர்வாகம் முக்கிய அறிவிப்பு....
published 2 days ago
இருகூரில் குடிபோதையில் கல்லை கொண்டு 23வயது இளைஞரை கொலை செய்த 40 வயது நபர்...
published 2 days ago
கோவையில் ரேடியோவை ஒளித்து வைத்ததால் இளைஞர் கொலை...
published 7 hours ago
கோகுலம் கார்டன் நிறுவனத்திடமிருந்து தங்களது பணத்தை மீட்டுத் தருங்கள்…
published 10 hours ago
இசைவாணி மீது நடவடிக்கை எடுக்க கோரி ஐயப்ப பாடல் பாடி மனு...
published 12 hours ago
கோவையில் புரோட்டா சாப்பிட்ட கல்லூரி மாணவி உயிரிழப்பு!
published 12 hours ago